თუ სურვილი აქვთ, ერთ დღეში შეუძლიათ მასალა შეაგროვონ ვინმეს დისკრედიტაციისთვის – უჩა ნანუაშვილი შსს-ს მიერ გავრცელებულ კადრებზე

დემოკრატიის კვლევის ინსტიტუტის დირექტორი უჩა ნანუაშვილი შსს-ს მიერ გასაჯაროებულ კადრებს ეხმაურება, რომელიც “ტვ პირველის” გარდაცვლილი ოპერატორის, ლექსო ლაშქარავას გადაადგილებას ასახავს.

უჩა ნანუაშვილი საკუთარ “ფეისბუკ” გვერდზე წერს, რომ სახელმწიფო მოქალაქეებს უთვალთვალებს.

“ერთი წუთით გვერდზე გადავდოთ ემოციები და შევხედოთ, შსს-ს კადრებით რა გახდა ცნობილი:

– სახელმწიფო უთვალთვალებს მოქალაქეებს;

– თუ სურვილი აქვთ, ერთ დღეში შეუძლიათ ყველა მასალა შეაგროვონ ვინმეს დისკრედიტაციისთვის;

– თუ სურვილი აქვთ გამოიძიებენ საქმეს და ასობით მოძალადეს დააკავებენ 53 ჟურნალისტის ცემისთვის; უბრალოდ არაა ამის სურვილი;

– თუ სურვილი აქვთ ბაჩალიაშვილის ლოკაციასაც დაადგენდნენ და არ “ეძებდნენ” 3 დღე, აფგან მუხთარლი რამდენიმე კამერაზე მაინც დაფიქსირდებოდა ასობით კილომეტრის გავლისას;

– იციან სად იყიდება ნარკოტიკები;

– ნარკომოვაჭრეებს არ აკავებენ, მათ სახლთან კამერებს აყენებენ;

– ანუ სახელმწიფო მფარველობს ნარკოდილერებს და მოჩვენებით სპეცოპერაციებს ატარებს გარკვეულ უბნებში რამის გადასაფარად პერიოდულად;

– ნარკოტიკების გასაღებაზე გამოძიება არ იწყება, მხოლოდ ფილმები მზადდება, ისიც უხარისხო;

– კერძო პირების თუ ე.წ. სააგენტოების მეშვეობით ავრცელებს პერსონალურ მონაცემებს, რომელიც მხოლოდ სახელწიფოსთვისაა ცნობილი და მისი გამჟღავნება კანონის დარღვევაა და დასჯადია, და ეს გავრცელება არა დანაშაულის გამოძიებას, არამედ პირის დისკრედიტაციას ემსახურება;

– მსგავსი ინფორმაცია აქვთ სავარაუდოდ ბევრ ადამიანზე და საჭირო დროს ვრცელდება, არაერთი მსგავსი ფაქტი გვახსოვს წინა თუ ამჟამინდელი ხელისუფლებების დროს;

– ამ ყველაფერში იხარჯება გადასახადის გადამხდელის რესურსი, ნაცვლად იმისა, რომ ებრძოლოს კრიმინალს, დაიცვას მოსახლეობის სიცოცხლე და ჯანმრთელობა, შავ პიარში მიდის უზარმაზარი რესურსი;

– ამ ყველაფრის გაკეთება მაღალი თანამდებობის პირების გარეშე შეუძლებელია და ეს არაა რომელიმე პოლიციელის თვითშემოქმედება;

– ეს სისტემა წლებია არსებობს, და იგივე ხდება ხელისუფლების ცვლილების მიუხედავად, საბჭოთა მილიცია და კგბ-ს სკოლა ისევ მუშაობს; იგივე ხალხი ემსახურებოდა სისტემას და განაგრძობს ასე მუშაობას.

რატომ არ ხდება ლუსტრაციის პროცესის დაწყება და საბჭოთა თუ პოსტსაბჭოთა წარსულის გადაფასება, და ვერ გამოვდივართ ჩაკეტილი წრიდან, ალბათ ესეც ნათელია მგონი,” – წერს უჩა ნანუაშვილი საკუთარ ფეისბუკპოსტში.

https://rustavi2.ge/

გააზიარეთ და მოიწონეთ სტატია:

მსგავსი სტატიები:

“პლებისციტზე თანახმა ვართ, ოღონდ ერთი პირობით” – ბოკერია ოპოზიცია ცარიელი ხელებით, ქუჩაშია დარჩენილი – ირაკლი კობახიძე “როდის შეწყვეტენ კინკლაობას და მიხედავენ ქვეყანას?“ ‘ოცნება” ცრა წელია ბანერებზე აშენებს ქვეყანას, ეს არის რუსული ცინიზმი” საოკუპაციო ხაზთან ოკუპანტები სავარაუდოდ თანამგზავრულ რადიოსადგურს დგამენ “ივანიშვილის ჯოგი იშლება“ – სააკაშვილი ელიტური კორუფცია საქართველოში – გამოვლენილია ივანიშვილის ძმისშვილის საეჭვო გარიგებები სისტემა ისე გამოლპა, 2024 წლამდე როგორ მივა “ქართული ოცნება” კი არა, ამ ზამთარს როგორ გადააგორებენ ჯერ ეს არის საკითხავი