”ჩვენ გვჭირდება დამოუკიდებელი სასამართლო სისტემა და არა ყველას ჩართულობით და ზედმეტად ხმების არჩევითობის შემოღება, რომ ხელოვნურად შეიქმნას კრიზისები”

„არ შეიძლება სასამართლო სისტემაში არსებობდნენ პოლიტიკური ნიშნით და სიმპათიებით წარმოდგენილი მოსამართლეები, ჩვენ გვჭირდება დამოუკიდებელი სასამართლო სისტემა და არა ყველას ჩართულობით და ზედმეტად ხმების არჩევითობის შემოღება, რომ ხელოვნურად შეიქმნას იქ კრიზისები“, – ამის შესახებ ჟურნალისტებს საზოგადოებრივი მოძრაობის „ხალხის ძალა“ წევრმა მიხეილ ყაველაშვილმა განუცხადა.

მისი თქმით, ისე ჩანს, თითქოს ეს იმისთვის კეთდება, რომ ეს ინსტიტუცია გაძლიერდეს, მის დამოუკიდებლობაზე ვზრუნავთ, მაგრამ როცა პროცესში შევდივართ და ამ რეკომენდაციებს არა რეკომენდაციის, არამედ სავალდებულო სახე აქვს.

„არ შეიძლება სასამართლო სისტემაში არსებობდნენ პოლიტიკური ნიშნით და სიმპათიებით წარმოდგენილი მოსამართლეები. როცა მიზანმიმართულად ჩანს, რომ ზოგზოგიერთი მოსამართლე გაიყვანონ იმისთვის, რომ შემდეგ გამოიყენონ თუნდაც არჩევნებისთვის, გაყალბების გზებისთვის, ეს იწვევს ქაოსს და აბსოლუტურად ცვლის პროცესს. მსგავსი ინციდენტებისგან თავი უნდა დავიზღვიოთ. დარწმუნებული ვარ წინა არჩევნებში რომელიმე თავისი მოსამართლე რომ ჰყოლოდათ, შეიძლება გასაჩივრების პროცესი ისე დაეგეგმათ, რომ იმ მოსამართლეს სხვანაირი განაჩენი გამოეტანა“, – განაცხადა მიხეილ ყაველაშვილმა.

როგორც ყაველაშვილმა აღნიშნა, ეს არის კონსტიტუციაში ჩარევა.

მისივე თქმით, მიღებული საკონსტიტუციო ცვლილებები ვენეციის კომისიამ მოიწონა.

„ის ცვლილებები, რაც მივიღეთ, მოწონებული იყო ვენეციის კომისიის მიერ. 5 საკონსტიტუციო ცვლილებაა. ეს კონსტიტუციაში ჩარევაა. ანალოგი რომ არ აქვს არცერთ ქვეყანაში, რატომ მთავაზობ ისეთ რამეს, მით უმეტეს ამ მყიფე სიტუაციაში, თან ისეთ ხალხთან მეუბნები, რომ გამორიცხულია პოლარიზაციის დამთავრება, თან ამ სასამართლო სისტემაში ამას ვერ მივიღებთ და კიდე ზემოდან არა ჩვეულებრივი უმრავლესობით, არამედ ზედმეტი უმრავლესობით, იმისთვის, რომ არასდროს არ მოხდეს მოსამართლის არჩევა. როცა სასამართლო სისტემაში ფლობ გავლენებს, აღარ გჭირდება სხვა ინსტიტუციებზე გავლენა. სასამართლო სისტემა საკმაოდ ძლიერი ინსტიტუციაა და მას შეუძლია ნებისმიერ მომენტში განსხვავებული პროცესი განავითაროს. ისე ჩანს, თითქოს ეს იმისთვის კეთდება, რომ ეს ინსტიტუცია გაძლიერდეს, მის დამოუკიდებლობაზე ვზრუნავთ, მაგრამ როცა პროცესში შევდივართ და ამ რეკომენდაციებს არა რეკომენდაციის, არამედ სავალდებულო სახე აქვს, ამაზე გვაქვს აპელირება გაკეთებული, ეს ინსტიტუტი კნინდება. ჩვენ გვჭირდება დამოუკიდებელი სასამართლო სისტემა და არა ყველას ჩართულობით და ზედმეტად ხმების არჩევითობის შემოღება, რომ ხელოვნურად შეიქმნას იქ კრიზისები“, – განაცხადა მიხეილ ყაველაშვილმა.

ცნობისთვის საზოგადოებრივმა მოძრაობამ „ხალის ძალამ“ განცხადება გაავრცელა, რითაც აშშ-ის საელჩოს მიერ სასამართლო რეფორმების შესახებ პარლამენტისთვის წარდგენილ დოკუმენტს გამოეხმაურა.

საზოგადოებრივი მოძრაობის თქმით, ასეთ დოკუმენტს არა „რეკომენდაციები“, არამედ მხოლოდ „ინსტრუქცია“ შეიძლება ეწოდოს, რაც, სამწუხაროდ, საბჭოთა წარსულს გვახსენებს და შესაბამის მძიმე ასოციაციებს აღძრავს.

გააზიარეთ და მოიწონეთ სტატია:

მსგავსი სტატიები:

“ვინც მცირე ჰესებს “აპრავებთ…ვინც ვერ ხვდებით…” ვიმოძრაოთ რიგგარეშე არჩევნებამდე – მარგველაშვილი ნათია თურნავა- 2030 წელს სიღარიბის მაჩვენებელი 10.7% მდე შემცირდება “მათ არ ეკუთვნით ის ტერიტორია, მათი იქ ყოფნა არ შეიძლება. მათი შემოსილობა არის კლოუნობა” ისრაელი უცხო ქვეყნის მოქალაქეების შესვლა აიკრძალა – ქვეყანა ჩაიკეტა მიხეილ სააკაშვილის სასამართლო პროცესი დაიწყო – პირდაპირი ეთერი ბოლო 24 საათის განმავლობაში,გურიაში კორონავირუსის – 26 ახალი შემთხვევა დაფიქსირდა-31 მარტის კოვიდსტატისტიკა “პირადად ბატონი ბიძინა ივანიშვილის ლომის წილია იმაში, რომ საზოგადოების დიდი ნაწილი მხარს ევროპულ გზას უჭერს” – ვოლსკი