საქართველოს მესამე პრეზიდენტის დედა, გიული ალასანია აცხადებს, რომ მიხეილ სააკაშვილს გორის ჰოსპიტალში დანიშნული ჰქონდა პრეპარატი, რომელიც ფსიქიკურად დაავადებულებს ენიშნებათ.
მისივე თქმით, რჩება შთაბეჭდილება, რომ სააკაშვილს აღნიშნული ფსიქოტროპული პრეპარატები სასამართლო პროცესის წინ მიზანმიმართულად დაუნიშნეს.
“მას ჰქონდა დანიშნული პრეპარატი, რომელიც ფსიქიკურად დაავადებულებს ენიშნებათ, ეს პრეპარატი გორის ჰოსპიტალში დაუნიშნეს, მაგრამ ძალიან მცირე დოზა, მხოლოდ 25 მილიგრამი. შემდეგ ეს დოზა გაიზარდა და როდესაც სასამართლო პროცესი ახლოვდებოდა, ავიდა 200 მილიგრამზე. სწორედ ამ წამლის შედეგი იყო, რომ ექიმებმა არ იცოდნენ რა ექნათ. თითქოს, ეს თავიდან ძილის მოსაწესრიგებლად იყო, მაგრამ როდესაც დოზა გაიზარდა, ტოვებს შთაბეჭდილებას, რომ მიზანმიმართულად იყო, სასამართლო პროცესი ახლოვდებოდა.
რა თქმა უნდა, ექიმებმა უნდა დადონ თავიანთი დასკნა, მაგრამ მე რასაც ვხედავ აშკარად არის გაუარესება და რეგრესი. მიჩნდება ათასნაირი ეჭვი, ვხედავ, რომ ადამიანი სუსტდება, რა ასუსტებს ამ ადამიანს? ვერცერთ ექიმს ვერ დავადებ ხელს, ვიცი რომ კარგი პროფესიონალები არიან. თავად ამაზე არაფერი არ უთქვამს, ვხედავ, რომ უფრო მიიწევს საწოლისკენ და სულ ცდილობს, რომ იწვეს. ახლა ამ წამლების მიღება შეწყვეტილია, მაშინვე მოუხსნეს და ამიტომ მოახერხა პროცესებზე ყოფნა”, – განაცხადა ალასანიამ.
ცნობისთვის, გუშინ, 4 დეკემბერს ცენტრ ემპათიას დირექტორმა, მარიამ ჯიშკარიანმა განაცხადა, რომ საქართველოს მესამე პრეზიდენტს, მიხეილ სააკაშვილს ფსიქოტროპული პრეპარატების მაღალი დოზით მკურნალობდნენ.
მსგავსი სტატიები:
ქებათა ქება ოლიგარქს-“ოცნების” წევრთა გამორჩეული შეფასებები
ფლანგვის დეტექტორი-ოზურგეთის მერმა ბოლო სამ წელიწადში 143 000 ლარის უძრავი ქონება შეიძინა
“დაიმთავრა თავი, როგორც პოლიტიკოსმა, წარმავალია ამქვეყნიური დიდება”-პაპუაშვილი
პარლამენტის თავმჯდომარის ადგილის, ტრიბუნის ბლოკირება, ბუნებრივად აღიქმება ძალადობრივ აქტად – წილოსანი
“რუსეთზე გადაბარებას ამზადებს ოლიგარქი!!!!!!!!! ქვეყანას არ დაგითმობთ ! დაელოდეთ “ხელისუფლებავ” და გამიხსენებთ!”
“თბილად ჩაიცვით!ხვალ გელოდებით 3 საათზე რესპუბლიკის მოედანზე”-ოპოზიციამ ხვალისთვის ფართომასშტაბიანი აქცია დაანონსა
ეკეტერინე ტიკარაძე სამხედრო ჰოსპიტალში იმყოფება
კიდევ 70 გარდაცვლილი და 4 318 ახალი შემთხვევა – 20 ნოემბრის კოვიდსტატისტიკა