მოსკოვში ორშაბათი არასამუშაო დღედ გამოცხადდა

მოსკოვის მერმა სერგეი სობიანინმა რუსეთის დედაქალაქში ორშაბათი არასამუშაო დღედ გამოაცხადა, ამის შესახებ ნათქვამია მერის ტელეგრამარხზე გავრცელებულ ცნობაში. მოსკოვის მერის თანახმად, მიმდინარეობს „კონტრტერორისტული ოპერაცია. სიტუაცია რთულია“.

„რისკების მინიმიზაციის მიზნით, ჩემ მიერ ოპერატიული შტაბის ფარგლებში მიღებულია გადაწყვეტილება ორშაბათის არასამუშაო დღედ გამოცხადების შესახებ“, – წერს სობიანინი, რომლის თანახმად, ეს გადაწყვეტილება არ შეეხებათ სამთავრობო ორგანოებს, უწყეტი ციკლის საწარმოებს, სამხედრო-სამრეწველო კომპლექსებსა და საქალაქო სამსახურებს.

მოსკოვის მერი თანამოქალაქეებს მოუწოდებს თავი შეიკავონ ქალაქში მოძრაობისგან, ვინაიდან მოსალოდნელია გზების სხვადასხვა მონაკვეთის გადაკეტვა ცალკეულ კვარტლებში.

23 ივნისის საღამოს, კერძო სამხედრო კომპანია „ვაგნერის“ დამფუძნებელმა ევგენი პრიგოჟინმა რუსი სამხედროები დაქირავებულთა ბანაკზე თავდასხმაში დაადანაშაულა და გამოაცხადა, რომ ფაქტობრივად სამხედრო გადატრიალებას გეგმავს რუსეთში. ამას მან „სამართლიანობის მარში“ უწოდა.

24 ივნისის დილისთვის „ვაგნერის“ მებრძოლებმა დაიკავეს დონის როსტოვი. მოგვიანებით, გაჩნდა ინფორმაცია, რომ ისინი ვორონეჟში რამდენიმე სამხედრო ობიექტს აკონტროლებენ. რეგიონის გუბერნატორმა ალექსანდრ გუსევმა განაცხადა, რომ რეგიონში მიმდინარეობს „ოპერატიული საბრძოლო მოქმედებები“.

ევგენი პრიგოჟინმა ტელეგრამარხზე დაწერა, რომ კერძო სამხედრო კომპანია „ვაგნერის“ დაქირავებული მებრძოლები მოსკოვის ოლქისკენ მიიწევენ.

რადიო თავისუფლება

გააზიარეთ და მოიწონეთ სტატია:

მსგავსი სტატიები:

ქართველები, რომლებიც მე-20 საუკუნის დასაწყისში აშშ-ში მილიონერები გახდნენ გრეგორი პეკისა და ლეილა აბაშიძის შეხვედრა ტოკიოს კინოფესტივალზე ნინო სუხიშვილი-როგორ შეიძლება ასე გაგლეჯილი საქართველო დიდხანს არსებობდეს ჟურნალისტებმა ოზურგეთში უკანონოდ მოქმედი ინერტული მასალების მოპოვების ფაქტი გამოააშკარავეს 3 თვეში საქართველოდან ექსპორტზე 3 512 ტონა მანდარინი გავიდა “მთავარის” ინფორმაციით, ნათია თურნავას თანამდებობიდან გაათავისუფლებენ და მის ადგილს სოფლის მეურნეობის მინისტრი დაიკავებს ჩვენ ვალდებულებები შევასრულეთ, ახლა ჯერი ევროპაზეა – ღარიბაშვილის გამოსვლა ბრატისლავაში “სააკაშვილმა არაერთხელ სცადა, თვითდაზიანებით თავისუფლება უზრუნველეყო – კრიმინალებში მიღებული პრაქტიკაა”