შეიარაღებულ აგრესიამდე ბევრად ადრე, რუსეთმა, საინფორმაციო ომი უკრაინის წინააღმდეგ უკვე დაიწყო; კრემლის პროპაგანდა ჩვეული მეთოდით და უკვე ნაცადი დღის წესრიგით იმეორებს საბრძოლო მოქმედებების დაწყების საბაბად საჭირო ინფორმაციას და უკრაინას ფეიკ ნიუსებით ბომბავს;
პროპაგანდა უცვლელია – მაგალითად 2008 წელსაც, ყველაფერი ე.წ. სამხედრო წვრთნებით დაიწყო -საქართველოს შემთხვევაში ეს იყო “კავკაზ 2008”- რუსეთის 58-ე არმიის მონაწილეობით, ისევე, როგორც ამ შემთხვევაშიც რუსეთმა სამხედრო ტექნიკა და ცოცხალი ძალა, უკრაინის საზღვართან განალაგა სწორედ სამხედრო წვრთნების მოტივით;
ცნობები, ე.წ. პროვოკაციების შესახებ – ისევე, როგორც 2008 წელს, ახლაც ყოველდღიურად იბომბება სოფლები, მათ შორის, რუსული ჭურვების სამიზნეა მშვიდობიანი მოსახლეობა, მათ შორის იყო საბავშვო ბაღიც და ისმის განცხადებები, ადგილობრივი მოსახლეობის ე.წ. გენოციდის შესახებ;
სროლა და აფეთქებები სტრატეგიულად მნიშვნელოვან ობიექტებზე, ასევე მოქალაქეების ევაკუაცია ოკუპირებული რეგიონებიდან – სცენარი საქართველოს მოქალაქეებისთვის განსაკუთრებულად ნაცნობია, რადგან კრემლის პროპაგანდა, სწორედ ამ მეთოდით მუშაობდა 2008 წლის აგვისტოს ომის წინ.
პუტინის საინფორმაციო ომის არსენალში, ახლა მხოლოდ ერთი ეტაპი რჩება – როდის დაადანაშაულებს რუსეთის პრეზიდენტი უკრაინას “მძინარე დონბასის” დაბომბვაში და როდის დაიწყებს ამ საბაბით ღია სამხედრო დაპირისპირებას;
თუმცა 2008 წლის შემდეგ, უკვე თითქმის 14 წელი გავიდა და ახლა, საერთაშორისო თანამეგობრობა, ისტორიის ქართულ გაკვეთილებზე დაყრდნობით ახალ დასკვნებს აკეთებს;
ამის დასტურია საერთაშორისო პარტნიორების განცხადებები, მათ შორის შეერთებული შტატების ელჩის თანაშემწის დღევანდელი გზავნილი, რომელიც რაიან ჰარისმა ქართულ ენაზე გაავრცელა.
მთავარი არხი
მსგავსი სტატიები:
როგორ ამოვიცნოთ ჭეშმარიტი ქოცი?-ზურაბიშვილი
“გაათრიეთ… სიამოვნებით მივართმევდი ერთ ალიყურს”-ქეთი დოლიძე კრამერზე ბრაზობს
“ბიძინა თქვენთვის კოლექტივის თავმჯდომარეა?!”
“უმნიშვნელოვანესი ნაბიჯი გადავდგით,ეს საქართველოს გამარჯვებაა”
“თუ ყველა ამას არ აღვუდექით, შეგვრჩება ბიძინას, ანუ” ბეზპრიდელის” საქართველო”
“ვიღაც რუსეთს რომ ახსენებს, დოსტოევსკი, ჩეხოვი და რუსი ქალები ახსენდება, მე – ოთხოზორია, ანწუხელიძე”….
მიხეილ სააკაშვილის პირველი კადრი საქალაქო სასამართლოს დარბაზიდან
ვინც რუსეთს მისტირით, ყურადღებით წაიკითხეთ