შაბათს, 19 თებერვალს ორგანიზაცია “სირცხვილია” უკრაინის მხარდამჭერი აქციის გამართვას გეგმავს. როგორც ორგანიზაციის მიერ გავრცელებულ განცხადებაშია ნათქვამი, აქციის მიზანია, რომ უკრაინამ დაინახოს ქართული საზოგადოების გვერდში დგომა:
“დღეს უკრაინა რუსეთის მორიგი აგრესიის საფრთხის წინაშე დგას, რომელსაც საფუძვლად რუსეთის იმპერიალისტური სურვილი უდევს – არ დაუშვას თავისი მეზობლების დემოკრატიზაცია და ევროატლანტიკური ინტეგრაცია.
რუსეთი მოითხოვს, რომ უკრაინამ და საქართველომ სამუდამოდ თქვან უარი ნატოში ინტეგრაციაზე, რაც კიდევ ერთხელ ადასტურებს ორი სახელმწიფოს განუყოფელ ბედს.
ჩვენი ქვეყნისთვის ამ გადამწყვეტ მომენტში, როდესაც ახალი გეოპოლიტიკური რეალობა მომავალი ათწლეულების განმავლობაში განსაზღვრავს ჩვენს ბედს, საქართველოს ხელისუფლება დუმილს ამჯობინებს, რუსეთს აგრესორად არ აღიარებს და როგორც ირაკლი კობახიძისგან გავიგეთ, „ამ ეტაპზე“ საჭიროდაც არ მიიჩნევს, კიევში ჩავიდეს და მხარდაჭერა გამოუცხადოს უკრაინელ ერს.
თუ თავისუფლებისთვის ბრძოლაში უკრაინა დამარცხდება, რუსეთი აუცილებლად ეცდება საქართველოს ბოლომდე დამორჩლებას. უკრაინელებს, რომლებიც აფხაზეთის ომში საქართველოსთვის იბრძოდნენ, ესმოდათ, რომ შემდეგი უკრაინა იქნებოდა. ასევე ქართველებს, რომლებიც დონბასში ომობენ, ესმით, რომ უკრაინაში წყდება საქართველოს ბედიც. დღეს ჩვენი სიჩუმე დანაშაულია, მეტიც ჩვენი ხელისუფლების სიჩუმე რუსეთთან თამანონაწილეობის ტოლფასია.
გავაგებინოთ უკრაინელებს და მსოფლიოს, რომ ქართველები მტკიცედ ვდგავართ უკრაინის გვერდით! გავაგებინოთ საქართველოს პოლიტიკურ ხელისუფლებას, რომ მათი უმოქმედობა ისტორიული #სირცხვილია!” – წერია განცხადებაში.
მსგავსი სტატიები:
ტრამპის კაბინეტი განათლების მდივანმა დატოვა
პოზნერს და მის მეგობრებს აქტივისტებმა შუქი ჩაუქვრეს
ოკუპირებული აფხაზეთის დე ფაქტო ლიდერი პოზნერს აფხაზეთში ეპატიჟება
გიორგი თარგამაძის OP-ED: სუპერგმირის დემონტაჟი
სასაკლაოდ გახადეს საპატიმროები, პრეზიდენტიც ვერ იქნება დაცული – გიორგი მამალაძის ადვოკატი
უპატრონო ტომოგრაფი-გლდანის ციხეში თითქოსდა მიხეილ სააკაშვილისთვის მიტანილი აპარატი ამ დრომდე დაუმონტაჟებელია
სანიკიძე: ჩემი სამშობლო დღეს არის უკრაინა
როგორი გზები იყო გურიაში 1897 წელს – რას წერს თედო სახოკია