ოზურგეთის მუნიციპალიტეტის სოფელ შემოქმედში მცხოვრები ვასილ სადრაძე შინაგან სქმეთა სამინისტროს გურიის დეპარტამენტის ბახვის ქვეგანყოფილების თანამშრომელს განსხვავებული პოლიტიკური შეხედულებების გამო დევნა-შევიწროებაში ადანაშაულებს.
როგორც ვასილ სადრაძემ “გურიის მოამბეს” განუცხადა, ის მეგობართან ერთად ავტომობილით მიემგზავრებოდა, როცა საპატრულო ეკიპაჟმა გააჩერა. საპატრულო ეკიპაჟმა დოკუმენტაციის შემოწმების შემდეგ, სადრაძეს გზის გაგრძელების უფლება მისცა, თუმცა ის რამდენიმე წუთში , ბახვის პოლიციის თანამშრომლებმა დააკავეს. ერთ-ერთი თანამშრომლის თქმით, სადრაძის დაკავება “ზემოდან” იყო ნაბრძანები და ჯარიმა აუცილებლად უნდა დაეწერათ.
ვასილ სადრაძე აცხადებს, რომ ის მძღოლის გვერდით იჯდა. მიუხედავად ამისა, პოლიციამ შეადგინა ოქმი, რომ ის იჯდა საჭესთან და მართვის უფლების არ ქონის გამო, მასზე 500 ლარიანი ჯარიმა გამოწერა.
ვასილ სადრაძის აზრით, ეს ყველაფერი იმიტომ მოხდა, რომ მათ მანქანაზე სხვა პარტიის მხარდამჭერი ბანერები ჰქონდათ გაკრული და ვინაიდან “ქართულ ოცნებას” მხარს არ უჭერს, მასზე სადამსჯელო ოპერაცია განხორციელდა.
მსგავსი სტატიები:
დაბა გომისმთაზე მიწის სისტემური რეგისტრაციის ფარგლებში ჩატარებული საკადასტრო აღწერის შედეგები საჯაროდ გამოქვეყნდა
“გურია ქვეყნის ერთ-ერთი ყველაზე გაჭირვებული მხარეა- ვაგროვებთ ტანსაცმელს და ყველაფერს რაც გამოადგებათ”
“ოცნება” თავი არსით ანტიქართული მოვლენაა”
ოზურგეთის საკრებულოში ახალი ფრაქცია შეიქმნა
საბავშვო ბაღებში განახლებულ სასწავლო პროცესს, გურიის გუბერნატორი გაეცნო
ოზურგეთში ტიკარაძე, სასწრაფო სამედიცინო დახმარების ახალ შენობას გახსნის
რატომ იკეტება ჯაპანა-ლანჩხუთის მთავარი ავტომაგისტრალი?
ოზურგეთის ჭადრების ბაღში ამ წუთებში სოლიდარობის აქცია მიმდინარეობს