მოძრაობა ”სირცხვილია” საჯარო რეესტრში უცხოური ძალის ინტერესების გამტარებელ ორგანიზაციად რეგისტრირდება – ამის შესახებ ორგანიზაციის წევრები სოციალურ ქსელში გავრცელებულ ვიდეომიმართვაში საუბრობენ.
“ჩვენ ვიყავით პირველი მაგალითი, ვისაც ახსენებდნენ, თუ ვის შეეხებოდა რუსული კანონი. არაერთხელ დაუძახიათ ჩვენთვის აგენტი, ანტი-ტრადიციონალისტები და სახელმწიფოს მოწინააღმდეგეები.
ჩემთვის, როგორც აქტივისტისთვის, ამას ძალიან დიდი მნიშვნელობაც არ აქვს, იქიდან გამომდინარე, რომ თუკი რამე ზიანი შეიძლებოდა მოეტანა იარლიყების მიწებებას, ის ზიანი უკვე მოტანილია და ვისაც შეიძლებოდა დაეჯერებინა, რომ მე, ჩემი მეგობრები და თანამოაზრეები სხვა სახელმწიფოს ინტერესებს ატარებენ და არა საქართველოსას, ისინი ამას უკვე დაიჯერებდნენ, რადგან 5 წელია ეს პროპაგანდა აქტიურად მიმდინარეობს.
კანონის ახალი რედაქციით, აგენტის სტატუსი კანონში გათვალისწინებული არ არის, ამიტომ რეგისტრაცია ან არ რეგისტრაცია, მაინცდამაინც იმას არ განაპირობებს, აგენტის სტატუსს მიიღებს თუ არა ორგანიზაცია. ეს ისევ დამოკიდებული არის ხელისუფლების პროპაგანდაზე” – ნათქვამია სირცხვილიას წევრების საერთო ვიდეომიმართვაში.
ორგანიზაციის წევრების განცხადებით, გამჭვირვალობის კანონის დარღვევისთვის დაწესებული ჯარიმები მათ გაკოტრებამდე მიიყვანს,” სირცხვილია” ვეღარ შეძლებს საქმიანობის გაგრძელებას და ეს სწორედ ის არის, რაც ხელისფლებას უნდა.
მსგავსი სტატიები:
ომბუდსმენი: შეზღუდვები შესაძლოა, სხვა რელიგიური გაერთიანებების მიმართ დისკრიმინაციული იყოს
ბერა: ჩემს სიმღერაში ქათმების ხმას ეძებდნენ, ვერ იპოვეს და თოლიებისას დასჯერდნენ
“გურულები დანარჩენ ქვეყანას არაერთი წლით უსწრებდნენ…”
თბილისში გამართულ აქციებზე დაკავებულთა ნაწილი ხაშურის წინასწარი დაკავების იზოლატორში გადაიყვანეს
ამსტერდამის რუსული მართლმადიდებელი ეკლესია მოსკოვის საპატრიარქოსგან გამოყოფას აანონსებს
პუტინი 58 თვითმფრინავისგან და ვერტმფრენისგან შემდგარ ავიაკოლექციას ფლობს
“ოპოზიციას რას გაუგებ….ჩემო ოლღა”- როგორ იხუმრა თეა წულუკიანმა?
არ მეშინია, თქვენ ხელში ეს ქვეყანა იქნება ევროპულიც, დემოკრატიულიც – პრეზიდენტის პასუხი ახალგაზრდებს