“შემაშფოთებელია, როგორ ჩაგრავს პოლიცია საზოგადოების ყველაზე დაუცველ ნაწილს – “სოციალური სამართლიანობის ცენტრი”

განსაკუთრებით შემაშფოთებელია, როგორ ეწევა პოლიცია ჩვენი საზოგადოების ყველაზე დაუცველი ნაწილის ჩაგვრის და საგულდაგულო დასჯის პრაქტიკას – ამის შესახებ “სოციალური სამართლიანობის ცენტრის” განცხადებაშია საუბარი. არასამთავრობო ორგანიზაცია ისნის მეტროში, პოლიციელების მხრიდან შშმ მოზარდზე ძალადობას ეხმაურებიან.

ვეხმიანებით გავრცელებულ კადრებს, სადაც ნათლად ჩანს პოლიციის მხრიდან მოქალაქეზე ძალადობის, ღირსების შელახვისა და დამცირების ფაქტები. განსაკუთრებით საგანგაშოდ მიგვაჩნია, რომ ბოლო დროს პოლიციის მხრიდან ძალის აშკარა გადამეტების ერთეულ შემთხვევასთან არ გვაქვს საქმე.

დღეს გავრცელებულ კადრებში საზოგადოებამ იხილა სამართალდამცავი უწყების მხრიდან გამოვლენილი ფიზიკური ძალადობა, რომლის წინაშეც მხედველობის და სმენის შეფერხების მქონე ადამიანი დაუცველი და ღირსებაშელახული იყო. განსაკუთრებით შემაშფოთებელია, თუ როგორ უგულებელყოფს პოლიცია ზრუნვისა და მხარდაჭერის მოვალეობას და ამის ნაცვლად, ჩვენი საზოგადოების ყველაზე დაუცველი ნაწილის ჩაგვრის და საგულდაგულო დასჯის პრაქტიკას ეწევა.

ჩვენთვის ნათელია, რომ ამგვარი პრაქტიკები არ და ვერ იქნება ერთეული შემთხვევები. უფლებამოსილების გადამეტების ასეთი მძიმე შემთხვევები ვერ იარსებებს ჰუმანურობაზე და ადამიანის პატივისცემაზე დაფუძნებულ სტრუქტურაში. საკმარისია სულ ერთი თვის წინ, ბათუმში, ჟურნალისტების გიორგი არობელიძის და რატი რატიანის მხრიდან გაჟღერებული ინფორმაციის
გახსენებაც, სადაც ისინი მიუთითებდნენ პოლიციის განყოფილებაში მათ მიმართ განხორციელებული ფიზიკური ძალადობის შემთხვევაზე.

ეს შემთხვევები აჩვენებს იმ მძიმე მდგომარეობას, რაც შინაგან საქმეთა სამინისტროშიარსებობს. საზოგადოებაში, მართალია ფრაგმენტულად, თუმცა დროდადრო მაინც ვრცელდება ინფორმაციები სამართალდამცავი უწყების მხრიდან გამოვლენილ ძალადობაზე. ჩვენ მივიჩნევთ, რომ ამგვარი პრაქტიკა უწყების ჩაკეტილობის, ნაკლები ანგარიშვალდებულების და პოლიტიკურ ძალაუფლებაზე მორგების შედეგია. სამართალდამცავი უწყებების ურთიერთობა ადამიანთან ხშირად რეპრესიას და შიშის დანერგვას ეფუძნება.

როგორც მოსალოდნელი იყო, წლების განმავლობაში განხორციელებულმა ინსტიტუციურმა რეფორმებმა მხოლოდ ნაწილობრივ გარდაქმნა სამართალდამცავი უწყებების მოქმედების ფორმები. სამწუხაროდ, პოლიციის მხრიდან ძალადობის პრევენცია დღემდე ვერ გახდა პოლიტიკური კლასის მხრიდან არსებითი ცვლილების საგანი. სისტემაში კვლავაც მძიმედ იგრძნობა სხვადასხვა მოწყვლადი ჯგუფების მიმართ პოლიციის მგრძნობელობისა და ადამიანებზე ზრუნვის იდეის დეფიციტი.

ზემოაღნიშნულის გათვალისწინებით, მოვუწოდებთ შესაბამის უწყებებს:

• დროულად და ეფექტიანად აწარმოონ გამოძიება აღნიშნულ ინცინდენტზე და საზოგადოებას დაუყოვნებლივ მიაწოდონ ინფორმაცია გამოძიების მსვლელობაზე იმ ინტენსივობით, რაც საფრთხეს არ შეუქმნის დაზარალებულის და გამოძიების ინტერესებს – წერს სოციალური სამართლიანობის ცენტრი.

გააზიარეთ და მოიწონეთ სტატია:

მსგავსი სტატიები:

“ვაქცინა ტურები” – ინდუსტრია ახალ ტურისტულ პაკეტზე მუშაობს მთავრობის აქცენტი პრობლემების მოგვარებაზე უნდა იყოს მიმართული და არა “პოლიტიკურ კინკლაობაზე” “ფეისბუქი” გავუთიშე ჩემ ცოლ-შვილს, რომ ის ჭუჭყი არ მოესმინათ და გაეგოთ რასაც ჩემზე ამბობდნენ” – ალეკო ელისაშვილი “მოვითხოვთ, ხელისუფლებამ უზრუნველყოს მიხეილ სააკაშვილის ჯანმრთელობა და პირადი უსაფრთხოება” – ენმ-ის განცხადება სააკაშვილის პატიმრობა და მარგველაშვილის შეთავაზება ზურაბიშვილს – ითამაშებენ თუ არა გადამწყვეტ როლს ექსპრეზიდენტი და მოქმედი პრეზიდენტი პოლიტიკური კრიზისის დაძლევაში? ინსპექტორის სამსახურის გაუქმების უკან შეგვიძლია დავინახოთ პოლიტიკური ანგარიშსწორების მოტივებიც – სიმონიშვილი უკიდურესი პროტესტი თავისუფლებისთვის – ენმ-ის ოფისში შიმშილობის მე-6 დღე რა კლავს საქართველოს მოქალაქეებს – დაიწყება თუ არა გამოძიება ტიკარაძის უკანასკნელ აღიარებაზე