პოლიტიკა ჩვენი თამაშია? – რატომ იქცევა ხელისუფლება ასე აგრესიულად

ჰკა მაგათო”, გაისმა და პოლიტიკურად მოტივირებული საქმეები ისევ გაცოცხლდა: ნაცმოძრაობის ახალ ლიდერს დაჭერით ემუქრებიან; გვარამიას და ოქრუაშვილის წინააღმდეგ სასამართლო სხდომები კვლავ ჩაინიშნა; რურუა ციხეში რჩება; მელაშვილს, ილიჩოვას და მათთან ერთად მთავარ ოპოზიციურ ძალას სამთავრობო პროპაგანდისტული მანქანა გარეჯის გაყიდვაში გაორმაგებული ძალისხმევით ადანაშაულებს; ამასობაში, პარლამენტის პირველ სხდომაზე წულუკიანმა ლამისაა ბულდოზერი გადაატარა ელისაშვილს, რის შემდეგაც ნიკა გვარამიას ტელეფონის ნომერი საჯაროდ გამოაცხადა, რასაც ჯერ ევროკავშირის ელჩისგან, შემდეგ კი ევროპარლამენტარებისგან უმკაცრესი შეფასებები მოყვა.

რატომ იქცევა ხელისუფლება ასე აგრესიულად? თუ ქართულ ოცნებას მართლა სურს ოპოზიციის პარლამენტში შესვლა და პოლიტიკური კრიზისის განმუხტვა, ლოგიკური იქნებოდა, მმართველი ძალა დათმობისა და კონსტრუქციულობის განწყობას ასხივებდეს. ამის ახსნა შესაძლოა ერთი შეხედვით რთული, თუმცა რეალობაში საკმაოდ მარტივია. მოლაპარაკების თეორიის კლასიკას რომ არ ჩავუღრმავდეთ, მამაპაპური დარიგება: “გაღმა შეედავე, გამოღმა შეგრჩებაო” გამოგვადგება – სწორედ ასე იქცევა დღეს, ივანიშვილისგან მიტოვებული, უთავოდ დარჩენილი და ბევრის თვალში, თუნდაც ამის გამო ლეგიტიმაციადაკარგული ქართული ოცნება. საკუთარი სისუსტეების დასაფარად ის ძალის დემონსტრირებას და ოპონენტების წინააღმდეგ ფრონტალურ შეტევას აძლიერებს: ცდილობს ოპოზიცია თავადვე გამოიწვიოს ბრძოლაში და აიძულოს, რომ ხელისუფლების სიხისტესა და აგრესიას სარკისებურად უპასუხოს, რაც ოცნებას უპირატეს მდგომარეობაში ჩააყენებს, ოპოზიციას, ისედაც შეუვალი ბოიკოტის ფონზე, დასავლელი პარტნიორების თვალში უიმედოდ დესტრუქციულს გამოაჩენს, და ხელისუფლებას ძალისმიერი მეთოდების უფრო აქტიურად გამოყენებისთვის ლეგიტიმურ საფუძველს მისცემს. პროცესების დაჩქარებით და ოპოზიციის მოუმზადებელი, ანუ “ფოლსტარტით” კი მმართველი ძალა შეეცდება, რომ საზოგადოებრივი პროტესტი ძირითადად თებერვალ-მარტში მოაქციოს, როდესაც ამინდიც, კოვიდ რეგულაციებიც, ოპოზიციის შეზღუდული რესურსიც და დასავლური გზავნილებიც, სწორედაც რომ მმართველი ძალის შესაძლებლობათა კალათაშია. ჰოდა როდესაც პოლიტიკურ ოპონენტებს ბოლომდე დაასუსტებს, სახეს დააკარგვინებს, ერთიანობას შეარყევს, საპროტესტო აქციებს გაამეჩხერებს და მუხტს დაასუსტებს, აი ამის შემდეგ დაელოდება პარლამენტში, და თუ ამ დროისთვის ოპოზიციას ისევ ექნება შერჩენილი რაიმე სახის საზოგადოებრივი მხარდაჭერა, ამას უკვე საკანონმდებლო ორგანოს სხდომებზე სატელეფონო წიგნაკითა და მწარმეტყველების მათრახით შეიარაღებული ქალბატონი თეა მიხედავს. ზოგმა შეიძლება შემომძახოს: “რაც მოსახდენია მოხდეს, ეს ხომ უვარგისი ოპოზიციის პრობლემაა”. თუმცა, ცოტას თუ ესმის ბოლომდე, რომ ოპოზიციის “ჩარეცხვა” რაზეც ოცნება დიდი ხანია ოცნებობს, ქვეყნის ავტორიტარული უძრაობის ჭაობში ჩაძირვას და პერსპექტივის დიდი ხნით დაკარგვას ნიშნავს. ამიტომ ეს მხოლოდ ოპოზიციის პრობლემა კი არა, ქვეყნის პრობლემაა, ყველა ჩვენგანის პრობლემაა და თუ ვერ მოვერიეთ ხვალ ჩვენი შვილების პრობლემა გახდება. ჰოდა, “ასჯერ გაზომე და ერთხელ გაჭერიო: ნათქვამია. ამიტომ სანამ ოპოზიცია ინსტინქტების დონეზე მოქმედებას და პასუხების გაცემას გადაწყვეტს, ჯობია კარგად დაფიქრდეს: რისი რესურსი აქვს, როდის ჯობია ორგანიზებულად მოქმედების დაწყება და რა უნდა იყოს შემდგომი ნაბიჯები. თუმცა, ეს მხოლოდ ოპოზიციას არ ეხება.

