“ოზურგეთის თვითმმართველობის მიერ ბოლო წლებში ჩატარებულ “ალეგროობის დღესასწაულს“ არანარი კავშირი არა აქვს ადრეულ „ალეგრობასთან“

რამდენიმე სიტყვა „ალეგრობაზე“

სახუმარო წარწერა ლატარიის წასაგებ ბილეთზე Allegri  (it)  „იყავით მხიარულნი!“ -.

რუსეთი იმპერიაში „ლატარეა-ალეგრი“ (лотареа-аллегри) 1860-იანი წლებიდან შემოვიდა, იგი წარმოადგენდა მაღალი წრის საზოგადოების წვეულების დროს გამართული საქველმოქმედო ლატარეას, შემდეგში კი სახალხო გართობა-სეირნობის დროს ჩატარებულ იგივე ხასიათის ლატარეას, რომლის მოგებასაც გათამაშე­ბისთანავე იძლეოდნენ.

მეცხრამეტე საუკუნის ბოლოს საქართველოში ლატარიამ ოდნავ განსხვავებული სახე მიიღო,  „ლატარეა-ალეგრის“ ქალაქებისა და სოფლის საზოგადოებები (მაშინდელი თვითთმართ­ველობები)  ატარებდნენ. ლატარეის ბილეთების გაყიდვიდან შემოსული თანხა სხვადასხვა საზოგადოებრივი საჭიროებისათვის, მათ შორის საქველმოქმედო მიზნებისათვისაც.

საინტერესოა საქართველოში წერაკითხვის გამავრცელებელი საზოგადოების მიერ ჩატარებული ლატარია-ალეგროობები. გაზეთ „ივერიის“ 1896 წლის #84 გამოქვეყნებულია განცხადება, იმასთან დაკავშირებით, რომ ამავე წლის 28 აპრილს იმართებოდა „ლატარია-ალეგრი“ წერაკითხვის გამავრცელებლი საზოგადოების სასარგებლოდ. ასევე ამავე გაზეთში გამოქვეყნებულია ინფორმაცია თუ ვინ რა ნივთები გაიღო შემოწირულობის სახით ლატარეაში გასათამაშებლად – „ნადეჟდა ზაქარიას ასულმა პოლტარაცკაიამ (ექვთიმე თაყაიშვილის მეუღლის დედა)  სამი პრესპაპიე გოშიები, ერთი წყვილი შანდალი წითელი მიწის, ერთი წყვილი ნაკერი ჩუსტები, ნინა ივანეს ასულმა თაყაიშვილისამ (ექვთიმე თაყაიშვილის მეუღლე) ორი ვაზა ბაკარა, ერთი ფლაკონი დუხი, ვეშალკა, ორი გიდელი, ერთი კალათა, პატარა ჩარექა, ორი თებში ყვავილების ჩასადგმელი. კნიაჟნა სოფიო ლევანის ასულმა ციციშვილისამ ორი ბალიში, ყვავილებისაგან გაკეთებული ლამფის დასადგმელი, ორი საქინძისთავე ბალიში ატლასზედ ნაკერი“ და ა.შ.

ლატარეის არსი შემდეგში იყო – მოქალქეები ლატარეის ორგანიზატორებს ამ შემთხვევაში წერაკითხვის გამავრცელებელ საზოგადოებას შემოწირულობის სახით გადასცემდნენ ნივთებს, რომელებიც შემდეგში ლატარეის ბილეთების მყიდველებზე თამაშდებოდა. ბილეთების გაყიდვიდან შემოსული თანხა კი ხმარდებოდა საზოგადოებრივ საჭიროებებს. ძალიან ხშირ შემთხვევაში გასათამაშებელი ნივთების შემომწირველი და ბილეთის მყიდველი ერთიდაიგივე პირი იყო. გათამაშება ტარდებოდა საზეიმო ვითარებაში სიმღერისა და სხვადასხვა სახის თამაშობების ფონზე. ასევე საინტერესოა ის, რომ ლატარეის ჩამტარებელი აქვეყნებდა დეტალურ ანგრიშს, როგორც შემოწირული ნივთების, ისე ბილეთების გაყიდვიდან შემოსული თანხის ოდენობასა და ამ თანხის დახარჯვის შესახებ.

რა თქმაუნდა ლატარეა-ალეგრო გურიაშიც ტარდებოდა და მას გურულები „ალეგრობა“ ან/და „ალეგროობას“ ეძახდნენ. გურიაში ყველა წაჩინებული პირი, უფრო სწორედ წარჩინებული ქალბატონები ცდილობდა თავის წვლილი შეეტანათ ლატარეის ჩატარებაში და ძირითადი ორგანიზატორები სწორედ ქალბატონები იყვნენ. საბოლაო ჯამში ყველაფერმა ამან ნამდვილი სახალხო დღესასწაულის ფორმა მიიღო თავისი ყველა სახის ატრიბუტით. გარდა ლატარეის გათამაშებისა ოზურგეთის წარჩინებულ საზოგადოებას გასაყიდად გამოჰქონდათ თავიანთი ნახელავი ღვინო და სანოვაგე. ლატარეიდან და სანოავაგის გაყიდვიდან შემოსული თანხა ხმარდებოდა საზოგადოებრივ საჭიროებებს და ასევე ურიგდებოდათ შეჭირვებულებს. უნდა აღინიშნოს, რომ დიდ პატივად და თავის წარმოჩენის საშუალებად ითვლებოდა ალეგროობის დღესასწაულზე სიმღერა და ცეკვა.

