“სააკაშვილმა აცანცარებული ცერცვაძეო, აცანცარება და ცანცარი, რომელს უფრო შეეფერება, მე თუ ბატონ მიხეილს”

“იცით, მე პატივს ვცემ ბატონ მიხეილს, როგორც საქართველოს მესამე პრეზიდენტს და არ მინდა, რომ არაკორექტულად ვუპასუხო, მაგრამ ყველა ხვდება ალბათ და ყველამ იცის, რომ სიცრუე ის იყო, რაც მან ბრძანა. მან თქვა, რომ ქედს იხრის გმირი ექიმების წინაშე, რომ არ დაეკარგა ამომრჩევლის ხმები, ამავე დროს ამოარჩია სამი ექიმი, პაატა იმნაძე, ლევან რატიანი და მე, რომლებიც პირველივე დღიდან და პირველივე წუთებიდან არა ფრონტის წინა ხაზზე, არამედ წინა ხაზის წინა ხაზზე ვიდექით. ანუ ჩვენ ცუდები ვართ და დანარჩენი კარგები ხალხი განსჯის, რამდენად დაუჯეროს ბატონ მიხეილს, რომ იმნაძემ, რატიანმა და მე ჩვენი პირდაპირი მოვალეობა არ შევასრულეთ და ჩვენი პირდაპირი საექიმო საქმე არ გავაკეთეთ და ვმონაწილეობდით რაღაც შეკრებებში ან სიცრუეს ვეუბნებოდით მოსახლეობას. დამისახელოს ბატონმა მიხეილმა ერთი ფაქტი მაინც, როდესაც ჩემი ნათქვამი, განსაკუთრებით ტელეეკრანებიდან ნათქვამი, გამოდგა სიცრუე. ასეთ ფაქტს ვერავინ ვერ გაიხსენებს.

ჩემი გვარი ახსენა ცოტა შეურაცხმყოფელ ფორმაში – აცანცარებული ცერცვაძე – აცანცარება და ცანცარი, რომელს უფრო შეეფერება, მე თუ ბატონ მიხეილს, ხალხმა გადაწყვიტოს.

მან თქვა, რომ ლევან რატიანს როგორ ამოეღება ხმა, როდესაც აქვს მთელი ყოფილი საბჭოთა კავშირის მასშტაბით ყველაზე უარესი მდგომარეობა თავის კლინიკაში. ყველაზე უარესი მდგომარეობა კი არა, ერთ-ერთი საუკეთესო მდგომარეობა აქვს, როგორც სხვა ქვეყნებთან შედარებით, ისე საქართველოს სხვა რეანიმაციულ სამსახურებს შორის და დღე და ღამ მუშაობს ლევან რატიანი მუხლჩაუხრელად . როგორ შეიძლება ლევან რატიანზე თქმა, რომ ის ან არასაკმარისად მუშაობს ან ყველაზე ცუდი მაჩვენებლები აქვს.

მე ერთ რამეს ვიტყოდი ბატონ მიხეილზე, რომ, სამწუხაროდ, ის ჩადგა იმათ რიგებში, შეუერთდა იმათ, ვისაც სხვისი აშენებული ქვეყანა არ უნდა, ვისაც სწყინს და აღიზიანებს თუ ქვეყანაში კარგი ხდება და უხარია თუ რამე ცუდი ხდება“, – განაცხადა თენგიზ ცერცვაძემ.

გააზიარეთ და მოიწონეთ სტატია:

მსგავსი სტატიები:

ვიდეო: გურიის ახალი გუბერნატორის პირველი კომენტარი ილონ მასკი 2022 წლისთვის მფრინავ მანქანებს გამოუშვებს “ამ კვირაში კიდევ ჩამოდის საქართველოში გავრილოვი” რა ქონებას ფლობს გიორგი ვაშაძე ,,ჩვენ გვძულს მკვლელი – პუტინი!” – თბილისში დღეს აქცია დაიგეგმა “ჩემი დიდგორი” -დავით შარაშენიძემ საქართველოს მასშტაბით ჩატარებულ კონკურსში გაიმარჯვა ტიკარაძე: ჩვენ ვიმყოფებით ციცაბო პერიოდში “დარწმუნებული ვარ, რომ ეს ასე არ უნდა დამთავრდეს. ვინც იყო პასუხისმგებელი უნდა დაისაჯოს”