ხანძარი ოზურგეთის უნივერმაღის უკანა მხარეს

ოზურგეთში, უნივერმაღის შენობის მიმდებარე ტერიტორიაზე ხანძარი იყო

ცეცხლი შენობის ე.წ. მიშენებებს გაუჩნდა.

დამწვარია მეწაღეების ოთხი ჯიხური. მეხანძრე მაშველებმა ცეცხლის დროულად ლოკალიზება შეძლეს.

გავრცელებული ინფორმაციით, ცეცხლი ელექტროგაყვანილობას გაუჩნდა.

შემთხვევის შედეგად არავინ დაშავებულა, თუმცა მეწაღეების თქმით, მათ ყველაფერი დაეწვათ და საკმაოდ დიდი ზარალი მიიღეს.