პირადად მე ზუსტად ზემოხსენებული წესით ჩატარებული „ალეგროს“ შესახებ ზეპირსიტყვიერი გადმოცემით ვიცი – 17-18 წლის წინ ჩატარებული ალეგროობის შესახებ სოფელ ლიხაურის ერთერთ უბანში, რომელიც სწორედაც, რომ ზემოხსენებული წესით იყო ჩატარებული და ალეგროობაზე შეგროვებული ფულით ორგანიზატორებმა შეიძინეს მეზობლად არსებული მიწის ნაკვეთი საერთო-საზოგადეობრივი საჭიროებისათვის.

რაც შეეხება ოზურგეთის თვითმმართველობის მიერ ბოლო წლებში ჩატარებულ ალეგროობებს ამ ე.წ. „დღესასწაულს“ არანარი კავშირი არა აქვს ადრეულ „ალეგრობასთან“ არც თავის არსით და არც დანიშნულებით, რეალურად ეს „დღესასწაული“ წარმოადგენს შეჭირვებული მოსახლეობის ფულის – რამდენიმე ათეული ათასი ლარის დახარჯვას აბსოლუტურად გაუმართლებელი მიზნებისათვის.

უნდა აღინიშნოს, რომ სამწუხაროდ რუსეთის იმპერიის პერიოდში არსებული საზოგა­დო­ებები (თვითმმართველობები) არამარტო ამ შემთხვევაში იყო უფრო ეფექტურები ვიდრე ჩვენი „მშობლიური“ თვითმმართველობა, რომელიც მოსახლეობისათვის ხარჯისა და თავის-ტკივილის გარდა რეალურად დღეს არაფერს არ წარმოადგენს.

მოამზადა კახა ჩავლეშვილმა

გააზიარეთ და მოიწონეთ სტატია:

მსგავსი სტატიები

  • 88
    ოზურგეთი - მდებარეობა ოზურგეთისა – საიდან დაერქვა ოზურგეთს თავისი სახელი? - თედო სახოკია - „მგზავრის წერილები“ (ჟურნალი „მოამბე“ 1897 წელი)თედო სახოკია - „მგზავრის წერილები“ (ჟურნალი „მოამბე“ 1897 წელი) მესამე თავი ოზურგეთი. - მდებარეობა ოზურგეთისა. – საიდან დაერქვა ოზურგეთს თავისი სახელი? -  ჰავა ოზურგეთისა. - სახლები. - ვაჭრობა და ვაჭრები. - ჩაცმულობა იქაურის ვაჭრისა. – „პარასკეობა“. - მეგრელი მწყემსები გურიაში. - ქალაქის ბაღი, მისი წარსული და აწმყო. - ოზურგეთი, როგორც…
    Tags: და, საზოგადოება
  • 87
    "ნამახვანი და პოლიტიკური ცუნამი"დიახ, დღეს 28 თებერვალია, თებერვლის და ზამთრის ბოლო დღე. ჩვენ ვცხოვრობთ საქართველოში, სადაც იანვარში ეკონომიკის ვარდნამ საბჭოთა კავშირის ნგრევის შემდეგ ყველაზე დრამატული მაჩვენებელი - 11, 5% შეადგინა. ჩვენ ვცხოვრობთ ქვეყანაში, სადაც კორონავირუსის შედეგად კატასტროფულად დიდი რაოდენობის 3 510 ადამიანის სიცოცხლე დავკარგეთ. ეს ფასი გადავიხადეთ იმისთვის, რომ ახალი პარლამენტი და პოლიტიკური განახლება მიგვეღო…
    Tags: და, ამ, საზოგადოება
  • 87
    "ერთი ნაბიჯიც და..."- გიორგი თარგამაძეპატარა ბავშვი რომ ფეხის ადგმას იწყებს, მშობლის მიმართულებით ბარბაცით, შიშით, ინტერესით და ხალისით დგამს ნაბიჯებს, ცდილობს არ დაეცეს და წონასწორობა შეინარჩუნოს, წინ კი ხელებგაშლილი მშობელი შფოთვით და სიხარულით ელის, რომ გულში ჩაიკრას, ჩაიხუტოს, ბედნიერების განცდით მიეგებოს... - სწორედ ასეთ მდგომარეობაში ვიყავით 100 წლის წინ ჩვენი ახალფეხადგმული ქვეყანა, და ასე ვართ ახლაც. თუმცა განსხვავება…
    Tags: და, რომ, საზოგადოება
  • 86
    EMC ბუკნარში მომხდარ კონფლიქტს აჯამებს და რელიგიის სააგენტოს გაუქმებას ითხოვს"ადამიანიანის უფლებათა ცენტრი" (EMC)  14 და 15 იანვარს სოფელ ბუკნარში მიმდინარე მოვლენებზე მათი უშუალო დაკვირვების და ინტერიუების საფუძველზე სახელმწიფოს კონკრეტულ რეკომენდაციებს უზიარებს. ორგანიზაციის განცახადებაში ვკითხულობთ, რომ საჭიროა დაიწყოს მუშაობა საკანონმდებლო ცვლილებებზე, რომელიც რელიგიური უმცირესობების მიმართ უფრო თანასწორი გარემოს შექმნას შუწყობს ხელს. ადამიანის უფლებათა ცენტრი, ასევე, მოუწოდებს ხელუსუფლებას გააძლიეროს რელიგიური შეუწყნარებლობით ჩადენილი დანაშაულების ეფექტიანი…
    Tags: და, საზოგადოება