რაზეც მიხეილ სააკაშვილს ედავებიან, იგივე ბიძინა ივანიშვილს აქვს გაკეთებული, უბრალოდ, იმ დოკუმენტს გრიფი „საიდუმლო“ ადევს – მელია

რაზეც მიხეილ სააკაშვილს ედავებიან, იგივე აქვს ბიძინა ივანიშვილს გაკეთებული, – ასე შეაფასა „ნაციონალური მოძრაობის” თავმჯდომარე, ნიკა მელიამ ექსპრეზიდენტ მიხეილ სააკაშვილის მიერ საქართველოს პრეზიდენტ, სალომე ზურაბიშვილისთვის გაგზავნილი ღია წერილი.

ნიკა მელიას განცხადებით, ამ დოკუმენტს ახლა გრიფი „საიდუმლო” ადევს და საზოგადოებამ არ იცის.

„ძალიან სამწუხაროა, რომ ქვეყანაში, სადაც ადამიანები, განათლებული მოქალაქეები ცხოვრობენ, იმის მტკიცება არის საჭირო, რომ ქვეყნის პრეზიდენტს შეწყალების ექსკლუზიური უფლება აქვს, ვისაც არ უნდა იწყალებდეს და ამის გამო შენ გასამართლებენ. ძალიან სამწუხაროა, რომ იმის მტკიცება გვიწევს, რაზეც მიხეილ სააკაშვილს ედავებიან,იგივე აქვს ბიძინა ივანიშვილს გაკეთებული. უბრალოდ, იმ დოკუმენტს ახლა გრიფი „საიდუმლო” ადევს და საზოგადოებამ არ იცის. მიკვირს და ვისურვებდი, რომ ქალბატონ ზურაბიშვილს ეს კითხვის ნიშნები „ქართული ოცნების” პროპაგანდისთვისაც მოეხსნა. „ქართული ოცნების” პროპაგანდა ამტკიცებს, რომ მიხეილ სააკაშვილის მიერ ჩადენილი დანაშაული სახეზეა. რატომ არ იხსნება, როდესაც შეგიძლია ნათელი მოჰფინო ამ საქმეს და ვნებათაღელვა მცირეოდენით მაინც ჩაახშო. სამწუხაროა, რომ ქალბატონი ზურაბიშვილი ამ ნაბიჯს არ დგამს. ვიმედოვნებ, ადრე, ვიდრე, გვიან იგი ამ ნაბიჯს გადადგამს”, – განაცხადა მელიამ.

გააზიარეთ და მოიწონეთ სტატია:

მსგავსი სტატიები:

აჭარის პოლიციის დეპარტამენტის ხელმძღვანელმა თანამდებობა დატოვა მნიშვნელოვან გამოწვევად რჩება მართლმსაჯულების დამოუკიდებლობა- ევროკავშირის ანგარიში ყველა ჩემი კოლეგა მენანება, ვინც ხელი მოაწერა დოკუმენტს- მელია ქვეყანაში შექმნილი უმძიმესი ვითარების ფონზე, საქართველოში შარლ მიშელი კიდევ ერთხელ ჩამოდის “ამ კონკრეტულ ეპიზოდს მიშა უგებს ბიძინას…არა აქვს მნიშვნელობა, ვინ ზის ციხეში და ვინ–შუშის სასახლეში”-სანაია “მოშეს 10 მცნება” და “ბიძინას სკოლა” -მამულაშვილი ღარიბაშვილის წერილზე ელისაშვილი წულუკიანს: ასე უკულტუროდ, ზიზღით ლაპარაკი არ შეიძლება – ნუ გველაპარაკება როგორც მძვინვარე სამხედრო სტრუქტურის ხელმძღვანელი მიხეილ სააკაშვილის მიმართვა საქართველოს სამედიცინო საზოგადოებას