როცა ემიგრაციიდან ფულს გიგზავნიან – ახალი კანონი გრანტების შესახებ

იურისტებს ვკითხე და თქვენც გიზიარებთ, რადგან მეგობრებში ბევრი მყავს ემიგრანტი და ემიგრანტების ოჯახის წევრი.

წარმოიდგინეთ ასეთი სიტუაცია:

ვთქვათ, დედაჩემი ემიგრანტია და ყოველ თვე მიგზავნის 100 დოლარს. მე არ ვარ არც ერთი პოლიტიკური პარტიის წევრი, ვცხოვრობ, ვთქვათ, ზესტაფონში და ვმუშაობ მაღაზიაში კონსულტანტად.

ერთხელაც ფეისბუკზე დავწერე, რომ ქართულ ოცნებას ქვეყანა არასწორი მიმართულებით მიჰყავს; ან გავაკრიტიკე ზესტაფონის მერი; ან დავწერე, რომ სოფელში წყლის პრობლემაა და ამაში მთავრობა დავადანაშაულე ან რამე სხვა მსგავსი სოციალურ-პოლიტიკური პოსტი გამოვაქვეყნე.

ასეთ შემთხვევაში ახალი კანონი მეხება მეც! წარმოგიდგენიათ?!

ანუ თავზე რომ გადამიაროს, ვთქვათ, სოფლის გამგებელმა, ვერ გავაკრიტიკებ. ან უბრალოდ რომ მომინდეს, ჩემი აზრი გამოვთქვა პოლიტიკურ პროცესზე, ამას ვერ გავაკეთებ, რადგან თავისუფლად შეიძლება დედაჩემის გამოგზავნილი 100 დოლარი უცხოურ გრანტად გაასაღონ და 6 წლით გამასამართლონ. ეს კანონი ამის საშუალებას იძლევა”

წერს ჟურნალისტი სოფო ბუკია, სოციალურ ქსელში, გრანტების შესახებ კანონთან დაკავშირებით

28 იანვარს ცნობილი გახდა, რომ ოცნება რამდენიმე შეზღუდვას აწესებს, მათ შორის, მკაცრდება გრანტების შესახებ კანონი და რიგ შემთხვევებზე სისხლისსამართლებრივი პასუხისმგებლობაც წესდება. ოცნებას შემოაქვს ტერმინების ახალი განმარტებებიც. ცნობილია, რომ გრანტების კანონის დარღვევა 6 წლამდე პატიმრობას გამოიწვევს

გააზიარეთ და მოიწონეთ სტატია:

მსგავსი სტატიები: