ამ საკითხთან დაკავშირებით ყველაზე მეტად ლევან ხაბეიშვილი და “ნაციონალური მოძრაობა” ნერვიულობს – თუ არაფერი აქვთ დასამალი და პრობლემა არ აქვთ, გაუგებარია, რას უკავშირდება მათი ასეთი ნერვიულობა, – ამის შესახებ პარლამენტის ვიცე-სპიკერმა არჩილ თალაკვაძემ ჟურნალისტებს განუცხადა, რითაც ე.წ. ქოლ-ცენტრების საქმეზე ლევან ხაბეიშვილის განცხადებას გამოეხმაურა.
როგორც თალაკვაძემ განაცხადა, აღნიშნულ საკითხზე “ნაციონალური მოძრაობის” აქტიურობა კითხვის ნიშნებს აჩენს.
“გამოძიების შედეგებს თვალს მივადევნებთ და ბოლომდე გაირკვევა, რა დგას მათი ასეთი ანგაჟირებული განცხადებების უკან. ფაქტია, რომ პროკურატურამ და სახელმწიფო უსაფრთხოების სამსახურმა გერმანელ კოლეგებთან ერთად წარმატებული საგამოძიებო მოქმედებები გაატარა. ამ ფონზე ეს დესტრუქციული პოლიტიკური პარტია და მისი ლიდერები აქტიურობენ, რაც, რა თქმა უნდა, გარკვეულ კითხვებს წარმოშობს”,- განაცხადა არჩილ თალაკვაძემ.
ცნობისათვის, ფრაქცია „ნაციონალური მოძრაობა“ სახელმწიფო უსაფრთხოების სამსახურის უფროსს, გრიგოლ ლილუაშვილს ფარულ მოსმენებთან და ე.წ ქოლ-ცენტრების საქმესთან დაკავშირებით პარლამენტში იბარებს. ლევან ხაბეიშვილის თქმით, ლილუაშვილმა მას და ორ ტელეკომპანიას ე.წ. ქოლ-ცენტრების საქმეზე სასამართლოში უჩივლა, თუმცა, რეალურად საერთაშორისო გამოძიება სწორედ გრიგოლ ლილუაშვილის პერსონით დაინტერესდა და მის წინააღმდეგ გამოძიება დაიწყება.
მსგავსი სტატიები:
“ხელისუფლებავ , ნუ ეთამაშებით ხალხს”
” ოპოზიციას დოყლაპიასავით დაუღია პირი და ამბობს არჩევნები არ გვინდაო”…
“რესპუბლიკელებმა გადავწყვიტეთ, “ოცნება” კედელთან მივაყენოთ”
“ძალიან ტეხავს Rustavi 2 • რუსთავი 2 პირველი არხი მამუკა მდინარაძე რომ წყვეტს, რა უნდა გააშუქოთ და რა არა,თან ხო გააჩნია თემას და თან ხო გააჩნია ვინ წყვეტს”
”მგონი პროპორციულის და შარლ მიშელის ტრიუკს უტარებს შვეიცარულ ბანკსაც” – ნინო ჯანგირაშვილი ივანიშვილზე
“ხელისუფლებაში რუსი ოლიგარქის მიერ დანიშნული იმბეცილები გვყავს” – დავით მიროტაძე
“ნაცმოძრაობამ” და გახარიას პარტიამ ხელი მოაწერეს და ამბობენ, არ ვართ ცოლ-ქმარიო”
გაძვირებული ტრანსპორტი – “საოცნებო” საქართველო და შეუსრულებელი დაპირებები