საქართველოში ავტოსაგზაო შემთხვევებისას დაშავებულთა და დაღუპულთა სტატისტიკა მზარდია – 2023 წელს ავარიებს 442 ადამიანის სიცოცხლე ემსხვერპლა, დაშავდა 7 310. გასულ, 2022 წელს ავტოკატასტროფებში დაიღუპა 430 ადამიანი, დაშავდა 7 517.
ავტოსაგზაო შემთხვევების რაოდენობა ბოლო წლების განმავლობაში მხოლოდ 2019-2020 წლებში შემცირდა – ამ დროს პანდემიის გამო დაწესებული შეზღუდვები მოქმედებდა, მათ შორის, ავტომობილით მოძრაობაზეც. სტატისტიკა აჩვენებს, რომ ათასი საავტომობილო შემთხვევა საშუალოდ ას ადამიანს კლავს და ათასზე მეტს ასახიჩრებს.
ავტოსაგზაო შემთხვევების გამომწვევ მიზეზებს შორის წლებია დომინირებს ავტომობილის მართვა ალკოჰოლური ზემოქმედების ქვეშ, სიჩქარის გადაჭარბება, შემხვედრ ზოლში გადასვლა ან გასწრების წესების დარღვევა და დისტანციის დაუცველობა. მხოლოდ 2023 წელს 13 ადამიანი დაიღუპა ალკოჰოლის ზემოქმედების ქვეშ მყოფი მძღოლის დაუდევრობით, 67 ემსხვერპლა სიჩქარის გადაჭარბებით გამოწვეულ ავარიას.
2023 წელს განსაკუთრებით გაზრდილია ავტოსაგზაო შემთხვევები მოტიციკლების მონაწილეობით – გასულ წელს ამგვარ შემთხვევას 16 ადამიანი ემსხვერპლა, დაშავდა 808. ეს რეკორდული გაუარესებაა 5 წლიან ჭრილში.
ტრადიციულად მაღალია ქვეითი მსხვერპლი, რომელიც ავტოსაგზაო შემთხვევებს ახლავს თან. მხოლოდ 2023 წელს 90 ქვეითი დაიღუპა ავტოსაგზაო შემთხვევებისას. მათგან 12 არასრულწლოვანი იყო.
მსგავსი სტატიები:
გილოცავთ, თქვენ ადამიანების ინეტერესების ყველაზე მაღლა დააყენეთ – მიშელი პოლიტიკურ მოთამაშეებს
“თუ ხელისუფლებას დაწერილი აქვს 2024 წელს ევროკავშირში წევრობაზე გასაგზავნი განცხადება, შეუძლია დაახვიოს და წაიღოს ეროვნულ არქივში”
თვითმმართველი თემის მერი-ოზურგეთი-საბოლოო შედეგები
“ოცნება” აშშ-ს ღიად უპირისპირდება – გაღიზიანებული კობახიძე კელი დეგნანს კომპეტენციას უწუნებს
”gigi pianoman-თან მივიდა მოსკოველი რუსი,რამე ჩვენებური დაუკარიო,გიგიმ ეს თქვენ გეძღვნებათო და დაუკრა უკრაინული სიმღერა”
როგორ აყალბებს ხელისუფლება არჩევნებს – გაშიფრულია “ოცნების” საიდუმლო ელექტრონული ფოსტის ათასობით ფაილი
„ოთხთა ეკლესიის ჭერის რღვევა დაწყებულია“ – რა ფოტოს აქვეყნებს გოგა ჩანადირი?
ფარისეველთა აღლუმი – გიორგი თარგამაძის ედიტორიალი