“მიუსაფარ ცხოველებთან დაკავშირებული საკითხი….პროექტის დონეზე მომზადებულია”- არჩილ თალაკვაძე

კანონპროექტი, რომელმაც მიუსაფარ ცხოველებთან დაკავშირებული საკითხი უნდა დაარეგულიროს, პარლამენტს სავარაუდოდ, საგაზაფხულო სესიის ფარგლებში წარედგინება.

როგორც „ინტერპრესნიუსს“ პარლამენტის ვიცე-სპიკერმა, არჩილ თალაკვაძემ განუცხადა, საკითხზე გარემოს დაცვისა და ბუნებრივი რესურსების კომიტეტ მუშაობს და ის პროექტის დონეზე უკვე მომზადებულია.

თალაკვაძის განმარტებით, საკანონმდებლო დონეზე მოწესრიგდება საბაზისო სერვისები, რაც ცხოველების გამრავლების კონტროლს, ქუჩაში მიუსაფარი ძაღლების აღრიცხვას, ინფექციების მართვას და სპეციალური თავშესაფრების შექმნას უკავშირდება.

„საპარლამენტო კომიტეტი მაია ბითაძის ხელმძღვანელობით მუშაობს. ყველა დაინტერესებული მხარე ჩართულია და სამუშაო პროცესი დაწყებულია როგორც საკანონმდებლო მიმართულებით, ასევე მის აღსრულებაზეც არის მსჯელობა. განიხილება ერთიანი სტანდარტის დანერგვა იმიტომ, რომ ცალ-ცალკე ამ საკითხის მოგვარება შეუძლებელია. მაგალითად, თუ კახეთში მუნიციპალიტეტები მოაგვარებენ უპატრონო ძაღლების პრობლემას და სხვაგან ეს არ იქნება ანალოგიურად მოგვარებული, მოხდება და ხდება კიდეც ძაღლების მიგრაცია. ეს გახდება უკვე სხვა მუნიციპალიტეტის პრობლემა ორჯერ უფრო მეტად. ზუსტად ამ დაკვირვებამ, ამ მონაცემებმა მიგვიყვანა იმ დასკვნამდე, რომ ერთიანს სტანდარტს დავუჭიროთ კანონმდებლობით მხარი. არის მსჯელობა ეს უნდა იყოს მუნიციპალურ დონეზე ცალ – ცალკე მართული, მაგრამ ერთიანი სტანდარტით, თუ უნდა იყოს ქვეყნის მასშტაბით ერთი სააგენტო შექმნილი, რომელიც უზრუნველყოფს სერვისების განვითარებას. ერთი რამ ფაქტია, რომ ეს საბაზისო სერვისები უკავშირდება, პირველ რიგში, გამრავლების კონტროლს, უკავშირდება მიუსაფარი ძაღლების აღრიცხვას, ინფექციების მართვას, სპეციალური თავშესაფრების შექმნასა და სერვისის შექმნას, როცა მოქალაქეს ეცოდინება თუ ვის მიმართოს. ეს არის საბაზისო სერვისები და საკანონმდებლო დონეზე უნდა მოწესრიგდეს ისე, რომ ყველა მუნიციპალიტეტს მინიმუმ, ეს სტანდარტული სერვისები ჰქონდეს აწყობილი. მაქსიმალურად ვცდილობთ, რომ დავაჩქაროთ ამაზე მუშაობა. ვცდილობთ, რომ თითოეული დეტალი განხილვების დონეზე მაქსიმალურად ამოვწუროთ. პროექტების დონეზე მომზადებულია, განიხილება დაინტერესებულ მხარეებთან და საგაზაფხულო სესიაზე, დიდი იმედი მაქვს, რომ გვექნება კონკრეტული წინსვლა ამ მიმართულებით“, – განაცხადა თალაკვაძემ.

გააზიარეთ და მოიწონეთ სტატია:

მსგავსი სტატიები:

ჩვენ ტერიტორიული მთლიანობის აღდგენას მშვიდობიანი გზით ვცდილობთ – პრემიერი “საქართველო არ არის არავის სავაჭრო ხურდა” „ვინოტელის“ მფლობელი: “პოზნერისთვის მოულოდნელი იყო ასეთი დახვედრა, ცუდი რეაქცია ჰქონდა – სტუმრები წავიდნენ და აღარც ჩამოვლენ” ” ხელისუფლება ცდილობს საარჩევნო რეფორმის საფარქვეშ თავისი ინტერესების გამომხატველი ნორმები „გააძვრინოს“” “სააკაშვილი შემოიტყუეს და კარგადაც შემოიტყუეს” – ქეთი დოლიძე ენმ უნდა დავიწროვდეს, სააკაშვილმა, უგულავამ, ბოკერიამ პასუხისმგებლობები აიღონ – კობახიძე “თავისუფლება დღეს ჩვენი! თავისუფლება დღეს და აქ! თავისუფლება ერთხელ და სამუდამოდ!” – მიხეილ სააკაშვილის მიმართვა აქციაზე „მეგობრებო, საქართველო განიკურნა!” – RT-ის მთავარი რედაქტორი მარგარიტა სიმონიანი