კობახიძე თუ კალაძე – ვისზე დადებს ივანიშვილი ფსონს?

კობახიძე თუ კალაძე – ვინ გახდება ოლიგარქის პარტიის ახალი თავმჯდომარე? ექსპერტები ფიქრობენ, რომ ივანიშვილის ფსონს ირაკლი კობახიძეზე დადებს.

“ოცნების” ყოფილი წევრი დავით ზურაბიშვილი ამბობს, რომ ადამიანებს, რომლებსაც საერთაშორისო სანქციები ჯერ არ შეხებია, ოლიგარქი რეზერვში ინახავს, რადგან იმ შემთხვევაში, თუ კობახიძის გაწირვა მოუწევს, მისი შემცვლელი ჰყავდეს.

ბიძინა ივანიშვილი მეტ უფლებამოსილებას აძლევს კობახიძეს და მის ხალხს. ეს ჩანს აშკარად და პრინციპში, მას ჩააბარა სუსი. დიდი ალბათობით, პარტიის თავმჯდომარეც კობახიძე გახდება. ბიძინა ივანიშვილი კონკრეტულ ადამიანებს, იგივე ღარიბაშვილს, ლილუაშვილს, ეს არის ის ხალხი, ვისაც სანქცია ჯერ არ შეხებია და თუ აღარ იქნება ხელისუფლებაში, შეიძლება, დიდი ალბათობით, აღარც შეეხოს, ესენი, რაღაცნაირად, სათადარიგო რეზერვში გადაიყვანოს, იმიტომ, რომ რამე რომ იყოს და მოუწიოს კობახიძის და მისი გუნდის გაწირვა, ჰყავდეს ისეთები, ვისაც მათ ნაცვლად დასვამს, – ამბობს დავით ზურაბიშვილი. 

პოლიტოლოგი გია ხუხაშვილი ამბობს, რომ ივანიშვილს ახლა მთელი პასუხისმგებლობა კობახიძეზე გადააქვს, ამიტომ თავმდჯომარის პოსტსაც მას ჩააბარებს.

სისტემა მთლიანად დაშენებულია ბიძინაზე. კი არის ამაზე საუბარი, რომ შეიძლება, კონტროლი დაკარგოს კობახიძემ და კალაძის დაჯგუფებამ შეიძლება, შიდა კარის გადატრიალება მოაწყოს, მე ვფიქრობ, ეს ყველაფერი ძალიან მიამიტი და აბსურდული საუბრებია. რეალურად, ბიძინა არის თვითონ სისტემა. ესმის, რომ ეს არის ძალიან სარისკო პროცესი და აქედან გამომდინარე, მას ახლა მთელი პასუხისმგებლობა გადააქვს კობახიძეზე. ყველა ლოგიკით ალბათ კობახიძე უნდა დაბრუნდეს თავმჯდომარის პოზიციაზე. პოლიტიკურადაც შეუძლია ბიძინას ნებისმიერ მომენტში მისი განადგურება და სისტემის შიგნითაც ძალიან მარტივად გააკეთებს ამას, იმიტომ, რომ ხელის გაშვერის საშუალებას მაქსიმალურად უზღუდავს. რაღაც ეტაპზე გომელაურიც უნდა გავიდეს უკვე თამაშიდან, – ამბობს ხუხაშვილი. 

“ქართული ოცნების” ერთ-ერთმა ლიდერმა გია ვოლსკიმ განაცხადა, რომ „ქართული ოცნება“ გეგმავს, შაბათს პარტიის ყრილობა გამართოს, სადაც პარტიის ახალი თავმჯდომარე უნდა აირჩიონ.

შეგახსენებთ, რომ ირაკლი ღარიბაშილმა რამდენიმე დღის წინ პარტიის თავმდჯომარის პოსტი დატოვა.

tvpirveli.ge

გააზიარეთ და მოიწონეთ სტატია:

მსგავსი სტატიები:

“ნიკა მელიას დაკავების ნაღმი სწორედ ირაკლი კობახიძემ გაამზადა” სამადაშვილმა, ახვლედიანმა, შავგულიძემ და “ლელომ” საპარლამენტო ფრაქცია შექმნეს ხელისუფლება 2022 წლის ბიუჯეტში პანდემიის მართვისთვის საჭირო თანხას ამცირებს “ჩვენ ყველა მათ მხარეზე უნდა ვიყოთ და ვართ კიდეც, ჩვენი მთავრობის გარდა!” მადლობა აქციაზე მისულ ადამიანებს… მკაფიოდ გაცხადებული მისიისთვის – ,,შინ ევროპისკენ” – ნიკა გვარამია დაუძინებელი მტრები გავხდებით, ვნახოთ, ვინ მოერევა – ჟორჟოლიანის თქმით, პარტიამ სააკაშვილი ციხეში ჩატოვა “მეორადი” პური რომ არსებობს და ესეც ძვირდება “ადუღებული” ეკონომიკის პირობებში?” ტეის როიტენი – რეპრესიული ზომების გარდა, „ქართული ოცნება“ დაბეჯითებით უჭერს საზოგადოებას მარწუხებს