ირაკლი ზარქუამ “ქართული ოცნების” ხელისუფლებაში მოსვლიდან 10 წელი შეაფასა და აღნიშნა, რომ ამ დროის განმავლობაში საქართველო ევროპას უფრო მეტად დაუახლოვდა:
“10 წლისთავზე ჩვენ გავაკეთეთ ის, რომ უფრო მეტად დავუახლოვდით ევროპას. უვიზო მიმოსვლა გვაქვს, დღეს თავისუფალი ვაჭრობა გვაქვს ევროკავშირთან, 500 მილიონიან მომხმარებელთან, რაც ჩვენი საგარეო ვაჭრობის დაახლოებით 20-25% არის უკვე და ეს ძალიან კარგია. მათ შორის დღეს ცხოვრობთ ქვეყანაში, სადაც შესაძლებლობა გვაქვს, რომ ხელფასები მომავალ წელს კიდევ უფრო მეტად გავზარდოთ სწორი ეკონომიკური პოლიტიკიდან გამომდინარე,რასაც ბატონი ღარიბაშვილი ატარებს.
რაც შეეხება ნატო-ევროკავშირს, ჩვენ გადავდგით ევროკავშირში ინტეგრაციის მორიგი ნაბიჯი, მივიღეთ აღიარება. რაც შეეხება ნატო-ს მიმართულებით საკითხს, მესმის უკრაინის, რომელსაც მცდელობა აქვს, რომ უფრო მეტად დაუახლოვდეს ნატო-ს – ეს მესმის, განსაცდელშია, მაგრამ ჩვენ გვაქვს ჩვენი გეგმა. უკრაინის ამ ინიციატივაზე თქვენ იცით, რომ ნატოს-გან პასუხი მიიღეს, რომ დაჩქარებულად არ აპირებენ უკრაინის თემის განხილვას. ჩვენ არ უნდა მოვატყუოთ საზოგადოება, არ უნდა მოვიტყუოთ თავი. დღეს საქართველო არის მზად ნატო-ში წევრობისთვის, უბრალოდ, ნატო არ არის მზად და ეს თვითონ თქვა რასმუსენმა. ასე, რომ გავუფრთხილდეთ ჩვენ ქვეყანას, იმ მიღწევებს, რაც გვაქვს”, – აცხადებს ზარქუა.
მსგავსი სტატიები:
გადათვლა ისე ვეღარ უშველის ამ საკითხს, როგორც მიცვალებულს რეანიმაცია – ნათელაშილი
“ჩამოყალიბდით მეგობრებო-ან თავიც ევროპაში შეყავით, ან ერთი ადგილი რუსულ ყინულზე მოისრიალეთ…”
“როგორც ვატყობ ოცნებას რევოლუციამდე მიჰყავს ეს ქვეყანა!” – ნინია კაკაბაძე
ევროკავშირის ელჩმა 26 მაისის ქუჩაზე დაღუპულებს პატივი მიაგო
ოზურგეთის კინო-თეატრი და პატარა ტელევიზორში ნანახი “ტიტანიკი” – გიორგი კეკელიძის პოსტი
კორონავირუსით ინფიცირების 6 236 ახალი შემთხვევა დაფიქსირდა
პუტინი: კიევმა “აზოვსტალის” მცველებს იარაღის დაყრა უნდა უბრძანოს
”ჩემი ბავშვობა იმ თოკმა დაამთავრა, რომლითაც მამამ თავი ჩამოიხრჩო” – 11 წლის საბა ოზურგეთიდან