სამოქალაქო სექტორმა და საზოგადოების დიდმა ნაწილმაც უნდა გაიაზროს საკუთარი პასუხისმგებლობა და კრიტიკული თვალით შეხედოს ოპოზიციის ყველა იმ ნაბიჯს, რომელმაც მათ პოლიტიკურ პერსპექტივასთან ერთად შესაძლოა ქვეყნის პერსპექტივაც სერიოზულად დააზიანოს. ხვალ საქართველოს დიდი მეფის, დავით აღმაშენებლის ხსენების დღეა. ჩვენი ქვეყნის ყველა დროის ყველაზე წარმატებულმა მმართველმა ტახტზე ასვლისას დანაწევრებული, გაპარტახებული და ქაოსში ჩაფლული ქვეყანა ჩაიბარა, რომელიც სტრატეგიული ხედვით, გეოპოლიტიკის მაჯისცემის უზადო შეგრძნებით, გამბედაობით, სიმამაცით, მოთმინებით, და რაღა თქმა უნდა სწორ დროს გადადგმული სწორი ნაბიჯებით ერთიან, წარმატებულ, მდიდარ და ძლიერ სახელმწიფოდ აქცია. გადამეტებული არ იქნება თუ ვიტყვი, რომ დღეს არანაკლებ მძიმე პერიოდი უდგას ქვეყანას. ამიტომ, სასიცოცხლოდ მნიშვნელოვანია, რომ პოლიტიკოსებმაც და არაპოლიტიკოსებმაც, ახალგაზრდამაც და მოხუცმაც, ყველამ ვინც პატრიოტია და ვისთვისაც ამ ქვეყნის მომავალი სულერთი არ არის, დავითის მსგავსად სიბრძნით, სტრატეგიული ხედვით, გამბედაობით და მოთმინებით ვიმოქმედოთ. ქართველი რაგბისტების რუს მეტოქეებზე დღევანდელი გამარჯვებით გახარებულებმა კი ერთმანეთს შევახსენოთ: სანამ ქართულ პოლიტიკაში არ დავლაგდებით, ის თამაშიც შეიძლება აგვერიოს, სიამაყით და დამსახურებულადაც აქამდე ქართველებს ჩვენი რომ გვგონია” – იორგი თარგამაძის მონოლოგი გადაცემა “დროებაში”

გააზიარეთ და მოიწონეთ სტატია:

