ბათუმის მერიამ, საკრებულოსთვის, სასმლისა და მინერალური წყლების შესაძენად ორი ტენდერი გამოაცხადა, ჯამში 5 499 ლარით. ამ ტენდერებით ქალაქის საკრებულოსთვის, რომელიც არ იკრიბება, 5 492 ლიტრ წყალს შეისყიდიან.
ინფორმაციას გამოცემა “ბათუმელები” ავრცელებს და წერს, რომ დისპენსერზე დასადგმელი 150 ცალი [19-ლიტრიანი რეზერვუარით] სასმელი წყლის საკრებულოსთვის შესაძენად მერიას 1 500 ლარი აქვს გათვალისწინებული.
მათივე ცნობით, სასმელი წყალი უნდა იყოს ჰიდროკარბონატული-კალციუმიანი, არაგაზირებული; უნდა აკმაყოფილებდეს „სასმელი წყლის ტექნიკური რეგლამენტით“ დადგენილ ხარისხის მაჩვენებლებს, ნორმატიულ სიდიდეებს და სანიტარულ მოთხოვნებს; შენახვის ვადა კი, ჩამოსხმის თარიღიდან მინიმუმ 3 თვე;
მერიას ცალკე ტენდერი აქვს გამოცხადებული საკრებულოსთვის 1 900 ბოთლი გაზირებული მინერალური წყლისა და 3 684 ბოთლი არაგაზირებული მინერალური წყლის შესაძენად [ორთავე სახის წყალი უნდა იყოს 0,5-ლიტრიან პლასტმასის ბოთლებში]. ამ შემთხვევაში სატენდერო თანხა 3 999 ლარია და წყალი საერთაშორისო სტანდარტებს უნდა აკმაყოფილებდეს.
ცნობისთვის, ბათუმის საკრებულო ამ დრომდე არ იკრიბება. მას თავმჯდომარე ამ დრომდე არ ჰყავს. 2022 წლის 2 აპრილს კი, ბათუმში საკრებულოს მაჟორიტარი წევრის არჩევნები გაიმართება. ადლიის საარჩევნო ოლქში ბათუმის საკრებულოს მაჟორიტარი დეპუტატი „ნაციონალური მოძრაობის“ წევრი, ნუგზარ ფუტკარაძე იყო, რომელიც 2021 წლის ნოემბერში, ახალი საკრებულოს შეკრებამდე გარდაიცვალა.
მსგავსი სტატიები:
ბრაიზა: ანაკლიის პორტის პროექტის ჩავარდნა კატასტროფა იყო
სააკაშვილი ივანიშვილზე-ჩემთან მოდიოდა მლიქვნელური, ყოველთვის დაოთხილი, წელში მოხრილი…
“დღევანდელი საქართველო…” – რა ფოტოს აქვეყნებს რობერტ სტურუა
“2012 წლის მერე ქვეყანას ასეთი აქცია არ ახსოვს, ეს შეუქცევადი პროცესია და სჯობს ხელისუფლებამ გაიაზროს დიდი შერიგების ინიციატივა”- ხათუნა ლაგაზიძე
ხელოვნების სფეროს წარმომადგენლები, რომლებიც სააკაშვილის გათავისუფლებას ითხოვენ, ჩემი კოლეგები აღარ არიან, მათ აღარ მივესალმები – სტურუა
#თავისუფლებამიშას – ენმ-მ 21 დეკემბერს საპროტესტო აქცია დააანონსა
გუბერნატორის ადმინისტრაციების შენახვა 59 მილიონი დაგვიჯდა, თანხის 69% კი ხელფასებში დაიხარჯა – “ფლანგვის დეტექტორი”
ლავრენტი ბიგვავა – თვითმმართველობის მტერი!