“კადრების გამოქვეყნების ნაწილში დადგენილ იქნა ღირსების შემლახავი და დამამცირებელი მოპყრობა” – გვარამია სახელმწიფო ინსპექტორის გადაწყვეტილებაზე

საქართველოს მესამე პრეზიდენტის, მიხეილ სააკაშვილის ადვოკატი და “მთავარი არხის” გენერალური დირექტორი ნიკა გვარამია სახელმწიფო ინსპექტორის იმ გადაწყვეტილებას ეხმაურება, რომლის მიხედვითაც, იუსტიციის სამინისტროსა და პენიტენციურ სამსახურს ჯარიმა დაეკისრა და კადრების წაშლა დაევალა, და სოციალურ ქსელში სტატუსს აქვეყნებს:

“კონვენცია წამებისა და სხვა სახის სასტიკი, არაადამიანური ან ღირსების შემლახველი მოპყრობის და დასჯის წინააღმდეგ კონვენცია და ადამიანის უფლებათა და ძირითად თავისუფლებათა დაცვის კონვენცით, აბსოლუტური და უნივერსალური აკრძალვაა სასტიკი მოპყრობის შემდეგ ფორმებზე (სიმძიმის მიხედვით):

წამება
არაადამიანური მოპყრობა
ღირსების შემლახავი და დამამცირებელი მოპყრობა
საქართველოს სისხლის სამართლის კოდექსი მეორე და მესამე სტანდარტს არ განასხვავებს და აერთიანებს ერთ მუხლში – 143 ტერცია.

დღეს, სახელმწიფო ინსპექტორის აქტით, განსაკუთრებით, შემდეგი სიტყვებით:

“მისი ამგვარ ფორმაში და ვითარებაში ფართო საზოგადოებისთვის წარდგენა, უნდა იქნას მიჩნეული მონაცემთა სუბიექტის ღირსების შემლახავი ფორმით მონაცემების დამუშავებად”.

მხოლოდ კადრების გამოქვეყნების ნაწილში დადგენილ იქნა ზემოთმოყვანილი მესამე სტანდარტი (თუმცა, ქართული კანონმდებკლობა, ვიმეორებ, არ განასხვავებს მას მეორისგან და ერთ მუხლში აერთიანებს).

ასევე შეგახსენებთ, რომ მთავარი გამოძიება გლდანის მე-18 დაწესებულებაში და იქ გადაყვანისას უკვე უშუალოდ მომხდარ ფაქტებზე, როგორც არაადამიანურ მოპყრობაზე (მეორე სტანდარტი) ჯერ ისევ მიმდინარეობს სახელმწიფო ინსპექტორის ოფისის მიერ.

ასევე შეგახსენებთ, რომ ცენტრი ემპათიის დასკვნით, შესაძლოა გამოძიება განივრცოს უმაღლესი სტანდარტის, წამების მიმართულებით”, – წერს ნიკა გვარამია.

გააზიარეთ და მოიწონეთ სტატია:

მსგავსი სტატიები:

“სანამ ასი ათასი გადარეული არ გამოგივარდებათ, მანამდე არ უნდა შეიბერტყოთ ყური?” ჩინოვნიკებო, ამაზრზენი ქურდები ხართ- წერილი ხელისუფლების მაღალჩინოსნებს ადვოკატი-“მელიას ამნისტიის საკითხთან მიმართებაში ნეგატიური დამოკიდებულება აქვს” მდინარაძე: პოლიციამ იმოქმედა შესაძლებლობების მაქსიმუმის ზღვარზე, მადლობას ვუხდი თითოეულ პოლიციელ „საპატრიარქოს დაფინანსებისა და შავი ფულის დამსახურებაა ის, რაც ხდება“ – კოტე ყუბანეიშვილი 5-6 ივლისის ძალადობაზე საარჩევნო უბნის ე.წ. დალუქულ ოთახში ქალი იპოვეს – რა მოხდა ბათუმში (ფოტო) მოვიხადე ჩემი მოქალაქეობრივი ვალი – სანდრა რულოვსი მოქალაქეებს მიმართავს მიხეილ სააკაშვილის სასამართლო პროცესი დაიწყო