შს მინისტრი, ვახტანგ გომელაური დღევანდელი აქციის მონაწილეებს სისხლისსამართლებრივი პასუხისმგებლობით ემუქრება.
გომელაური ამბობს, რომ “ოპერატიული ინფორმაციით”, დაგეგმილია ორი დღის განმავლობაში შეკრებამ ძალადობრივი და კანონსაწინააღმდეგო ხასიათი მიიღოს.
“კანონმდებლობა სახელმწიფოს ანიჭებს უფლებას, მიიღოს სათანადო, პროპორციული ზომები ძალასდობრივი და კანონსაწინააღმდეგო შეკრების წინააღმდეგ. როგორც პოლიტიკოსების მიერ საჯაროდ გაგაკეთებული განცხადებებით, ისე ოპერატიული ინფორმაციით, ჩვენთვის ცნობილია, რომ დაგეგმილია, რომ მომდევნო ორი დღის განმავლობაში შეკრებამ მიიღოს ძალადობრივი და კანონსაწინააღმდეგო ხასიათი, მათ შორის, შეკრების მონაწილეებმა სცადონ საქართველოს პარლამენტის ბლოკირება და ხელი შეუშალონ შენობაში პარლამენტის წევრებსა და თანამშრომლებს შესვლა.
გვსურს გავაკეთოთ გამაფრთხილებელი განცხადება, სსსკ-ის 222-ე მუხლის მეორე ნაწილის თანახმად, განსაკუთრებული მნიშვნელობის ობიექტის ჯგუფურად ბლოკირება, რამაც შეაფერხა, ან შეეძლო შეეფერხებინა ამ ობიექტის ნორმალური მუშაობა, ისჯება თავისუფლების აღკვეთით 4 წლამდე.
გასულ წლებში ჩამოყალიბებული იყო არაპროპორციულად ლოიალური პრაქტიკა, სსსკ-ის ზემოაღნიშნულ მუხლთან მიმართებით, რამაც, როგორც გამოცდილებამ აჩვენა, შესაბამისი დანაშაულის პრევენციაზე უარყოფითი გავლენა იქონია, შესაბამისად, სახელმწიფო ინტერესიდან გამომდინარე, თავს ვალდებულად მივიჩნევთ, ეს მუხლი კანონის დამრღვევების მიმართ პროპორციულად ავამოქმედოთ და დანაშაულის ჩადენის შემთხვევაში, სსსკ-ის 222-ე მუხლი ყოველგვარი გამონაკლისის გარეშე ავამოქმედოთ”, – აცხადებს გომელაური.
დღეს პარლამენტთან რუსული კანონის საწინააღმდეგო მორიგი მასშტაბური აქციაა დაგეგმილი. მოქალაქეები აპირებენ ღამე საკანონმდებლო ორგანოსთან გაათენონ.
მსგავსი სტატიები:
სრულიად სომეხთა კათოლიკოსი ფაშინიანს გადადგომისკენ მოუწოდებს
“ატყდა სროლა კვაჭალათზე, ჩააძაღლეს ობოლაძე, გურიაში რა გინდოდა თუ სიკტილი არ გინდოდა”
საქართველოში ვაქცინაცია დროებით შეჩერდება
ვაგინოთ ერთმანეთს ხანდახან, თუ ეს აუცილებელია, მაგრამ ცემა? ხოცვა? აღარ გაგვაჩნია გამოსაშვები სისხლი – ნათია ფანჯიკიძე
რა არის და რა შეუძლია ე.წ. ჯამერს, რომელიც მიხეილ სააკაშვილის პალატის ფანჯრის ქვეშ აღმოაჩინეს
რუსეთი ცდილობს, გადაჯგუფდეს, მომარაგდეს და დონბასში შეტევა გააძლიეროს – იენს სტოლტენბერგი
გაერო ჰუმანიტარული დახმარებისთვის სახსრების დეფიციტს განიცდის
“რამე ხომ არ გეშლებათ….შემომხედეთ აქეთ…პარტიულ ტელევიზიებში რომ დადიხართ და კნავიხართ”-ღუდუშაური ოპოზიციას