გრიპის ოთხკომპონენტიანი ვაქცინის პირველი 25 000 დოზა შემოდის – ვინ აიცრება უფასოდ

გრიპის ოთხკომპონენტიანი ვაქცინის პირველი პარტი საქართველოში 10 ოქტომბერს შემოვა. 25 000 დოზა ვაქცინა ორშაბათიდან განაწილდება.

სულ საქართველოს 135 000 დოზა ვაქცინა აქვს ნაყიდი, თუმცა, დაავადებათა კონტროლის ეროვნული ცენტრის დირექტორის თქმით, სახელმწიფო კიდევ მუშაობს და, ჯამში, 250 000 დოზამდე ვაქცინას შეიძენს.

“პირობა გვაქვს, რომ იგივე მწარმოებელი დამატებით 25 000 დოზას მოგვაწვდის ნოემბრის პირველი ნახევრისთვის და ვმუშაობთ კიდევ, რომ 100 000 დოზამდე შეივსოს და შემოვიდეს ნოემბრის მეორე ნახევარში. ძალიან დიდი დეფიციტია დასავლური ვაქცინების. ამ ეტაპზე, სახელმწიფო შეიძენს დაახლოებით 250 000 დოზამდე ვაქცინას და კიდევ ვმუშაობთ, რომ იგივე ან სხვა, დასავლური წარმოების ვაქცინა კიდევ დამატებითი მოცულობით შემოვიტანოთ.

გარანტირებული არის ეს 135 000 დოზა, რომელზეც კონტრაქტი არსებობს და ხელმოწერილია. შემდეგ 25 000 დოზაზე დასტური გვაქვს, მუშაობა მიმდინარეობს და დიდი ალბათობით შეივსება 100 000-მდე. და კიდევ ვმუშაობთ დამატებით 100 000-ის მოძიებაზე, რაც რთულია” – თქვა ამირან გამყრელიძემ FB-LIVE-ში და აღნიშნა, რომ კერძო სექტორი დაახლოებით 40-50 000 დოზას შემოიტანს.

დაავადებათა კონტროლის ეროვნული ცენტრი უფასოდ რისკჯგუფებს აცრის. იმის გამო, რომ ჯერჯერობით მხოლოდ 25 000 დოზა ვაქცინა შემოდის, სპეციალისტებმა ყველაზე მაღალი რისკის მქონე ჯგუფები განსაზღვრეს. ამის შესახებ FB-LIVE-ში NCDC-ის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა ილაპარაკა.

“რადგან პირველ ეტაპზე მომწოდებელი გვაწვდის 25 000 დოზა ვაქცინას, უპრიანია, ჯერ ყველაზე მაღალი რისკის ჯგუფები აიცრან და შემდეგ ჩაერთონ სხვა მაღალი რისკის ჯგუფები.

პირველი 25 000 დოზა განკუთვნილი იქნება ორსულების, დიალიზზე მყოფი პაციენტების და მათი მომვლელი პერსონალის, აივ ინფიცირებული პაციენტების და ცე ჰეპატიტის მქონე პირების, ბავშვთა სახლების და მოხუცთა თავშესაფრების ბინადრების, ასევე, სკოლამდელი აღზრდის დაწესებულებების მომსახურე პერსონალისთვის. ეს არის ყველაზე მაღალი რისკის ჯგუფები, რომლებსაც უნდა ჩაუტარდეთ ვაქცინაცია. ყველას გთხოვთ, ვინც შედიხართ რისკჯგუფებში, მიაკითხეთ თქვენს სამედიცინო პუნქტებს, თქვენთვის ვაქცინა უფასოა” – თქვა ზახაშვილმა.

დაავადებათა კონტროლის ეროვნული ცენტრის ხელმძღვანელმა ამირან გამყრელიძემ, ფართომასშტაბიან შეზღუდვებზე კიდევ ერთხელ ისაუბრა და განაცხადა, რომ ქვეყანაში შეზღუდვები არ იგეგმება. როგორც გამყრელიძემ განმარტა, იქ, სადაც საჭირო იქნება, წერტილოვანი შეზღუდვები დაწესდება.

