„რატომ უნდა შემოვუშვათ რუსები საქართველოში, როცა შემოვუშვით, რა ხეირი ვნახეთ?! გაიყვანეს მერე ოდესმე რუსი აქედან? საერთოდ გააგიჟებენ ხალხს, ჩამოიცვამენ თავზე შენს საქართველოს!“, – აღნიშნა “კვირის პალიტრასთან” საუბრისას თამარ სხირტლაძემ, რომელიც დღეს ყველაზე უხუცესი მოქმედი მსახიობია საქართველოში. იგი ქვეყანაში მიმდინარე მოვლენებს მუდამ აკვირდება და თავის მოსაზრებას მკაფიოდ გამოხატავს..
”პუტინმა საყოველთაო მობილიზაცია გამოაცხადაო და უამრავი რუსი რომ საქართველოს მოაწყდა, რატომ უნდა შემოვუშვათ რუსები საქართველოში, როცა შემოვუშვით, რა ხეირი ვნახეთ?! გაიყვანეს მერე ოდესმე რუსი აქედან? საერთოდ გააგიჟებენ ხალხს, ჩამოიცვამენ თავზე შენს საქართველოს!
აფხაზეთში ბოლო წლებში ქართული აღარც ისმოდა. მახსოვს, ჩვენმა მსახიობმა ქალბატონს მაღაზიაში რაღაც ქართულად ჰკითხა და მან რუსულად უპასუხა, ვერ გავიგეო… ამანაც ქართულად გემრიელად მიაგინა, ის ქალი მოტრიალდა და ამან, ეს ხომ გაიგეო…
სად არის პატრული, ჯარი?! – თუმცა მესმის, რომ მთავრობა ფრთხილადაა, რადგან ეშინიათ, უკრაინასავით ომში არ აღმოვჩნდეთ! ამხელა ქვეყანას რა უქნა რუსეთმა, უკრაინაში ქვა ქვაზე აღარ დატოვა და ჩვენ რუსეთისგან წკიპურტიც გვეყოფა…
არიქა, რუსეთში ამდენი ქართველიაო და საქართველოშიც შემოვუშვათ რუსებიო, სულელები არიან, რომლებიც ასე ფიქრობენ! ეს ერთი და იგივეა? – რუსეთი ასი საქართველოსხელაა და ჩვენ გვაქვს მათი ტერიტორიები ოკუპირებული?” – განაცხადა სხირტლაძემ.
კვირის პალიტრა
მსგავსი სტატიები:
ჩოხატაურელი ბავშვის ნამუშევარის ბანერი, ქალაქის სკვერში დაკიდეს
გამყრელიძე: “4-6 კვირიანი “ლოქდაუნის” შემოღების ყველა საფუძველი გვაქვს”
წელს გლეხები თხილის მოსავალს სულ მცირე 10 ლარად ჩააბარებენ
“ვერ წარმოიდგენ რა მადლობელი ვარ შენი!” – მიხეილ სააკაშვილის წერილი ნანუკა ჟორჟოლიანს
სკოლების დახურვის მოლოდინი არ გვაქვს – ეკატერინე ტიკარაძე
“საქართველოში 40 წლის კაციც ბავშვად ითვლება მშობლის ფრთის ქვეშ” – ლადო კახაძე
ზელენსკი მსოფლიო ლიდერებს: დღეს თუ არ დაგვეხმარებით, ხვალ ომი თქვენს კარზე მოაკაკუნებს
“დაიწყეს კიევის საცხოვრებელი უბნების დაბომბვა, ეს ყველაფერი 1941 წელს მოგვაგონებს”