ამერიკის შეერთებული შტატების პრეზიდენტი ჯო ბაიდენი მიიჩნევს, რომ ვლადიმერ პუტინმა უკრაინის ოკუპაციის პერსპექტივა სრულიად არასწორად გათვალა.
რუსეთ-უკრაინის ომზე ბაიდენმა CNN-თან ინტერვიუში ილაპარაკა.
„მე ვფიქრობ… იმედი ჰქონდა, რომ ხელგაშლილები შეხვდებოდნენ უკრაინაში, რომ კიევი ეს დედა-რუსეთის სახლია და მას იქ მიიღებდნენ. ვფიქრობ, სრულიად არასწორად გათვალა… ვფიქრობ, ის რაციონალური მოთამაშეა, რომელიც ძალიან შეცდა,“ – ამბობს აშშ-ის პრეზიდენტი.
კითხვაზე, შეხვდება თუ არა პუტინს მომავალ თვეში G20-ის სამიტზე ინდონეზიაში, ბაიდენი ამბობს, რომ მასთან ლაპარაკის მიზეზს ვერ ხედავს.
„ეს დამოკიდებული იქნებოდა იმაზე, რაზე საუბარი ენდომებოდა მას“, – ამბობს პრეზიდენტი და დასძენს, რომ თუ პუტინი ამერიკელი კალათბურთელის, ბრიტნი გრინერის საქმეზე ლაპარაკს მოისურვებს, მაშინ მასთან სასაუბროდ მზად იქნება. – „მაგრამ ის მხეცურად მოიქცა, მხეცურად მოიქცა. ვფიქრობ, მან ომის დანაშაულები ჩაიდინა და, შესაბამისად, ვერ ვხედავ რაიმე რაციონალურ მიზეზს, მას ახლა შევხვდე.“
„არ ვფიქრობ, რომ ამას გააკეთებს“, – უპასუხა ბაიდენმა შეკითხვას, გამოიყენებს თუ არა პუტინი ტაქტიკურ ბირთვულ იარაღს. – „მისგან ამაზე ლაპარაკი უპასუხისმგებლობაა, მსოფლიო ლიდერისგან, რომელიც ფლობს ერთ-ერთ უდიდეს ბირთვულ ძალას მსოფლიოში, იმის თქმა, რომ ის უკრაინაში ტაქტიკურ ბირთვულ იარაღს გამოიყენებს.“
დიდი ოცეულის სამიტი ინდონეზიაში, ბალიზე, 15-16 ნოემბერს გაიმართება. კრემლმა უკვე დაადასტურა, რომ მიწვევა მიიღო და რომ რუსეთის პრეზიდენტი სამიტზე დასწრებას აპირებს.
მსგავსი სტატიები:
არ უნდა მჯდარიყო გავრილოვი სავარძელში, პროვოკაცია ვერ გავთვალეთ – ირაკლი კობახიძე
თურნავა: სულ მალე შემობრუნებას, განვითარებასა და აღორძინებას ყველა იგრძნობს
“პარტიული სია გახსნილია” – ნათელაშვილი მსურველებს და მხარდამჭერებს მიმართავს
“ისე არ მოხდეს ყველა გამოვიდეს პარლამენტიდან და გუბაზი შიგნით დარჩეს” – ოქრუაშვილი
“მიშა, მოიცადე კიდევ ცოტა ხანი…თუ შეიძლება გადადე შენი ულტიმატუმის დღე” – ნიკოლოზ ყიფშიძის მიმართვა
რუსი სამხედრო ტყვე : “პუტინმა გაგვასულელა და გვიღალატა დედა” …
“მადლობა ყველას, ვინც ციხესთან მოვიდა…ციხის ექიმები ყველა ერთ აზრზეა, რომ აუცილებელია ჩემი დაუყოვნებლივ სტაციონარში გადაყვანა…მაგრამ ეს ვერ იქნება ვერც გლდანი და ვერც გორი”
პუტინი საგანგებო რეჟიმზე გადადის – კრემლში უშიშროების საბჭოს სხდომას იწვევენ