მანამდე კი ამირან გამყრელიძემ თქვა, რომ საკოორდინაციო საბჭოზე თბილისში ფართომასშტაბიან შეზღუდვებთან დაკავშირებით მსჯელობა მიმდინარეობს.

“გაზაფხულზე ჩვენც ნაკლები ვიცოდით ამ ვირუსის შესახებ და ძირითადად ყველა ქვეყანა იყენებდა ძლიერ შემზღუდავ ღონისძიებებს.

დღეს ჩვენ უკვე გავითავისეთ, რომ კორონავირუსულ ინფექციას ერთ და ორ დღეში ვერ გავაქრობთ, ვერც ორ თვეში და შესაძლოა, ვერც ერთ წელიწადში. ამიტომ უნდა ვისწავლოთ თანაცხოვრება კორონავირუსთან ერთად.

ამიტომ ფართომასშტაბიანი შემზღუდავი ღონისძიებები არ იგეგმება არათუ ლაითურში და გურიაში, არამედ არც თბილისში.

იქ, სადაც საჭირო იქნება ე.წ წერტილოვანი დარტყმების და წერტილოვანი შეზღუდვების დაწესება, როგორიც არის მაგალითად კლასი. მაგალითად, სკოლაში გაჩნდა ერთი ბავშვი ინფიცირებული, რა თქმა უნდა, კლასი დროებით შეწყვეტს სწავლას და გადავლენ თვითიზოლაციაში. ან თუ ვთქვათ სკოლაში იქნა რამდენიმე შემთხვევა, შეიძლება, დაისვას საკითხი იმ სკოლაში, მაგრამ არა მთლიანად სწავლის შეწყვეტის.

ასეთი ტიპის შეზღუდვები შესაძლებელია, მაგრამ არ იგეგმება დიდი, ფართომასშტაბიანი შეზღუდვები, მათ შორის დედაქალაქში”,-თქვა ამირან გამყრელიძემ.

გააზიარეთ და მოიწონეთ სტატია:

მსგავსი სტატიები

  • 83
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ
  • 76
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და
  • 76
    ვინ არის ლუკა ჩიქოვანი- ქართველი მსახიობის წარმატების გზა იტალიასა და ამერიკაში26 წლის ქართველი მსახიობი, ლუკა ჩქოვანი, კანის კინოფესტივალის შემდეგ, ვენეციის ბიენალეზე გამოჩნდა. ლუკა 1994 წელს, თბილისში დაიბადა და 6 წლის იყო, როცა დედამ იტალიაში წაიყვანა. მან პოპულარობა ცნობილი მომღერლების ქავერების შესრულებით მოიპოვა და მალე იტალიელი თინეიჯერების რჩეულიც გახდა. 2016 წელს, გამოუშვა საკუთარი ალბომი და კლიპიც გადაიღო. მისი სამსახიობო დებიუტი, ორი…
    Tags: და, რომ
  • 76
    „როგორ აღვზარდოთ ფსიქიკურად ჯანმრთელი ბავშვები“გამოწვევები, სირთულეები და რეგრესული პერიოდი ყველას ცხოვრებაში გარდაუვალია. მასთან გამკლავება თითოეულ ინდივიდს მოუწევს, თუმცა, ჩვენ შეგვიძლია დავეხმაროთ ბავშვებს, რომ შედარებით უმტკივნეულოდ, უშფოთველად დაძლიონ სირთულეები და კრიტიკულ ვითარებაშიც კი შეინარჩუნონ სიმშვიდე. ყოველდღიურ საზრუნავზე, შვილის საშინაო დავალებებზე და სკოლაში მიღებულ ქულებზე ფიქრის გამო მშობლებს ხშირად ავიწყდებათ, რომ ბავშვები შესაძლოა ვერ ავითარებდნენ სათანადო…
    Tags: და, რომ