მსგავსი სტატიები

  • 100
    "სხვანაირად ჭიკჭიკებდით და დღეს დაიწყეთ ლანძღვა"? - ვის საყვედურობს ლელა ნაცვალაძეოზურგეთის წინა მოწვევის საკრებულოს წევრი ოპოზიციიდან, არასამთავრობო ორგანიზაციის წარმომადგენელი, ლელა ნაცვალაძე, გიორგი გახარიას ახალი პოლიტიკური ძალის შექმნას და "ოცნების" იმ წევრების განცხადებებს გამოეხმაურა ფეისბუკ პოსტით, ვინც დღეს ყოფილი პრემიერის მისამართით აგრესიას ვერ მალავდა:  "ვინც კარგად მიცნობს,იცის,რომ არასდროს მიყვარდა პირფერობა და დღესაც ასეა, ჩემი პოლიტიკური წარსულიდან გამომდინარე, ბევრ,"წონიან" პოლიტიკოსთან მქონია შეხების…
    Tags: და, მთავარი, თემა, ახალი, ამბები, პოლიტიკა
  • 100
    ღარიბაშვილი „ნამახვანჰესზე“: "მშენებლობის სამუშაოები შეჩერდება 9-დან 12 თვემდე და კიდევ ერთხელ გადამოწმდება ყველაფერი"როგორც პრემიერმა აღნიშნა, „ნამახვანჰესის“ მშენებლობა საქართველოს ენერგოდამოუკიდებლობისთვის მნიშვნელოვანი პროექტია. „ქართველმა მეცნიერებმა დაახლოებით 30-40 წლის წინ დაიწყეს მუშაობა „ნამახვანჰესზე“. ის აჟიოტაჟი და ხმაური, რაც არის დაწყებული, აბსოლუტურად გაუგებარია. მინდა გავმიჯნო გულწრფელად ჩართული მოქალაქეეები ამ პროცესში და მეორე მხრივ, ზოგი პოლიტიკურად ანგაჟირებული და ზოგიც - უცხო სახელმწიფოების მიერ წახალისებული და ინსპირირებული მოქალაქეები.…
    Tags: და, მთავარი, თემა, ახალი, ამბები, პოლიტიკა
  • 100
    "სრული კრეტინიზმია რაღაც კონკრეტული ჩიპის მოთხოვნა და რაღაც კონვერტის"მთავარი არხის გენერალური დირექტორი ნიკა გვარამია ტვ პირველის  საკითხს  ეხმიანება და ამბობს, რომ  პროკურატურის მოთხოვნას TV Pirveli • ტელეკომპანია პირველი მიმართ, აღარ ქვია აღარც პროკურატურის და აღარც მოთხვნა  და სრული კრეტინიზმია რაღაც კონკრეტული ჩიპის მოთხოვნა და რაღაც კონვერტის.  "პროკურატურის მოთხოვნას TV Pirveli • ტელეკომპანია პირველი მიმართ, აღარ ქვია აღარც პროკურატურის…
    Tags: და, მთავარი, თემა, ახალი, ამბები, პოლიტიკა
  • 100
    ძალიან მძიმე სანახავი და მოსასმენია, როგორ ებრძვიან მამულს, ენასა და სარწმუნოებას – კობახიძეპარტია “ქართული ოცნების” თავმჯდომარე, ირაკლი კობახიძე, სოციალურ ქსელში, წერს: „ქართლად ფრიადი ქუეყანაი აღირაცხების, რომელსაცა შინა ქართულითა ენითა ჟამი შეიწირვის და ლოცვაი ყოველი აღესრულების“ – ამ სიტყვებით განმარტა გიორგი მერჩულემ ჯერ კიდევ X საუკუნეში ჩვენი ქვეყნის იდენტობა, რომელიც სამ ძირითად საყრდენს ეფუძნება. ცხრა საუკუნის შემდეგ, ილია ჭავჭავაძემ ეს იდენტობა კიდევ უფრო…
    Tags: და, მთავარი, თემა, ახალი, ამბები, პოლიტიკა