ზურაბიშვილმა და მარგველაშვილმა შეიძლება შეასრულონ ნამდვილად ისტორიული მისია-სააკაშვილი

საქართველოს მესამე პრეზიდენტი მიხეილ სააკაშვილი მეოთხე პრეზიდენტ გიორგი მარგველაშვილს შეხვედრისთვის მადლობას უხდის და აღნიშნავს, რომ მათ ძალიან შინაარსიანი საუბარი ჰქონდათ.

როგორც სააკაშვილის წერილშია ნათქვამი, რომელიც მისმა ადვოკატმა გორის ჰოსპიტლიდან გამოიტანა, ის კვლავ მომხრეა სამი პრეზიდენტის შეხვედრისა და კიდევ ერთხელ ადასტურებს, რომ თუ მსგავსი შეხვედრა შედგება, ის მოქმედ პრეზიდენტ სალომე ზურაბიშვილს შეწყალებას არ სთხოვს.

სააკაშვილი ამბობს, რომ მარგველაშვილი მოშიმშილეებს შეხვდება და მათ ორი ყოფილი პრეზიდენტის აზრს გააცნობს.

ფორმულა სააკაშვილის წერილს უცვლელად გთავაზობთ:

“მინდა დიდი მადლობა გადავუხადო საქართველოს მეოთხე პრეზიდენტს, გიორგი მარგველაშვილს. ჩემთვის ძალიან საინტერესო, შინაარსიანი და ვრცელი შეხვედრა მქონდა მასთან. მიუხედავად წარსულში სერიოზული, პოლიტიკური განსხვავებებისა არ შემიძლია არ აღვნიშნო, რომ პრეზიდენტ მარგველაშვილი იმსახურებს პატივისცემას და მინდა გამოვყო რამდენიმე ფაქტორი თუ რის გამო: ჩემთვის განსაკუთრებით ფასეულია რომ მან, ბევრისგან განსხვავებით არ გამოიყენა საკუთარი თანამდებობა პირადი გამდიდრებისთვის და პრეზიდენტობის შემდეგ ჩვეულებრივი ადამიანის ცხოვრებით ცხოვრობს და დავრწმუნდი, რომ გულთან ძალიან ახლოს მიაქვს ხალხის გაჭირვებული ყოფა. ჩემში ეჭვს არ იწვევს მისი პატრიოტიზმი და პროდასავლური ორიენტაცია. ასევე ვაფასებ მის ინიციატივებს მოქმედი და ყოფილი პრეზიდენტების დიალოგზე, პოლიტიკური მართლმსაჯულების შეწყვეტაზე. აბსოლუტურად თამამად და ზუსტად გამოთქვამს ის იმ რეალობას, რომ მე ვარ ნამდვილად პუტინის პირადი პატიმარი.

არ შეიძლება არ დავაფასოთ, რომ მან ამ ძნელბედობის ჟამს საკუთარ თავზე აიღო მაკონსოლიდირებელი როლი. ეს ახლა ყველაზე მეტად სჭირდება საქართველოს და ამ მხრივ, ორივემ – სალომე ზურაბიშვილმა და გიორგი მარგვგელაშვილმა შეიძლება შეასრულონ ნამდვილად ისტორიული მისია. ამიტომ მხარს ვუჭერ პრეზიდენტ ზურაბიშვილის ინიციატივას, თუნდაც იმ პირობებში, როცა როგორც ნიკა მელიამ დღეს თქვა, შანსი მინიმალურიც რომ იყოს. კიდევ ერთხელ ვადასტურებ ჩემს მზადყოფნას და ეს გიორგისთან განვიხილეთ, სამი პრეზიდენტის შეხვედრაზე, ჩემი მხრიდან ყოველგვარი პირადი თხოვნების, განსაკუთრებით შეწყალების თაობაზე, გარეშე. ასევე მე და გიორგი, ორივე ვიზიარებთ შეშფოთებას, მოშიმშილეების მდგომარეობაზე და მე ვაფასებ მის ინიციატივას მოინახულოს ისინი და საკუთარი ხედვა და ჩვენი საერთო შეშფოთება გააცნოს”, – წერს მიხეილ სააკაშვილი.

გიორგი მარგველაშვილი მიხეილ სააკაშვილს გორის ჰოსპიტალში 3-საათნახევრის განმავლობაში ხვდებოდა.

გააზიარეთ და მოიწონეთ სტატია:

მსგავსი სტატიები:

“ხელი მოაწერა “ქოცობას”- ოპოზიციის შეფასებები “ეს ჩემთვის პირველი შეურაცხყოფა არ არის ამ 4- წლიან ჯოჯოხეთურ გზაზე” თუ პრეზიდენტი გიორგი რურუას შეიწყალებს, არ დავაფიქსირებთ ჩვენს კრიტიკულ პოზიციას – „ქართული ოცნება“ წილოსანი-“ქართული ოცნება” პირობით 43%-ზე მეტ მხარდაჭერას მიიღებს მე-18 დაპირებაა, ყოველი არჩევნების წინ ხან ზღვით გადმოდის, ხან ჰაერით — ყაველაშვილი სააკაშვილზე მიხეილ სააკაშვილი მოუთმენლად ელოდება ხვალინდელ დღეს – მისი ჯანმრთელობის მდგომარეობა ხელშემშლელი არ არის, რომ სასამართლო პროცესს დაესწროს-ყიფშიძე მიხეილ სააკაშვილი თბილისის საქალაქო სასამართლოდან წაიყვანეს “სააკაშვილის ბოდიში იყო მთავარი ძარღვი, რომლის მიტანასაც საქართველოს მოსახლეობამდე ცდილობდა”