“სამწუხაროა, რომ უკრაინაში მიმდინარე ომის ფონზე,ნაცმოძრაობის სატელიტებმა ჩემი აკადემიური ბიოგრაფიისთვის მოიცალეს”

აჭარის ავტონომიური რესპუბლიკის მთავრობის თავმჯდომარე, თორნიკე რიჟვაძე განცხადებას ავრცელებს, რომელშიც ნათქვამია, რომ რუსულ ოკუპაციასთან დაკავშირებით მისი პოზიცია და კონკრეტული ქმედებები საჯაროდ ცნობილია:

“სამწუხაროა, რომ უკრაინაში მიმდინარე ომის ფონზე, მაშინ როდესაც უამრავი უდანაშაულო ადამიანი იღუპება და უწევს სამშობლოს და ახლობელი ადამიანების დატოვება, რიგმა პოლიტიკურად ანგაჟირებულმა მედია საშუალებებმა, ფსევდოპატრიოტულმა პოლიტიკურმა ძალებმა და ნაცმოძრაობის სატელიტმა ორგანიზაციებმა, რომელთა მთავარ მიზანს წარმოადგენს საზოგადოების ემოციებით მანიპულირება, საქართველოში მშვიდობის და ევროპული საგარეო კურსის მიზანმიმართული დისკრედიტაცია, ,,მოიცალეს” ჩემი საგარეო პოლიტიკური პოზიციის და აკადემიური ბიოგრაფიის გაყალბებისთვის.