გარემოს ეროვნული სააგენტოს ინფორმაციით, საქართველოს ცალკეულ რაიონში ახალი წლის ღამეს მოთოვს. მათივე ცნობით, მომდევნო დღეებში უნალექო ამინდი იქნება და ოდნავ დათბება.
2022 წლის 1 იანვრამდე საქართველოში შენარჩუნებული იქნება უნალექო ამინდი. ჰაერის ტემპერატურა დღისით დასავლეთ საქართველოში +11, +16, აღმოსავლეთ საქართველოში +7, +12 გრადუსი იქნება.
ახალი წლის ღამის საათებში დასავლეთ საქართველოს ცალკეულ რაიონში გაწვიმდება, მთაში მოთოვს, აღმოსავლეთ საქართველოში კი 1 იანვრის შუადღემდე უნალექო ამინდი შენარჩუნდება, 1 იანვარს დღისით დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია ნალექი, დაბლობსა და ბარში წვიმის, მთაში და მაღალმთაში თოვლის სახით. 2-3 იანვარსაც დროგამოშვებით ნალექიანი ამინდი იქნება, შედარებით აცივდება, ზოგან იქროლებს დასავლეთის მიმართულების ქარი.
ქ. თბილისში 2022 წლის 4 იანვრამდე შენარჩუნებული იქნება უნალექო ამინდი. ჰაერის ტემპერატურა ახალი წლის ღამის საათებში 0, -1, ხოლო დღის საათებში +9, +11 გრადუსის ფარგლებში იქნება. 2-3 იანვარს იქროლებს ჩრდილო-დასავლეთის მიმართულების ქარი. ტემპერატურა 2-3 გრადუსით დაიკლებს, – წერს გარემოს ეროვნული სააგენტო.
მსგავსი სტატიები:
„მე მაქვს iPhone 11 PRO – ბოლო მოდელი არაა, გამოვიდა უკვე iPhone 12“ – მეუფე ნიკოლოზი
„სიყვარული არის მძიმე, ქრონიკული დაავადება”
“მადლიერი იყავი ყოველი წამით და ფიქრშიც კი სიკეთე ჩამოარიგე ყველასთვის”
თემურ წიკლაურის უკანასკნელი კლიპი – რას გეგმავდა კლინიკიდან გამოსვლის შემდეგ
როგორ გავგრილდეთ ზაფხულის სიცხეში | სახალისო რჩევები
გაძვირებული პროდუქტი და “9 წელი” – ხალხის პასუხი მინისტრს
“შეკვეთილის ფორტი” – ჟიულ გაილდრაუს ილუსტრაცია 1853 წ.
მეუფე შიო საზეიმო წირვას კორონავირუსით ინფიცირების გამო არ ესწრება