ტურიზმის სექტორის წარმომადგენლებმა გუშინ საქართველოს მთავრობის მისამართით მორიგი მოთხოვნა გაავრცელეს. ერთ-ერთი მოთხოვნა, რომელსაც ტურიზმის ინდუსტრია აჟღერებს ქვეყანაში ვაქცინების კომერციული გზით შემოტანაა. როგორც ისინი ამბობენ, ამის მზაობაც არსებობს, თუმცა საუბარია ჩინურ და რუსულ ვაქცინებზე, რომლიs 100 000 დოზის შემოტანას კერძო სექტორი თავის თავზე აიღებს, სახელმწიფოს მხრიდან კი ისინი უბრალოდ ნებართვას ელიან.
როგორც “იბერია ტურს პლუსის” დამფუძნებელი მაია მურაჩაშვილი ამბობს, ვაქცინაცია იმ პირებს ჩაუტარდება, ვისაც ამის სურვილი ექნება. მურაჩაშვილის განმარტებით, მსოფლიოს მასშტაბით, საქართველოს მსგავსად, არაერთი ქვეყანაა, რომელიც დღემდე ვაქცინის მოლოდინშია. მისი თქმით, თუ კომერციულად მოხდება სამედიცინო დაწესებულებების მხრიდან ვაქცინების შემოტანა, ტურისტული კომპანიები “ვაქცინა ტურებს” დააორგანიზებენ და იმ პირებს აცრიან, ვისაც ამის სურვილი ექნება. ამასთან, ეს პირები ქვეყანაში ორ კვირას გაჩერდებიან, შესაბამისად, ქვეყანა დამატებითი შემოსავლის მიღებას შეძლებს.
“საქართველოში, სამწუხაროდ, Pfizer-ის ვაქცინის შემოტანა დაგვიანდა, და AstraZeneca-ც თუ არ დაგვაღალატეს მხოლოდ ამ შემთხვევაში შემოვა. ხოლო თუ დაგვაღალატეს ისევ ჩინური და რუსული ვაქცინებისკენ მივდივართ. ეს იქნება ძალიან გვიანი პერიოდი. ამ შემთხვევაში კერძო სექტორი ვამბობთ, რომ მოდით ჩვენ მოვლენებს ნუ გავაჩერებთ და მივხედავთ ამ საკითხს. ეს იქნება ნებაყოფლობითი და ვისაც სურვილი ექნება, ის გაიკეთებს ამ ვაქცინას. არსებობს ძალიან ბევრი ქვეყანა, რომელსაც ჩვენსავით არ მიუღია ჯერ კიდევ ვაქცინა. შესაბამისად, უკვე შეიქმნა პრეცედენტიც იმისა, რომ არსებობს “ვაქცინა ტურები”. ეს იქნება ტურიზმის ერთგვარი გამოცოცხლება. ტურისტული კომპანიები, რომლებიც “ვაქცინა ტურების” გაკეთებას დაიწყებენ, მიიღებენ იმ ადამიანებს, რომლებსაც გადაწყვეტილი ექნებათ ვაქცინის გაკეთება. ისინი ჩამოვლენ, ორი კვირა გაჩერდებიან საქართველოში და შესაბამის თანხებსაც დახარჯავენ”, – აცხადებს “იბერია ტურს პლუსის” დამფუძნებელი მაია მურაჩაშვილი.
https://bm.ge/
მსგავსი სტატიები:
ავთანდილ თალაკვაძემ თანამდებობა დატოვა
“ბიძაჩემი ასეთ ხალხს “უტრა…ო ყარაჩოღლებს” ეძახდა”
“ან საბოლოოდ იმარჯვებს ოლიგარქი, ან”….
“ისე გავზარდეთ ჩვენი შვილები, რომ არავინ შეუწუხებიათ”
მათიკაშვილი – ტყუილის თქმა და ტყუილის ტირაჟირება სააკაშვილის და „ნაციონალური მოძრაობის“ ცნობილი „ჯოკერი ა“
“იშლება “ქართული ოცნება”, პრემიერი გაექცათ, თალაკვაძე მოხსნეს, გაუშვეს, შენ სად მირბიხარ დროზე ადრე ხელს რომ აწერ?
“ვინ მოდის ხელისუფლებაში? ვახო? ინგა? ნინო?..”-ნანუკა ჟორჟოლიანი
“შემსრულებელთა ეს ტოქსიკური სამეული საფრთხეს უქმნის და წამლავს ქვეყანას,ტოქსიკური სამეული უნდა დაისაჯოს!”-ნიკა მელია