ავარიას ოზურგეთელი ახალგაზრდა, 20 წლის გიორგი კაპანაძე ემსხვერპლა. ავტოსაგზაო შემთხვევა ორი კვირის წინ მოხდა და ამ დროის განმავლობაში გიორგი კლინიკაში მძიმე დაზიანებებით მკურნალობდა, თუმცა სამწუხაროდ, მისი გადარჩენა ვერ მოხრხდა. როგორც ცნობილია, ის ქვეითად გადაადგილდებოდა რა დროსაც ავტომობილი დაეჯახა. არსებული ინფორმაციით, მამაკაცი, რომელიც ავტომობილს მართავდა ნასვამ მდგომარეობაში იყო.
გიორგი კაპანაძის შესახებ სოციალურ ქსელში სამხედრო ფოტოგრაფი ზაირა მიქატაძე წერს. მისი ცნობით, გიორგი უკრაინაში მებრძოლი თემურ კაპანაძის შვილია:
“მეცხრე კლასი რომ დაამთავრე, და როგორც წარჩინებულ მოსწავლეს, ლეპტოპი გაჩუქეს, თავდახრილი უსმენდი შენს მამიკოს, შენს წარმატებაზე რომ გველაპარაკებოდა. ჩვენი სამსახურის კალენდრისთვის ნახატი მოგვიტანე – ჯარისკაცი გმირის მემორიალთან. მამაშენის შვილი დასახატად სხვა თემას ვერც აირჩევდი. მაშინ 15 წლის იყავი. თვალს და ხელს შუა გაიზარდე, თვალს ვეღარ გაწვდენდით. სტუდენტი გახდი, ოზურგეთიდან თბილისში გადმოხვედი. გული სულ მშობლიური კუთხისკენ მიგიწევდა.
გვიყვარხარ, გიო. ძალიან გვიყვარხარ, ჩვენო მოუსვენარო ბიჭო. ჩქარია, ჩქარიო, ხშირად მომისმენია შენებისგან. ამ ქვეყნიდან გასვლაც გეჩქარებოდა” ალბათ. 20 წელი, სიცოცხლის მხოლოდ 20 წელი და უთვალავი – მარადისობაში. პირადად მე, სიკვდილის არ მჯერა, მაგრამ, მონატრებაც ხომ არსებობს, შვილო. როგორ გაუძლოს დედაშენმა აწი გასავლელ უშენო, ბნელ დღეებსა და წლებს…” – წერს მიქატაძე.
მსგავსი სტატიები:
ჩოხატაურის მუნიციპალიტეტში სახლი დაიწვა
“14 წლის გოგოსთან სექსუალური კავშირი ძალადობაა! შეიგნეთ ხალხო!”
კორონავირუსით ინფიცირებული 3 ჩვილიდან ერთის ჯანმრთელობის მდგომარეობა განსაკუთრებით მძიმეა – ციციშვილის კლინიკა
„სკოლების დახურვის გამო, ბავშვების უმეტესობა ვერასდროს დაეწევა სასწავლო პროგრამას“ – UNICEF-ის განცხადება
თითქმის 8-ჯერ გაზრდილი ექსპორტი – სად იყიდება ქართული კარტოფილი
Facebook სახელის შეცვლას გეგმავს
დღეს ბარბარობაა – ფაქტები წმინდანის ცხოვრებიდან, რაც ყველა მორწმუნემ უნდა იცოდეს
ლანჩხუთში საახალწლო კონცერტი გაიმართა