ავღანეთში მყოფი საქართველოს 6 მოქალაქე უნგრული ბორტით საქართველოში დაბრუნდა. მთავრობის ადმინისტრაციის უფროსის განცხადებით, დანარჩენი მოქალაქეების გამოყვანის საკითხზე აქტიურ მუშაობა გრძელდება.
“საქართველოს მთავრობის ძალისხმევით, საგარეო საქმეთა სამინისტროს ძალიან აქტიური მუშაობის შედეგად, დღეს, საქართველოს 6 მოქალაქე ავღანეთიდან დაბრუნდა სამშობლოში, უსაფრთხოდ, რა თქმა უნდა, რაც ძალიან მნიშვნელოვანი მოვლენაა. მოგეხსენებათ, ავღანეთში მიმდინარე მოვლენებიდან გამომდინარე, სიტუაცია არ არის პროგნოზირებადი, რამაც აუცილებელი გახადა ჩვენი მოქალაქეების სამშობლოში ევაკუაცია, დროულად დაბრუნება. ეს პროცესი გრძელდება, რადგან ჩვენი მოქალაქეების გარკვეული ჯგუფი კვლავ იმყოფება ავღანეთში, შესაბამისად, საქართვლო პრემიერმინისტრის ადმინისტრაცია აქტიურად მუშაობს ყველა უწყებასთან, საერთაშორისო პარტნიორებთან, რათა მოხდეს დამატებითი ავიარეისების ორგანიზება, რომლის საშუალებითაც უახლოეს პერიოდში ჩვენი მოქალაქეები სამშობლოში უსაფრთხოდ დაბრუნდებიან“, – განაცხადა ილია დარჩიაშვილმა.
საქართველოს მოქალაქეები ავღანეთში, კერძო კონტრაქტით, ამერიკულ კომპანიაში იყვნენ დასაქმებულები. ავღანეთიდან საქართველოში დაბრუნებას კიდევ 16 ქართველი ელოდება. რამდენიმე დღის წინ პრემიერმინისტრმა თქვა, რომ ქაბულში ქართულ თვითმფრინავს გაგზავნიდნენ, თუმცა, ამ საკითხზე სიახლე ჯერჯერობით არ არის.
აშშ-ს ავღანეთში შეჭრიდან თითქმის 20 წლის შემდეგ, ქვეყნის ხელისუფლება კვლავ თალიბანის ხელში ჩავარდა. ისლამისტები საამიროს გამოცხადებისა და შარიათის კანონის დაწესებისთვის ემზადებიან. მათი თქმით, ავღანეთში ომი დასრულდა.
16 აგვისტოს ქაბულის აეროპორტში არასტაბილური ვითარება იყო, როდესაც ქალაქის მაცხოვრებლები ქვეყნის დატოვებას თვითმფრინავებში შეღწევით ცდილობდნენ.
დაჯგუფებამ ბოლო რამდენიმე დღის განმავლობაში ელვის სისწრაფით დაიკავა ქვეყნის მნიშვნელოვანი ქალაქები და საბოლოოდ ქაბულის შემოგარენსაც მიადგა. ქაბული დაჯგუფებას უბრძოლველად ჩაბარდა. ავღანეთის პრეზიდენტმა, აშრაფ ღანიმ ქვეყანა დატოვა, მის სასახლეში კი თალიბები შევიდნენ. დაჯგუფებისთვის ძალაუფლების მშვიდობიანად გადასაცემად შეიქმნა ავღანეთის დროებითი მთავრობა.
როგორც ვარაუდობენ, თალიბანის მთავრობის მეთაური მოლა აბდულ ღანი ბარადარი იქნება.
თალიბანმა და აშშ-მ შეთანხმება 2020 წლის თებერვალში, ტრამპის ადმინისტრაციის დროს გააფორმეს. შეთანხმების მიხედვით, იწყებოდა შიდაავღანური მოლაპარაკებები, აშშ-ს კი გაჰყავდა ჯარები. ჯარების გაყვანის ბოლო ვადა 2021 წლის 1-ელი მაისი იყო. მას შემდეგ, რაც აშშ-ს პრეზიდენტი ჯო ბაიდენი გახდა, მან განაგრძო ჯარების გაყვანის პროცესი. ბოლო ვადა ჯერ 11 სექტემბრამდე გადაიდო, შემდეგ კი ითქვა, რომ 31 აგვისტოსთვის აშშ-ს ძალები ავღანეთს დატოვებდნენ, რაც ბევრად უფრო ადრე მოხდა.
მსგავსი სტატიები:
6 ნივთი რომელიც ქალებმა გამოიგონეს, თუმცა დღეს მამაკაცები უფრო იყენებენ
მეუფე ნიკოლოზის ხუმრობა მედიასთან
წამება, შეურაცხყოფა და გაუპატიურების მუქარა ციხეში
განათლების სამინისტრო სკოლებს რეკომენდაციით მიმართავს
მდინარე, რომელზეც ჰესი ისე კეთდება, ჰიდროლოგიური თვალსაზრისით შესწავლილი არ არის
ტიკარაძე: ვაქცინაციის ოფიცერი კარდაკარის პრინციპით მოქალაქეს რეგისტრაციაში დაეხმარება
“ქრისტიანებს ის მაინც გვესწავლოს, რომ ადამიანის მკვლელობა დანაშაულია… არა მხოლოდ ფიზიკური, სულიერი მკვლელობაც!..”
ლიხაურის საჯარო სკოლაში, მოსწავლეებისა და პედაგოგების მონაწილეობით, კიდევ ერთი წარმატებული პროექტი განხორციელდა