აშშ-ის სენატმა უკრაინის მხარდამჭერი რეზოლუცია მიიღო

აშშ-ის სენატმა რეზოლუცია მიიღო, რომელიც უკრაინის მიმართ მხარდაჭერას გამოხატავს და რუსეთის აგრესიას გმობს, – ინფორმაციას Associated Press-ი ავრცელებს.

სენატორების რეზოლუციას კანონის ძალა არ აქვს, მაგრამ მისი საშუალებით აშშ-ის საკანონმდებლო ორგანო ოფიციალურად აფიქსირებს „ამერიკის შეერთებული შტატების ურყევ მხარდაჭერას უსაფრთხო, დემოკრატიული და დამოუკიდებელი უკრაინის მიმართ“ და „გმობს რუსეთის სამხედრო ძალების მობილიზებას“ უკრაინის საზღვარზე.

„კონგრესი ერთიანია უკრაინის დამოუკიდებლობისა და სუვერენიტეტის მხარდაჭერაში“, – განაცხადა სენატორმა რობ პორტმანმა, რომელმაც, სენატორ ჯინ შაჰინთან და სხვა სენატორებთან ერთად, დოკუმენტი სენატს წარუდგინა.

რეზოლუცია პრეზიდენტ ჯო ბაიდენს მოუწოდებს, აშშ-ის მთავრობას დაავალოს, გამოიყენოს ყველა არსებული ინსტრუმენტი რუსეთისთვის „მნიშვნელოვანი ხარჯების“ დასაკისრებლად და „ევროპაში მშვიდობის აღსადგენად“.

დოკუმენტში ხაზგასმულია, რომ რეზოლუცია არ უნდა იქნას გაგებული, როგორც რუსეთის წინააღმდეგ სამხედრო ძალის გამოყენების ან უკრაინაში აშშ-ის შეიარაღებული ძალების შეყვანის ნებართვა.

სენატორები აცხადებენ, რომ აშშ-ის პრეზიდენტის ადმინისტრაციას შეუძლია დამოუკიდებლად, კონგრესის ქმედებების მიუხედავად, დააწესოს სანქციები.

„საკითხი არ დგას ასე: „თუ“, არამედ ასე: „როგორ“ ვუპასუხებთ ჩვენ პუტინს“, – აცხადებს სენატორი შაჰინი.

გააზიარეთ და მოიწონეთ სტატია:

მსგავსი სტატიები:

ნიკა მელია „ნაციონალური მოძრაობის“ თავმჯდომარე გახდა სემეკი დღეს ელექტროენერგიის ტარიფზე იმსჯელებს საფრანგეთის ელჩი – მნიშვნელოვანია, რომ შიდა პოლიტიკურ ფრონტზე დაძაბულობა ჩაწყნარდეს მელია დააჭერინეს, ისეთი სიტუაცია შექმნეს, სხვა გზა არ დაუტოვეს სახელმწიფოს- ვოლსკი “რუსეთი აგრესორია – ოკუპაცია არის დროებითი და მალე დავასრულებთ” 30 ოქტომბრის არჩევნები არის შერკინება რაგბში – საქართველო VS რუსეთი – ნიკა გვარამია მორიგი ანგარიშსწორება მედიაზე – სენაკში “ოცნების” წარმომადგენლები “მთავარი არხის” გადამღებ ჯგუფს თავს დაესხნენ “სააკაშვილის გატაცებები იგეგმება სხვა ქვეყანაში და ხორციელდება ჩვენთან”- ნიკა მელია