შეძრწუნებული ვართ იმ ბოროტებით, რაც ხდება უკრაინაში და თანავუგრძნობთ ამ მეტად მედგარ, მტკიცე ნებისყოფის ხალხს, ღმერთმა მისცეს მათ სიმხნევე და სიმტკიცე – ამბობს ბათუმისა და ლაზეთის მიტროპოლიტი, მეუფე დიმტრი ქადაგებისას.
მან პუტინს ბოროტმოქმედი მმართველი უწოდა, რომელიც კაცობრიობას ბირთვული იარაღით ემუქრება.
“გამოჩნდა ერთი ბოროტმოქმედი მმართველი, რომელიც მთელ კაცობრიობას ბირთვული იარაღის ჟღარუნით ემუქრება და თავის თავს მიიჩნევს ქრისტიანად. მე ვიტყოდი, მას ქრისტიანულ ფასეულობებთან არაფერი საერთო არ აქვს. ის, რომ როდესაც ის მთელი გარკვეული სიამოვნებით მთელ მსოფლიოს უცხადებს და ეუბნება, რომ თვალის დახამხამებას ვერ მოასწრებთ, მე თუ ეს ჩემი ბირთვული იარაღი გამოვიყენეო, მას არაფერი არ აქვს ქრისტიანობასთან საერთო. ის ემუქრება ჩვენს ქვეყანას, ის ემუქრება ჩვენს შვილებს, თქვენს შვილებსა და კაცობრიობას.” ამბობს მეუფე.
მისი თქმით, თავის თანაკურსელებს, რუსეთში მოღვაწე სასულიერო პირებს, გაუგზავნა შეტყობინება, რომ შეაჩერონ ბოროტმოქმედი პუტინი, თუმცა მათგან პასუხი არ მიუღია:
“როგორც მოგეხსენებათ, გარკვეული პერიოდი ვცხოვრობდი და ვსწავლობდი რუსეთში, ჩემთან ჩემი თანაკურსელები იყვნენ სხვადასხვა ეროვნების წარმომადგენლები, მათ შორის, უკრაინელები, რუსები, სერბები, ბულგარელები და ა.შ. ყოველდღიურად ვხედავთ საშინელებას, როგორ ინგრევა, როგორ ნადგურდება, როგორ იხოცება უამრავი ადამიანი – ბავშვები, ქალები, კაცები. მე ჩემს ზოგიერთ თანაკურსელს, მღვდელმთავრებს რუსეთში გავუგზავნე ასეთი შეტყობინება – თქვენ უნდა შეაჩეროთ ეს ბოროტმოქმედი, უნდა შეაჩეროთ და ამხილოთ, რადგან ის დაღუპავს რუსეთს, თუ უკვე არ დაღუპა, უკიდურეს შემთხვევაში, მე გამიჭირდება თქვენთან ურთიერთობა. სამწუხაროდ, მათგან არანაირი პასუხი არ არის და ეს მოსალოდნელიც იყო.
მე მაქვს თითქმის ყოველდღიური ურთიერთობა ჩემს უამრავ მეგობართან, კურსელებთან უკრაინაში, ჩვენ ყოველდღიურად თვალცრემლიანები ვემშვიდობებით ერთმანეთს. განადგურებულია ზოგიერთი ეპარქია, უამრავი ადამიანის სიცოცხლე შეეწირა ყოველივე ამას.
ძალიან გულნატკენები არიან, მე მხედველობაში მყავს ნაწილი რუსეთის საპატრიარქოს დაქვემდებარებაში, თავიანთ პატრიარქზე, რომელმაც, გარკვეულწილად, გაამართლა და ამ ბოროტმოქმედებას, რაც უკრაინაში ხდება, უწოდა რუსეთის ინტერესების დაცვა.” ამბობს მიტროპოლიტი.
მეუფე დიმიტრი საქართველოს ხელისუფლების პოზიციასაც გამოეხმაურა:
“მე ორი სიტყვით მინდა შევეხო იმ მდგომარეობას, რაც ჩვენს ხელისუფლებას და სახელმწიფოს გააჩნია – გარკვეული სიფრთხილე აუცილებელია, საჭიროა, რადგან ეს აღმოსავლური სიბრძნეა, როდესაც ადამიანი წყალში იხრჩობა, თავის გადარჩენის მიზნით გველსაც კი მოკიდებს ხელსო. ყველაფერზე შეიძლება წავიდნენ და ყველანაირი საზიზღრობა შეიძლება, ჩაიდინოს, ჩვენ რა მოგვეთხოვება? მხოლოდ ლოცვა, მეტი არაფერი არ შეგვიძლია.” თქვა მიტროპოლიტმა.
ბათუმისა და ლაზეთის ეპარქიამ შეაგროვა შემოწირულობები, რომელიც ამ დღეებში გაიგზავნება უკრაინაში.
მსგავსი სტატიები:
ჩვენი განხილვის თემად ახალი არჩევნები რჩება- თაკო ჩარკვიანი
“ბატონი ღარიბაშვილი, პრობლემებით სავსე ხელებით წავიდა”
“მედიატერორისტი და კოვიდმოქეიფე ირაკლი ღარიბაშვილი უნდა წავიდეს”-ნიკა გვარამია
ხმაური და დაპირისპირება ბათუმში – ენმ-ის წევრებმა კომისიის თავმჯდომარეს ჯიბეში გაორებული სამაგიდო სიები აღმოუჩინეს
“ყველანი უბნებზე! ცვლილებების დროააააა”- ნიკა გვარამია
„მიშა წააქციეს, ხელბორკილები დაადეს და ძალის გამოყენებით გაიტაცეს“ – ლიზა იასკო
“ევროკავშირში ჯერ მხოლოდ განაცხადის თემას ვერ ინაწილებს ჩვენი საზოგადოება”-გამზარდია
“ლავროვი… ადამიანს სახეზე ყოველთვის ეწერება თავისი ცხოვრება, გზა და დასასრული”