რუსეთი საქართველოს მმართველი პარტიის მეშვეობით, არჩევნების გაყალბებით და პირდაპირი აგენტურით იტაცებს, – ამის შესახებ საქართველოს მე-5 პრეზიდენტმა, სალომე ზურაბიშვილმა “GLOBSEC 2025”-ის ფარგლებში გამართულ დისკუსიაზე განაცხადა.
სალომე ზურაბიშვილის თქმით, ახლა რუსეთი ჰიბრიდულ სტრატეგიას იყენებს, რაც ცივილური სამყაროს დაკვირვების ობიექტი უნდა იყოს. მე-5 პრეზიდენტის განმარტებით, იმ შემთხვევაში, თუ ჰიბრიდული სტრატეგია საქართველოში გაიმარჯვებს, მაშინ არ არის გამორიცხული, რომ ამავე მეთოდმა სხვა ქვეყნებიც მოიცვას.
ამასთან, სალომე ზურაბიშვილი იმაზეც ამახვილებს ყურადღებას, თუ როგორი პოზიცია უნდა ჰქონდეს ევროპას. მისი განცხადებით, “საჭიროა სწორი დახასიათება სიტუაციის. თქმა, რომ ეს არ არის მხოლოდ პოლიტიკური კრიზისი, არამედ ეს არის სახელმწიფოს მიტაცება რუსეთის მიერ ბრძოლის გარეშე”.
”რუსეთი იტაცებს საქართველოს, არა ისე როგორც უკრაინაში, არამედ მმართველი პარტიის მეშვეობით, არჩევნების გაყალბებით, პირდაპირი აგენტურით საქართველოში და ეს არის ჰიბრიდული სტრატეგია, რომელიც იტესტება საქართველოში. ყველა უნდა დააკვირდეს ამ ქვეყანას, რადგან თუ ეს სტრატეგია გაიმარჯვებს საქართველოში, სხვა ქვეყნებშიც შეიძლება გაიმარჯვოს. ეს არის გამოწვევა ყველასთვის. მათ შორის ევროპის საგარეო პოლიტიკისთვის, გაფართოების პოლიტიკისთვის.
საჭიროა სწორი დახასიათება სიტუაციის. თქმა, რომ ეს არ არის მხოლოდ პოლიტიკური კრიზისი, არამედ ეს არის სახელმწიფოს მიტაცება რუსეთის მიერ ბრძოლის გარეშე. ყველა ინსტიტუცია ისეა გაკონტროლებული როგორც რუსეთში. ერთი პარტია, რომელიც აკონტროლებს ყველაფერს. ეს უნდა იყოს ნათქვამი.” – განაცხადა სალომე ზურაბიშვილმა.
მსგავსი სტატიები:
შვედური „როზენგარდის“ისტორია- გუნდი რომელიც “ლანჩხუთს” დაუპირისპირდება
ვიდეო: არჩილ თალაკვაძე სკანდალში გაეხვა მას სიცრუეში ადანაშაულებენ
“სახლში მყოფი მოხუცების დაშინება რომელი სპორტის სახეობაა ბიჭებო” – მიმართვა ოზურგეთელ სპორტსმენებს
უკრაინის სოლიდარობის აქციაზე დაკავებული პირები სასამართლომ სამართალდამრღვევებად ცნო
საქართველში თითქმის ნახევარი მოსახლეობა სიღარიბის ზღვარზეა
ბიზნესმენები, პოლიტიკოსები სამხედროები და ჟურნალისტები, რომლებიც სანქციების ქვეშ მოხვდნენ – Forbes-ის ფოტორეპორტაჟი
ჭანიშვილები და წინამძღვარი ინაშვილი (ინაში)
TI: ივანიშვილმა 4 ოფშორიდან უკვე 12 კომპანია გადმოიტანა | ოლიგარქისა და მისი ოჯახის აქტივობები ამერიკული სანქციების შემდეგ
