რა ინფორმაციას ეძებდა ყველაზე ხშირად მომხმარებელი Google-ს საძიებო სისტემაში? Google-მა იმ ამბების და ადამიანების ჩამონათვალი გამოაქვეყნა, რომლითაც მსოფლიოს მოსახლეობა ყველაზე ხშირად ინტერესდებოდა.
ახალი ამბების უპირობო ლიდერია ისრაელ-“ჰამასის” ომი. რომელიც 2023 წლის 7 ოქტომბერს დაიწყო და მას შემდეგ ტერორისტულმა ორგანიზაციამ “ჰამასი” ამ დროში 1 100-ზე მეტი ადამიანი დახოცა და 250-მდე გაიტაცა.
მეორე ყველაზე საინტერესო ამბავი Google-ის მომხმარებლებისთვის წყალქვეშა ნავის “ტიტანის” ჩაძირვა იყო. “ტიტანი”, რომლის ბორტზეც ხუთი ადამიანი იყო, 18 ივნისს წყნარ ოკეანეში გაუჩინარდა და მის კვალს ვეღარ მიაგნეს.
რაც შეეხება იმ ადამიანებს, რომლებსაც Google-ში ყველაზე ხშირად ეძებდნენ – პირველი ადგილი დაიკავა ამერიკული ფეხბურთის ვარსკვლავმა დამარ ჰამლინმა – ის ათლეტებს შორისაც უპირობო ლიდერია.
მუსიკოსებს შორის ყველაზე ხშირად კოლუმბიელ მომღერალს, შაკირას ეძებდნენ. აღსანიშნავია, რომ მის მიმართ ინტერესი მას შემდეგ გაიზარდა, რაც მან ყოფილ ქმარზე, ესპანელ ფეხბურთელ პიკეზე სიმღერა დაწერა.
უკვე გარდაცვლილ ადამიანებს შორის ყველაზე ხშირად ინტერნეტ-მომხმარებლები სერიალ “მეგობრების” ამერიკელი მსახიობის, მეთიუ პერის გარდაცვალებას ეძებდნენ.
ფილმებს შორის ყველაზე დიდ ინტერესს ბლოკბასტერები, “ბარბი” და “ოპენჰაიმერი” იწვევდა.
Google-მა ასევე გამოაქვეყნა მონაცემები, ვის ეძებდნენ მომხმარებლები 2004 წლიდან – ირკვევა, რომ პირველ ადგილს მუსიკოსი, გრემის არაერთგზის მფლობელი “ბიონსე”, მეორე ადგილს კი პორტუგალიელი ფეხბურთელი, კრიშტიანუ რონალდუ იკავებს. ყველაზე პოპულარულ მსახიობებს შორის პირველი ადგილი კი “ჰარი პოტერის” მსახიობებმა ერთობლივად და უპირობოდ დაიკავეს.
მსგავსი სტატიები:
გურიის გუბერნატორი ზურაბ ნასარაია მოსახლეობას დამდეგ შობა-ახალ წელს ულოცავს
საქართველოს ეროვნული საფეხბურთო ნაკრები არსებობის ისტორიაში დღეს,25 მარტს მე-7-ედ ითამაშებს მსოფლიო თასის შესარჩევ ეტაპზე
“მე შეიძლება, არ მეხატებოდეს [პრაიდის} ფორმა, არც ამის იდეოლოგია და არც ამის მიზანი…”
“მიშა მზად არის საჯარო სასამართლო მოუწყონ…ხომ გინდათ მიშას გასამართლება? მოითხოვეთ მისი მიყვანა პროცესზე…მოითხოვეთ პირდაპირი ეთერი”-ნანუკა ჟორჟოლიანი
რუსი ოკუპანტები უკრაინელებს ძარცვავენ, არბევენ და აუპატიურებენ – პუტინის ომის 23-ე დღე უკრაინაში
Poynter: “ოპოზიციური მედია “ქართული ოცნების” სამიზნეები გახდნენ”
„S O S !!!!! ამერიკის ელჩი ზეწოლას ახდენს ქართულ სასამართლოზე!“ – ხათუნა ხოფერია
ვიდეო: ქორწილი გურიაში წყალდიდობის დროს