“მიხეილ სააკაშვილი ჰუმანიტარული საბაბით უნდა გათავისუფლდეს… შეშფოთებით ვუყურებ საქართველოში მიმდინარე მოვლენებს და თვენახევარში ვაპირებ იქ ჩასვლას”, – ამის შესახებ ევროპარლამენტში მიმდინარე უსაფრთხოების კონფერენციაზე “ჯორჯ ბუშის საპრეზიდენტო ინსტიტუტის” გლობალური პოლიტიკის დირექტორი / სახელმწიფო დეპარტამენტის ყოფილი მაღალჩინოსანი დევიდ კრამერი საუბრობს.
”დღეს ყველანი დამწუხრებულები ვართ პრეზიდენტ მიხეილ სააკაშვილის მდგომარეობის გამო. მე გავიმეორებ პრეზიდენტ ტომას ილვესის სიტყვებს და ვიტყვი, რომ სხვა თუ არაფერი, მხოლოდ ჰუმანიტარული საბაბით უნდა იქნას ის გათავისუფლებული. ამიტომ, მე მოვუწოდებ საქართველოს ხელისუფლებას, რომ გადადგას ერთადერთი სწორი ნაბიჯი. განსხვავებით ქართველი ხალხის ხედვებისგან, მე ძალიან გაწბილებული ვარ საქართველოს ხელისუფლების წარმომადგენლების რიტორიკით ამ დღეებში. შთაბეჭდილება იქმნება, რომ ეს რიტორიკა მოდის უფრო მოსკოვიდან ვიდრე თბილისიდან. ჩვენ დავინახეთ რუსული სტილის კანონის მიღების მცდელობა, ვხედავთ რუსეთთან კავშირების გამყარების მცდელობებს, როდესაც ყველა დანარჩენი მოსკოვთან კავშირების გაწყვეტას ცდილობს. ასე რომ, მე შეშფოთებით ვუყურებ საქართველოში მიმდინარე მოვლენებს და თვენახევარში ვაპირებ იქ ჩასვლას, რათა მონაწილეობა მივიღო დაგეგმილ კონფერენციაში და მეტი ყურადღება გავამახვილო ამ თემებზე” – ამბობს კრამერი.
მსგავსი სტატიები:
ჯემალ კეჭაყმაძე – 80
“ჩიგოგიძემ შვიდჯერ დამირეკა… დღეს ისე მისცა ხმა, მგონი ის ღილაკი ჩაამტვრია”…
“ამნისტია არ უნდა შეეხოს ნიკა მელიას,რადგან თავად ამის წინააღმდეგია”
ხაბეიშვილი: კალაძის არჩევის შემთხვევაში სიძულვილით და ღარიბაშვილით სავსე ქალაქი გვექნება
“ბოლო ერთი კვირაა შემთხვევების მატების ტენდენცია გამოიკვეთა – შესაძლებელია ეს იყოს „მეხუთე ტალღის“ დასაწყისი”
ვინ არის მსოფლიოში ჭადრაკის ყველაზე პატარა გროსმაისტერი
“უკრაინა და საქართველო ერთად, მუდამ!” – ზელენსკიმ ქართველ ხალხს მიმართა
ქართული ოცნება მიიღებს ყველა იმ კანონს, რომლებსაც წლებია, ვითხოვთ – მორგოშია