საჯარო სექტორის ხელფასები 60 მილიონით იზრდება

2021 წლის განმავლობაში საჯარო სექტორში დასაქმებული ადამიანები მთლიანი სახელფასო ანაზღაურების სახით 1.61 მილიარდ ლარს მიიღებენ, რაც 2020 წელთან შედარებით 60 მილიონი ლარით მეტია. შესაბამისად, ქვეყანაში შექმნილი ეკონომიკური კრიზისის მიუხედავად, ბიუჯეტი ხარჯების შეკვეცის პოლიტიკას არ ითვალისწინებს.

მთლიანობაში 2021 წლის ბიუჯეტის პროექტით მთავრობის ასიგნებები 18.4 მილიარდი ლარით განისაზღვრება, რაც ბიუჯეტის რეკორდული მოცულობაა. მთავრობის ხარჯბი 2020 წელთან შედარბით ჯამში 2.46 მილიარი ლარით იზრდება.

გაზრდილი ხარჯების დაფინანსების მთავარი წყარო მომდევნო წელსაც ახალი ვალის აღება იქნება, რაც 5.27 მილიარდი ლარით არის განსაზღვრული. ახალი ვალებიდან 1.45 მილიარდი ლარი საინვესტიციო ინფრასტრუქტურულ პროექტებზე მიიმართება, ბიუჯეტის მხარდამჭერი კრედიტები 2.17 მილიარდი ლარი იქნება, ხოლო 1.65 მილიარი ლარით მთავრობა $500-მილიონიანი ევრობონდების რეფინანსირებას გეგმავს.

2021 წლის ბიუჯეტი 4.3%-იან ეკონომიკურ ზრდაზე არის დაგეგმილი, ეს ეკონომიკური ზრდის პირველად პროგნოზთან შედარებით 0.7 პროცენტული პუნქტით ნაკლებია, შესაბამისად, ზრდის შემცირების გამო, საგადასახადო შემოსავლბის გეგმაც პირველად პროექტთან შედარებით შემცირებულია.

საგადასახადო შემოსავლების პროგნოზი გადასახადების სახეების მიხედვით შემდეგია:

• საშემოსავლო გადასახადის საპროგნოზო მაჩვენებელი განისაზღვრა 3.6 მილიარდი ლარით;
• მოგების გადასახადის საპროგნოზო მაჩვენებელი განისაზღვრა 951.0 მლნ ლარით;
• დღგ-ის საპროგნოზო მაჩვენებელი განისაზღვრა 5.4 მილიარდი ლარით, მათ შორის სახელმწიფო ბიუჯეტის წილი შეადგენს 4 347.3 მლნ ლარს, ხოლო მუნიციპალიტეტების წილი 1 მილიარდი;
• აქციზის საპროგნოზო მაჩვენებელი განისაზღვრა 1.58 მილიარდი ლარის ოდენობით;
• იმპორტის გადასახადის საპროგნოზო მაჩვენებელი განისაზღვრა 77.0 მლნ ლარით.

მომდევნო წელს ყველაზე მეტი თანხით კვლავ ჯანდაცვის სამინისტრო დაფინანსება არის დაგეგმილი – უწყების ბიუჯეტი 48 მილიონი ლარით იზრდება და ის 5.56 მილიარდ ლარს შეადგენს. ბიუჯეტის ზრდას განაპირობებს როგორც პენსიის ინდექსაციის ახალი კანონი, რომლითაც პირველი იანვრიდან ასაკობრივი პენსია გაიზრდება, ასევე, ქვეყანაში დაწესებული “ლოქდაუნის” გამო, ბიუჯეტი სოციალურად დაუცველთათვის 6 თვით 100-ლარიან დახმარებებსაც დააფინანსებს.

გააზიარეთ და მოიწონეთ სტატია:

მსგავსი სტატიები

  • 34
    "ჩოჩიას საერთოდ არ ვიცნობ" .. აკაკი წითლიძე ნაგომარში ხრეშის მოპოვებას უარყოფს"არანაირი შეხება არ გვაქვს ნაგომართან და ჩოხატაური - ოზურგეთის დამავშირებელ გზასთან. იქ სხვა კომპანია მუშაობს და არა ჩვენ.  ჩვენ ვმუშაობთ სოფელ სილაურში და ამ სოფელთან მილიონიანი მემორანდუმი გვაქვს. მუნიციპალიტეტთან და სოფელთან, სადაც გზის მშენებლობა უკვე დაწყებულია. ეხლა ველოდებით ასფალტის ქარხნის მონტაჟს, რომ დავიწყოთ ასფალტის ფენის გადაგება" განაცხადა მდინარე სუფსაზე ინერტული…
    Tags: ახალი
  • 31
    ლარის გაუფასურებამ სახელმწიფო ვალი 1.84 მლრდ ლარით გაზარდა - აუდიტის დასკვნა2020 წელს ლარის გაცვლითი კურსის გაუფასურებამ მთავრობის ვალის ნაშთი 1.84 მილიარდი ლარით გაზარდა - ამის შესახებ სახელმწიფო აუდიტის სამსახურის დასკვნაში არის საუბარი. დოკუმენტის თანახმად, წელს ვალის მოცულობის ზრდას ახალი საგარეო და საშინაო კრედიტების აღებასთან ერთად ლარის კურსის გაუფასურებაც განაპირობებს. სახელმწიფო აუდიტის სამსახურის ანგარიში ბიუჯეტის 8 თვის შესრულების მაჩვენებლებს ასახავს. მისი…
    Tags: წლის, ახალი, ლარით, არის, ლარს, ბიუჯეტის, მილიარდი