ესტონეთის, ლატვიისა და ლიეტუვის თავდაცვის მინისტრებმა რიგაში გამართულ შეხვედრაზე დღეს ხელი მოაწერეს შეთანხმებას, რომლის მიხედვითაც ბალტიისპირეთის სამივე ქვეყანა ერთობლივ თავდაცვის ზონას შექმნიან რუსეთისა და ბელარუსის საზღვრებთან.
„მობილურობის საწინააღმდეგო თავდაცვითი დანადგარების აშენება არის კარგად გააზრებული პროექტი, რომლის საჭიროება გამომდინარეობს უსაფრთხოების არსებული სიტუაციიდან. რუსეთის ომმა უკრაინაში აჩვენა, რომ აღჭურვილობის, საბრძოლო მასალისა და ცოცხალი ძალის გარდა, საჭიროა საზღვრების დაცვაც”, – განაცხადა ესტონეთის თავდაცვის მინისტრმა ჰანო პევკურმა.
მან ხაზგასმით აღნიშნა, რომ თავდაცვის დანადგარების მიზანია რეგიონში სამხედრო კონფლიქტის თავიდან აცილება – „ჩვენ ამას ვახორციელებთ იმისთვის, რომ ესტონელმა ხალხმა თავი დაცულად იგრძნოს, მაგრამ თუ ოდნავი რისკი გაჩნდა, ჩვენ უფრო ოპერატიულად ვიქნებით მზად სხვადასხვა მოვლენებისთვის“, – დასძინა პევკურმა.
თავდაცვითი დანადგარების კონცეფცია ეფუძნება ნატოს მადრიდის სამიტზე მიღებულ გადაწყვეტილებებს, სადაც ხაზგასმულია, რომ მოკავშირეები მზად უნდა იყვნენ დაიცვან ტერიტორია პირველივე მეტრიდან და უნდა შემუშავდეს ახალი რეგიონული თავდაცვის გეგმები.
გარდა ამისა, თავდაცვის მინისტრებმა განიხილეს უკრაინის მხარდაჭერა, შესაძლებლობების განვითარება და ნატოს ვაშინგტონის მომავალი სამიტი.
მსგავსი სტატიები:
“მოსალოცი ამბავია, მაგრამ ცხადია განადგურებული ადამიანებისთვის ვერაფერს შეცვლის”
ისევ უცნობია როდის გაიხსნება თეატრები
“ ენმ-ის დროს ციხეში არმოხვედრას ნატრობდნენ, ახლა კი მელია ციხიდან არ გამოდის”
რას სთხოვს ხელისუფლებას მიხეილ სააკაშვილზე ზაზა დამენიას შვილი
ვისოლის დირექტორის თქმით, საწვავის ფასი 1-2 კვირაში შესაძლოა, 20-25 თეთრით გაიზარდოს
“ივანიშვილის ვალდებულებებს და შიშებს რუსეთის მიმართ, ეწირება მთელი ქვეყნის დასავლური მომავალი”
ორსული სკოლის მოსწავლის ამბავი – 12 წლის მოზარდი დედა ხდება
“ქართული ოცნება” გაჯიუტებული ვირივით აწვება საქართველოს რუსული ტალახისკენ – პაატა მანჯგალაძე