“მიშა უნდა გადარჩე და ნამდვილად გადარჩები, მე ამის მჯერა. მიყვარხარ და ვამაყობ შენით” – ამ სიტყვებით მიმართავს ნიკოლოზ სააკაშვილი შვილს, მესამე პრეზიდენტს.
მისი თქმით, მიხეილ სააკაშვილს იმისთვის სჯიან, რომ საქართველო მოეგლიჯა რუსული ორბიტიდან:
„დღე და ღამე მუდმივად მიშაზე ფიქრი მიტრიალებს თავში. სამწუხაროდ, ჩემი ჯანმრთელობა არ მაძლევს საშუალებას აქტიურად ვიბრძოლო იმ უსამართლობის წინააღმდეგ რომელიც მიშას მიმართ არის გაჩაღებული.
რა ვქნა, რით დავეხმარო – გული მაქვს გახეთქვაზე. რა ხდება, რას მოვესწარი – ადამიანს ცოცხლად კლავენ იმისთვის, რომ გაბედა და მოინდომა, ჩვენი საქართველო მოეგლიჯა რუსული ორბიტიდან და კიდევაც მოახერხა.
კლავენ იმისათვის რომ შექმნა ქართული სახელმწიფოებრიობა, სახელმწიფო სიმბოლიკები-ქართული დროშა, ქართული ჰიმნი, რომლის ლეიტმოტივი – ძალა ერთობაშია. შექმნა ძლიერი სახელმწიფო ინსტიტუტები, აღადგინა და ააშენა ახალი ქალაქები. საქართველოს მოქალაქეებს ჩაუნერგა საკუთარი თავის რწმენა, რწმენა მომავლის და იმედი ხვალინდელი დღის. შექმნა ე.წ. მიშას თაობა. გასაქანი მისცა ადამიანების ნიჭს, პრიორიტეტად აქცია განათლება. გააცნო მთელ მსოფლიოს ჩვენი ყოფა, უძველესი კულტურა.
კლავენ ადამიანს, რომელმაც მოახერხა რიგითი ადამიანების ინტეგრაცია ქვეყნის მშენებლობის პროცესში, შეამცირა უმუშევრობა. შექმნა ქვეყნის სიძლიერის სიმბოლო, თანამედროვე სტანდარტებით აღჭურვილი ქართული ჯარი. ვაი ჩვენ ყოფას-ამისთვის ისჯება და კლავენ? უფლის გეშინოდეთ. ყველას თავისი მიეზღვევა ადრე თუ გვიან. კარგად დაფიქრდით, მოკლე მეხსიერება მძვინვარებს ჩვენში. მიშა უნდა გადარჩე და ნამდვილად გადარჩები. მე ამის მჯერა. მიყვარხარ და ვამაყობ შენით”- წერს სააკაშვილი.
მსგავსი სტატიები:
“შრომას სქესი არ აქვს და შრომა არ ტეხავს”-ტაქსის მძღოლი ქალი ოკუპირებული აფხაზეთიდან
“წყალი მარგებელი” კომპანიაში მიმდინარე მოვლენებზე ოფიციალურ განცხადებას ავრცელებს
რას წერდა ვალიკო ჯუღელი დღიურში
“ჩასვამენ ავტობუსებში დილას მისულ ხალხს რეგიონებში და ექსკურსიაზე წამოიყვანენ თბილისში” – ხუხაშვილი “ოცნების” დაანონსებულ აქციაზე
“ეს ის ქვეყანაა სადაც ფეხბურთელები, რომ ბურთს კენწლავენ გვიკვირს, ხოლო პოლიტიკოსები რომ ფულს იპარავენ არ გვიკვირს”- თაკო ჩარკვიანი
“ვოლსკი ხმის ამოღებას გაბედავდა სააკაშვილის თანდასწრებით? შეიძლება გული წასვლოდა შიშით”
“კი არ დავფორთხავდი ფრონტის წინა ხაზზე ვიყავი” – სააკაშვილი აგვისტოს ომზე
გადადგეს ეს მთავრობა! – გიორგი მარგველაშვილი