“კობახიძე აბსოლუტურად მართალია” – თინა კანდელაკი საქართველოს პრეზიდენტს ლანძღავს

რუსი  პროპაგანდისტი თინა კანდელაკი ირაკლი კობახიძეს ეთანხმება და მის მოსაზრებას,რომ “საქართველოს პრეზიდენტი არ ჰყავს”, სრულად იზიარებს და ციტირებს. კანდელაკმა დაადგინა, რომ 3 ტიპის პოლიტიკოსები არსებობენ და საკუთარი მოსაზრება ტელეგრამ არხზე გაავრცელა.

“დიდი ხნის წინ დავადგინე, რომ არსებობს საპრეზიდენტო პოლიტიკოსების 3 მთავარი არქეტიპი. არიან ტრიბუნების პრეზიდენტები, რომლებიც უბრალო გარეგნობით გავლენას ახდენენ მასებზე, არიან კლოუნი პრეზიდენტები, როგორებიც არიან ზელენსკი და სააკაშვილი, რომლებიც ქვეყანას სიბნელეში აგდებენ და ბოლოს, არიან ნიჭიერი პრეზიდენტი-ადმინისტრატორები (და მათი სახელები ყველამ ვიცით).

მაგრამ გამონაკლისებიც არსებობს, მეგობრებო. თუ კონსერვატორი და პატრიოტი ხარ, ეს შესანიშნავია, თუ ლიბერალი და პატრიოტი ხარ, ეს ასევე შესანიშნავია. მაგრამ ყველაზე ცუდი ისაა, თუ ხარ სამშობლოს და ხალხის რიგითი მოღალატე.

ამიტომ, როდესაც პრემიერ-მინისტრი კობახიძე ამბობს, რომ საქართველო არის ქვეყანა, რომელსაც პრეზიდენტი არ ჰყავს, ის აბსოლუტურად მართალია. ნამდვილი პრეზიდენტი ყოველთვის იბრძვის თავისი ხალხის ინტერესებისთვის და არა იმისთვის, რომ მოეწონოს უცხოელ კურატორებს ვაშინგტონიდან. საქართველოს პრეზიდენტი, ქართველ ხალხთან მაინც რომ ჰქონოდა ურთიერთობა, არასოდეს შეეცდებოდა ქრისტიანული ფასეულობების წართმევას, დემოკრატიული ღირებულებების დამახინჯებული იდეის სანაცვლოდ.

მას შემდეგ, რაც გავრცელდა ინფორმაცია, რომ ევროკავშირმა მთლიანად შეაჩერა საქართველოს გაწევრიანების პროცესი, სადღაც ვაშინგტონში ტელეფონმა რეკვა დაიწყო. ეს ზურაბიშვილი ცდილობს გაიგოს, რა უნდა გააკეთოს შემდეგ და რატომ არ აძლევენ მეტ ფულს.” წერს კანდელაკი.

გააზიარეთ და მოიწონეთ სტატია:

მსგავსი სტატიები:

“არა მაქვს უფლება, ყოველდღე ხაჭაპურს ვჭამდე, როცა ჩემ გვერდით ვიღაცას ცივი მჭადი ენატრება” სააკაშვილი: თბილისიდან უშიშროება ცდილობს ჩემი მობილის გატეხვას “ხედავ მიშა თურმე რას ითხოვდა ხალხი”? ჩინეთმა ლავროვის თვითმფრინავს პეკინში დაჯდომის საშუალება არ მისცა და უკან, მოსკოვში გააბრუნა მიხეილ სააკაშვილთან დამოუკიდებელ ექსპერტთა ჯგუფი დაუშვეს – მოსამართლემ შუამდგომლობა დააკმაყოფილა მსოფლიოში რეცესიის ალბათობა 98,1%-ია – Ned Davis Research „სტარტი მიეცით პოლარიზაციის ახალ ტალღას” – მამუკა მდინარაძე პრეზიდენტს ყველაფერი, რაც გაყინული კონფლიქტია, არის ომი – ნელი ომი, ან ნელი ოკუპაცია – ზელენსკი