პოლიციის მაღალჩინოსანი, ირაკლი დგებუაძე, რომელიც რეჟიმმა დაზარალებულად გამოაცხადა, სკანდალში ეხვევა – სინდისის პატიმრის, მზია ამაღლობელის მონახულების შემდეგ, “ახალგაზრდა იურისტთა ასოციაციის” ხელმძღვანელი ამბობს, რომ “ბათუმელების” დირექტორი პოლიციის განყოფილებაში არაადამიანური მოპყრობის მსხვერპლი გახდა.
ნონა ქურდოვანიძის ინფორმაციით, ირაკლი დგებუაძემ ჟურნალისტს შეაგინა და სახეში შეაფურთხა. მეტიც, ადგილი ჰქონდა ფიზიკური ანგარიშსწორების მცდელობასაც.
როგორც ნონა ქურდოვანიძემ განაცხადა, პოლიციის მხრიდან არაადამიანური მოპყრობა გრძელდებოდა შენობაში, სადაც დაკავებულ ჟურნალისტს არ აძლევდნენ წყლის დალევისა და საპირფარეშოთი სარგებლობის უფლებას.
”მისი დაკავების შემდგომ, როდესაც ის გადაჰყავდათ ეზოში, მას ესმოდა გინების ხმა, შეურაცხყოფის ხმა. როგორც შემდგომ მან ამოიცნო, ეს იყო ირაკლი დგებუაძე. ირაკლი დგებუაძე ცდილობდა შესულიყო იმ ოთახში, სადაც იმყოფებოდა მზია და ის გამოჰყავდათ ამ აგრესიული ქმედების შემდგომ, ის გამოჰყავდათ გარეთ პოლიციის თანამშრომლებს, თორემ შეიძლება მომხდარიყო ფიზიკური შეურაცხყოფის მიყენებაც. ასევე საუბარია უმძიმეს ფაქტზე, რაც გულისხმობს სახეში შეფურთხებას.
ასეთი ერთ-ერთი შესვლისას მან სახეში შეაფურთხა მზია ამაღლობელს. ასევე აგინებდა, აყენებდა სიტყვიერ შეურაცხყოფას. არ აძლევდა პოლიციის სხვა თანამშრომლებს წყალი მიეცათ მზია ამაღლობელისთვის, შეზღუდული ჰქონდა წყლის მიღება. ასევე არ აძლევდა შესაძლებლობას, რომ მას ესარგებლა საპირფარეშოთი, ელემენტარული საშუალებებით, რომლითაც უზრუნველყოფილი უნდა იყოს დაკავებული და ეს გაგრძელდა გარკვეული დროის განმავლობაში, სანამ იქ ადგილზე ისმოდა ირაკლი დგებუაძის ხმა, მანამდე ეს დამოკიდებულება, ეს აგრესიული მიმართვა გრძელდებოდა გარკვეული დროის განმავლობაში,” – ამბობს ნონა ქურდოვანიძე.
რუსთავის #5 დაწესებულებაში ,,ბათუმელებისა” და ,,ნეთგაზეთის” დამფუძნებელი მზია ამაღლობელი საიას თავმჯდომარემ ნონა ქურდოვანიძემ დღეს მოინახულა. ქურდოვანიძე დაესწრო მისი გამოკითხვის პროცესს არასათანადო მოპყრობის ფაქტთან დაკავშირებით.
საიას ცნობით, მზია ამაღლობელმა დეტალურად მიაწოდა ინფორმაცია სპეციალურ საგამოძიებო სამსახურს პოლიციის განყოფილების ეზოსა და განყოფილების შენობაში მასზე განხორციელებული არასათანადო მოპყრობის ეპიზოდებზე.
საია მოუწოდებს სპეციალურ საგამოძებო სამსახურს დროულად გამოიძიოს მზია ამაღლობელის მიმართ დამამცირებელი მოპყრობის ფაქტი, სათანადო კვალიფიკაციით და დაუყოვნებლივ შეუჩერდეს სამსახურებრივი უფლებამოსილება ბათუმის პოლიციის უფროსს, ირაკლი დგებუაძეს.
მსგავსი სტატიები:
შენი ქურდული ხელი არ წაგიცდეს არჩევნების გაყალბებაზე – მიხეილ სააკაშვილი ივანიშვილს
“სააკაშვილის იდეაა რომ მელია ჩაჯდეს ციხეში”- მდინარაძე
სამტრედიაში ორმხრივი სროლის შედეგად ორი ადამიანი დაიჭრა
საფრთხე ალავერდისთვის – მშენებლობა ისტორიული ძეგლის არეალში
“პოზიცია თუ არ გაქვს, ვერავის მოეწონები… ყველგან ყოფნა არსად ყოფნაა” – ნიკა მელია
“სააკაშვილის ამჟამინდელი მკურნალობა წარმოადგენს ნარკოტიკული საშუალებებით ბოროტად გამოყენებას“-ამერიკელი ექიმის სკანდალური განცხადება
BBC: სავარაუდოდ, შეთანხმება შედგა და “ჰამასი” 50 მძევალს 150 პალესტინელი პატიმრის სანაცვლოდ გაათავისუფლებს
კობახიძე ოპოზიციას და ენჯეოებს ემუქრება