“ერთიანი ნაციონალური მოძრაობის” თავჯდომარე, ნიკა მელია, “ვარდების რევოლუციის” მე-19 წლისთავს გამოეხმაურა და აღნიშნა, რომ ამ მოვლენის სულისჩამდგმელი, მიხეილ სააკაშვილი, პუტინის ტყვეა.
“დღეს 23 ნოემბერია, გიორგობა, სინათლის სიბნელეზე გამარჯვების დღე, რწმენისა და ამ რწმენით გაძლიერების და ბოროტების დამარცხების დღე.
დღეს ვარდების რევოლუციიდან 19 წელი გავიდა, დღიდან, როდესაც საქართველოს მოქალაქეების აბსოლუტურმა უმრავლესობამ უძრაობა და კორუფციულ ჭაობში ჩაფლული სახელმწიფო მოძრაობისა და განვითარების სურვილით შეცვალა.
დღეს არის დღე, როდესაც ჩამოშლილი ტერიტორია, სადაც კრიმინალების თარეში, კორუფცია და სრული უპერსპექტივობა იყო, იდეით გამსჭვალულმა ადამიანებმა ამბიციურ სახელმწიფოდ აქციეს.
ქართულ რეფორმებზე მსოფლიომ დაიწყო საუბარი, მიშამ და მისმა გუნდმა მოახდინეს გარღვევა.
სწორედ ეს ვერ აპატია მას რუსული იმპერიალისტური მიდრეკილებების მქონე ტერორისტულმა სახელმწიფომ, სწორედ ამიტომ, რუსული ოცნების პირობებში მიშა არის პუტინის პირადი ტყვე.
2002 წელს იყო სიბნელე, ახლაც ხელისუფლება ცდილობს დაგვტოვოს ისტორიის ბნელ მხარეს.
თუმცა გვახსოვდეს – რაც უფრო გრძელი არის ღამე, მით უფრო ახლოსაა განთიადი.
გაგვიმარჯვია ღირსებით და სიმართლით,
გავიმარჯვებთ ღირსებით და სიმართლით.
არ არსებობს გამარჯვებისკენ მიმავალი მოკლე ან გრძელი გზა, არსებობს მხოლოდ ღირსეული გზა და ღირსეული გამარჯვება.
გილოცავთ 23 ნოემბერს!”,- განაცხადა ნიკა მელიამ.
“ვარდების რევოლუციის” თარიღთან დაკავშირებით დღეს აქციები გაიმართება თბილისსა და ბათუმში.
მსგავსი სტატიები:
“ის იყო და რჩება თავისი ქვეყნის დიდ ქველმოქმედად”-კალაძე
ან ჩორჩანას საგუშაგო, ან იქონის ხატი ზაზა გახელაძის გათავისუფლების სანაცვლოდ
“ოცნებამ” საარჩევნო ადმინისტრაციაზე და ენმ-ს წარმომადგენლებზე ზეწოლა გააძლიერა – ბეჟაშვილი
წინასაარჩევნო ზეწოლა -ენმ-ს წევრმა დეპუტატობიდან კანდიდატურა მოხსნა
დავიცავთ მიხეილ სააკაშვილს – უკრაინის საგარეო საქმეთა მინისტრი
“ეს ძალიან მალე მოხდება!” – გიორგი სააკაშვილი
„სამართალდამცავები არ დაუშვებენ რაიმე ტიპის ძალადობას სათამაშო მოედანზე“ – არჩილ თალაკვაძე
“პრემიერ-მინისტრების ამერიკაში ვიზიტი ცუდად გვაქვს დაცდილი – როგორც წესი იქიდან ჩამოსულებს სახლში უშვებენ”