ამერიკის ოქროს ხანა სწორედ ახლა იწყება – დონალდ ტრამპი

“ამერიკის შეერთებულ შტატებში ოქროს ხანა სწორედ ახლა იწყება”, – ასე დაიწყო სიტყვით გამოსვლა აშშ-ის არჩეულმა პრეზიდენტმა დონალდ ტრამპმა ფიცის დადებისა და ქვეყნის 47-ე პრეზიდენტად ოფიციალურად გახდომის შემდეგ.

“ამერიკის შეერთებული შტატების ოქროს ხანა სწორედ ახლა იწყება. დღეიდან ჩვენი ქვეყანა აყვავდება და კვლავ პატივისცემას დაიმსახურებს მთელი მსოფლიოსგან. ყველა ქვეყანას შეშურდება და ვეღარავინ ისარგებლებს ჩვენით.

ჩვენი უსაფრთხოება აღდგება და სამართლიანობის სასწორი დაბალანსდება. დასრულდება იუსტიციის დეპარტამენტისა და ჩვენი მთავრობის სასტიკი, ძალადობრივი და უსამართლო გამოყენება. ჩვენი მთავარი პრიორიტეტი იქნება ამაყი, წარმატებული და თავისუფალი ერის შექმნა. ამერიკა მალე გახდება უფრო დიდი, ძლიერი და გამორჩეული, ვიდრე ოდესმე ყოფილა“, – თქვა დონალდ ტრამპმა.

სიტყვით გამოსვლისას დონალდ ტრამპმა თქვა, რომ პრეზიდენტად დაბრუნდა უფრო “დარწმუნებული და ოპტიმისტურად განწყობილი”.

“პრეზიდენტად დავბრუნდი დარწმუნებული და ოპტიმისტურად განწყობილი, რომ ჩვენ ვართ ეროვნული წარმატების ახალი, ამაღელვებელი ეპოქის დასაწყისში. ცვლილებების ტალღა მოიცავს ქვეყანას, მზის შუქი მთელს მსოფლიოში იღვრება და ამერიკას აქვს შანსი, გამოიყენოს ეს შესაძლებლობა, როგორც არასდროს“, – თქვა მან.

დონალდ ტრამპის თქმით, აშშ-ში ყველაფერი “დღეიდან და ძალიან სწრაფად შეიცვლება”.

“ჩემი ბოლო არჩევები – ეს მანდატია იმაზე, რომ მთლიანად გავაუქმო საშინელი ღალატი და ყველა ეს მრავალრიცხოვანი ღალატი, რომელსაც ჰქონდა ადგილი და დავუბრუნო ხალხს რწმენა, სიმდიდრე, დემოკრატია, და რაც მთავარია, თავისუფლება. ამ მომენტიდან ამერიკის დაცემა დასრულდა“, – თქვა დონალდ ტრამპმა.

სიტყვით გამოსვლისას დონალდ ტრამპმა ასევე თქვა რომ დღესვე მოაწერს ხელს “ისტორიული ბრძანებების სერიას, რომელიც საფუძველს დაუდებს ამერიკის სრულ აღორძინებასა და საღი აზრის რევოლუციას”.

“მე დღეს ხელს მოვაწერ ისტორიულ აღმასრულებელ ბრძანებებს. ეს ქმედებები საფუძველს დაუდებს ამერიკის აღორძინებას და საღი აზრის რევოლუციას”, – თქვა მან.

მასალა ახლდება

აშშ-ის არჩეულმა პრეზიდენტმა დონალდ ტრამპმა საპრეზიდენტო ფიცი დადო. ის აშშ-ის 47-ე პრეზიდენტი ოფიციალურად გახდა.

დონალდ ტრამპმა ფიცი აშშ-ის უზენაესი სასამართლოს მთავარი მოსამართლის ჯონ რობერტსის წინაშე დადო.

“მე, დონალდ ტრამპი, საზეიმოდ ვფიცავ, რომ ერთგულად აღვასრულებ შეერთებული შტატების პრეზიდენტის მოვალეობას და ძალას არ დავიშურებ იმისათვის, რომ შესაძლებლობების ფარგლებში დავიცვა და აღვასრულო აშშ-ის კონსტიტუცია”, – თქვა დონალდ ტრამპმა ფიცის დადების დროს.

ფიცის დადების ცერემონია უამინდობის გამო კაპიტოლიუმის შენობაში გაიმართა. კაპიტოლიუმის შენობაში ფიცის დადების ცერემონია ბოლოს 1985 წელს რონალდ რეიგანის ინაუგურაციის დროს ჩატარდა.

კაპიტოლიუმის შენობაში დონალდ ტრამპის ინაუგურაციას 2 600-მდე ადამიანი დაესწრო.

გააზიარეთ და მოიწონეთ სტატია:

მსგავსი სტატიები:

ქვეყანაში ჯერ 100 000 ადამიანი მაინც უნდა აცრილიყო, რომ შეზღუდვები მოგვეხსნა – კულუმბეგოვი გიორგი სანაიას მკვლელობიდან 20 წელი გავიდა ერთი პატიმარი სასადილოში მუშაობდა, მეორე მის გადარჩენას ცდილობდა | ახალი დეტალები ციხეში გაჩენილ ხანძარზე 23 თებერვლის კოვიდსტატისტიკა “აპა რირა” და “მივალ გურიაში” -1911 წელი უკრაინაში დაღუპული დავით რატიანის დედა: ღარიბაშვილი და ვინც იქ სხედან, არიან დაქირავებულები 1907 წელი – არჩევნები, ლანჩხუთი, გურიანთა, „სოცდეკები“, „ჭეშმარიტ ქართველთა“ კავშირი და ხულიგნები “დაფინანსებაზე უარი მხოლოდ ჩვენმა კოალიციამ თქვა… ჩვენ ვართ ერთადერთი ძალა, რომელიც იღებს პასუხისმგებლობას და არ იღებს ფულს – რეჟიმისგან!” | ნიკა მელია