2021 წლის განმავლობაში საჯარო სექტორში დასაქმებული ადამიანები მთლიანი სახელფასო ანაზღაურების სახით 1.61 მილიარდ ლარს მიიღებენ, რაც 2020 წელთან შედარებით 60 მილიონი ლარით მეტია. შესაბამისად, ქვეყანაში შექმნილი ეკონომიკური კრიზისის მიუხედავად, ბიუჯეტი ხარჯების შეკვეცის პოლიტიკას არ ითვალისწინებს.
მთლიანობაში 2021 წლის ბიუჯეტის პროექტით მთავრობის ასიგნებები 18.4 მილიარდი ლარით განისაზღვრება, რაც ბიუჯეტის რეკორდული მოცულობაა. მთავრობის ხარჯბი 2020 წელთან შედარბით ჯამში 2.46 მილიარი ლარით იზრდება.
გაზრდილი ხარჯების დაფინანსების მთავარი წყარო მომდევნო წელსაც ახალი ვალის აღება იქნება, რაც 5.27 მილიარდი ლარით არის განსაზღვრული. ახალი ვალებიდან 1.45 მილიარდი ლარი საინვესტიციო ინფრასტრუქტურულ პროექტებზე მიიმართება, ბიუჯეტის მხარდამჭერი კრედიტები 2.17 მილიარდი ლარი იქნება, ხოლო 1.65 მილიარი ლარით მთავრობა $500-მილიონიანი ევრობონდების რეფინანსირებას გეგმავს.
2021 წლის ბიუჯეტი 4.3%-იან ეკონომიკურ ზრდაზე არის დაგეგმილი, ეს ეკონომიკური ზრდის პირველად პროგნოზთან შედარებით 0.7 პროცენტული პუნქტით ნაკლებია, შესაბამისად, ზრდის შემცირების გამო, საგადასახადო შემოსავლბის გეგმაც პირველად პროექტთან შედარებით შემცირებულია.
მომდევნო წელს ყველაზე მეტი თანხით კვლავ ჯანდაცვის სამინისტრო დაფინანსება არის დაგეგმილი – უწყების ბიუჯეტი 48 მილიონი ლარით იზრდება და ის 5.56 მილიარდ ლარს შეადგენს. ბიუჯეტის ზრდას განაპირობებს როგორც პენსიის ინდექსაციის ახალი კანონი, რომლითაც პირველი იანვრიდან ასაკობრივი პენსია გაიზრდება, ასევე, ქვეყანაში დაწესებული “ლოქდაუნის” გამო, ბიუჯეტი სოციალურად დაუცველთათვის 6 თვით 100-ლარიან დახმარებებსაც დააფინანსებს.
მსგავსი სტატიები:
“მე არასდროს გავიწევი უკან, თქვენ, ეტყობა, არ იცნობთ სააკაშვილს” – მესამე პრეზიდენტი ე.წ. კანონიერ ქურდებს
5 თებერვლამდე საქართველოში თბილი და უნალექო ამინდია მოსალოდნელი
სამი მოსწავლე გურიიდან, ACCESS-ის პროგრამის გამარჯვებულია- ისინი ამერიკაში სასწავლებლად წავლენ
მეუფე იოსები ნამახვანჰესის წინააღმდეგ
“არ ვიცი რას მოვაწერო-სიბრიყვეს, საბჭოურ მენტალიტეტს, თუ რუსეთის პროპაგანდას”….
“პატრიოტი უნდა იყო! ოკუპანტთან კონცერტით ჩასვლა არ მიმაჩნია სწორი”
“ნაბეღლავის” დამფუძნებელი ავთანდილ სვიმონიშვილი გარდაიცვალა
რადიკალები პოლიციას წინააღმდეგობას უწევენ, რის გამოც, დააკავეს კიდევ 4 პირი, ჯამში – 16