ამერიკული სანქციები პოტენციურად დამაზიანებელი ქვეყნისთვის, რადგან არ შეიძლება ქვეყანას მართავდეს სანქცირებული რეჟიმი და ამ ქვეყანას ჰქონდეს რაიმე შანსი წარმატების, – ამის შესახებ კოალიცია “ძლიერი საქართველოს” ერთ-ერთმა ლიდერმა, სალომე სამადაშვილმა განაცხადა.
სამადაშვილის თქმით, „თუ არ მოხდება ხელისუფლების ცვლილება, სრული სისტემა იქნება ფინანსური სანქციების ქვეშ და ეს გამოიწვევს გეომეტრიული პროგრესიით სიღატაკის გაზრდას ქვეყანაში და ეკონომიკურ ვარდნას.“
”საქართველოსთვის იქნება კატასტროფა, ჩვენ თუ მივალთ იმ მდგომარეობამდე, რომ ჩვენი დე ფაქტო, არალეგიტიმური მმართველი რეჟიმი იქნება სანქციების ქვეშ და რატომ? ჩვენ ვართ დღეს იმ სისტემაში,სადაც კორუმპირებული სისტემა მართავს არა მხოლოდ პოლიტიკურს, არამედ ეკონომიკურ ძალაუფლებასაც. როდესაც შენ გყავს სანქცირებული ხელისუფლება აშშ-ის მიერ, ეს იმას ნიშნავს, რომ ქვეყანაში არცერთი კაპიკი აღარ შემოდის, დასავლური ინვესტიციებიდან და საერთოდ, ამ ქვეყანაში ბიზნესის კეთება გახდება სახიფათო, რადგან სანქცირებულ პირთან ურთიერთობაში შესვლა ნიშნავს იმას, რომ შენც პოტენციურად შესაძლოა, მეორადი სანქციების სამიზნე გახდე.
ჩვენ რომ ვერ შევცვალოთ მანამდე ხელისუფლება, სრული სისტემა იქნება ფინანსური სანქციების ქვეშ, ეს ნიშნავს, იცით როგორი გეომეტრიული პროგრესიით სიღატაკის გაზრდას ქვეყანაში და ეკონომიკურ ვარდნას? რომელიც ვერ წარმოგვიდგენია. ამიტომ ეს სანქციები, რომელზეც ისე საუბრობენ, როგორც ჯილდოზე, არის პოტენციურად დამაზიანებელი ქვეყნისთვის, რადგან არ შეიძლება ქვეყანას მართავდეს სანქცირებული რეჟიმი და ამ ქვეყანას ჰქონდეს რაიმე შანსი წარმატების“,- განაცხადა სამადაშვილმა.
მსგავსი სტატიები:
გალაკტიონის უნიკალური ფოტოები, რომლებიც პოეტის მოგზაურობას ასახავს
ნახეთ მსოფლიოში ყველაზე ცხელი ადგილი, სადაც წელს ტემპერატურამ 53 გრადუსს მიაღწია
კობახიძე ივანიშვილზე: განა არ პასუხობს, არ ვურეკავთ… ეს იყო მისი სურვილი
“ახლა არჩევანიც და არადანიც მიშაა…„ოცნება“ თავდაცვაზე, სააკაშვილი კი თავდასხმაზეა გადასული”-გუბაზ სანიკიძე
დღეიდან საქართველოში კორონავირუსის გამო მოქმედი შეზღუდვების უმეტესობა უქმდება
გერმანია ამერიკული ნავთობით ანაცვლებს რუსულს
მდინარაძე თუ ოხანაშვილი – ვინ შეცვლის ირაკლი შოთაძეს
„ამას ებრძვიან სინამდვილეში ქოცები…ეს არ ესმის ქოცს და ამის ეშინია“ – ნანუკა ჟორჟოლიანი