სტატისტიკის ეროვნული სამსახურის ინფორმაციით, ბიზნეს სექტორის ბრუნვის მოცულობა 2022 წლის მე-2 კვარტალში გასული წლის შესაბამის პერიოდთან შედარებით 19.2 პროცენტით გაიზარდა და 41.7 მილიარდი ლარი შეადგინა.
მათივე ცნობით, 2022 წლის მე-2 კვარტალში დასაქმებულთა საშუალო რაოდენობა 695.2 ათასი კაცით განისაზღვრა, რაც გასული წლის შესაბამისი პერიოდის მაჩვენებელზე 5.4 პროცენტით მეტია. დასაქმებულთა მთლიანი რაოდენობიდან 42.8 პროცენტი ქალია, ხოლო 57.2 პროცენტი – კაცი.
„დასაქმებულთა მთლიანი რაოდენობის 42.2 პროცენტი მსხვილ ბიზნესზე მოდის, 20.2 პროცენტი – საშუალოზე, ხოლო 37.7 პროცენტი – მცირე ბიზნესზე. საანგარიშო პერიოდში, დაქირავებულთა მთლიანმა რაოდენობამ 656.7 ათასი კაცი შეადგინა (გასული წლის შესაბამის პერიოდთან შედარებით 5.3 პროცენტით მეტი), ხოლო საწარმოთა მთლიანი დანახარჯები პერსონალზე – 3 267.4 მლნ ლარით განისაზღვრა (გასული წლის შესაბამის პერიოდთან შედარებით 23.4 პროცენტით მეტი).
2022 წლის მე-2 კვარტალში საშუალო თვიური ხელფასი ბიზნეს სექტორში 1 625.8 ლარს გაუტოლდა (გასული წლის შესაბამისი პერიოდის მაჩვენებელთან შედარებით გაზრდილია 236.2 ლარით), მათ შორის ქალების ხელფასმა შეადგინა 1 267 ლარი (გასული წლის შესაბამისი პერიოდის მაჩვენებელთან შედარებით გაიზარდა 168.6 ლარით),“- აღნიშნულია საქსტატის მიერ გავრცელებულ ინფორმაციაში.
საწარმოთა ზომის მიხედვით საშუალო თვიური ხელფასი შემდეგნაირია:
- მსხვილი ბიზნესი – 1 718.1 ლარი;
- საშუალო ბიზნესი – 1 920.6 ლარი;
- მცირე ბიზნესი – 1 320.8 ლარი.
მსგავსი სტატიები:
საწვავის ფასები ზაფხულის შემდეგ ყველაზე მაღალ ნიშნულზეა
ინდოეთში გარდაცვლილთა რიცხვს კრემატორიუმები ვეღარ იტევენ და ცხედრებს პირდაპირ ქუჩებში წვავენ
უპატრონო ძაღლების საკითხის მოგვარების მოთხოვნით მოქალაქეები საინიციატივო ჯგუფს აყალიბებენ
როგორ პასუხობს ლადო აფხაზავა კოლეგის მხრიდან შეურაცხყოფას
ანტალიაში გაჩენილი მასშტაური ხანძრის გამო საქართველოს მოქალაქეებს საელჩო აფრთხილებს
კოვიდ სიტუაცია სკოლებში-ოზურგეთში რამდენიმე კლასი დისტანციურ სწავლაზე გადავიდა
ეზოში ფოთლების ან ხმელი ბალახის დაწვისთვის 500 ლარით დაჯარიმდებით
ღვთაება “ანთარი” – ივანე ჯავახიშვილი ანთაძეების გვარის წარმომავლობაზე