აშშ-ის სენატის საგარეო საქმეთა კომიტეტის თავმჯდომარე, ჯიმ რიში საქართველოს პოლიტიკურ კრიზისს ეხმაურება.
ამერიკის ხმისთვის მიცემულ წერილობით კომენტარში ერთიანი ნაციონალური მოძრაობის რეგისტრაციის შესაძლო გაუქმებაზე სენატორი რიში ამბობს, რომ მმართველი თავს უნდა იკავებდეს ოპოზიციური ხმის ჩახშობის მცდელობებისგან.
“ძლიერი დემოკრატია მოიცავს სიტყვის თავისუფლებას. საქართველო უკვე ძალზედ დაზიანდა პოლიტიკური ანგარიშწორებით და ამის მსგავსი კანონპროექტები უთანასწოროს ხდის პირობებს, რომლებითაც ყველა პოლიტიკურმა მონაწილემ უნდა ისარგებლოს. მმართველი პარტიები ოპოზიციური ხმის ჩახშობის მცდელობებისგან თავს უნდა იკავებდნენ და პირიქით უნდა ეცადონ, რომ ყველა მხარეს დემოკრატიულ პროცესში მონაწილეობის თანასწორი საშუალება ჰქონდეს”. – თქვა ჯიმ რიშმა.
ქართული ოცნების აღმასრულებელმა მდივანმა, ირაკლი კობახიძემ 17 დეკემბერს თქვა, რომ პარლამენტში ინიცირებულია საკანონმდებლო ცვლილებათა პაკეტი, რომელიც საპარლამენტო ბოიკოტის რეჟიმში მყოფი პარტიების წინააღმდეგაა მიმართული. კობახიძის თქმით, კანონპროექტი ითვალისწინებს სახელმწიფო დაფინანსების შეწყვეტასა და შეჩერებას იმ პოლიტიკური პარტიებისთვის, რომლებიც სრულად არ ითვისებენ საპარლამენტო მანდატებს.
ოპოზიციური პარტიები 31 ოქტომბრის საპარლამენტო არჩევნებს გაყალბებულად მიიჩნევენ და რიგგარეშე არჩევნების ჩატარებას ითხოვენ, მანამდე კი ბოიკოტის რეჟიმში არიან.
ოპოზიციას რამდენიმე მოთხოვნა აქვს: ახალი საარჩევნო ადმინისტრაციის პირობებში ხელახალი არჩევნების ჩატარება და პოლიტიკური პატიმრების გათავისუფლება. ოპოზიციამ მმართველ გუნდს რიგგარეშე არჩევნების შესახებ პლებისციტის ჩატარებაც შესთავაზა.
მიუხედავად ხელისუფლებას და ოპოზიციას შორის მოლაპარაკებებისა, რომელსაც ფასილიტაციას დასავლელი პარტნიორები უწევენ, შეთანხმება ვერ მოხერხდა, ქართული ოცნება მხოლოდ საარჩევნო რეფორმის ჩატარებას თანხმდება.
სწორედ ამის გამო, 11 დეკემბერს გამართული მე-10 მოწვევის პარლამენტის პირველი სხდომა საქართველოს უახლეს ისტორიაში პირველად, ერთპარტიული იყო.
მსგავსი სტატიები:
ილია ll პარლამენტის პირველ სხდომას არ დაესწრება
“რა ჰქმნა კორონამ”
დღეს რაც მოხდა თბილისში, არის დიდი გამარჯვება – მიხეილ სააკაშვილი
“„ქართულმა ოცნებამ” დიდი დარტყმა მიაყენა საქართველოს ევროსტლანტიკურ პერსპექტივას”
ხალხთან ფრთხილად, რადგან ხალხი ბრძენია”
მიხეილ სააკაშვილი 27 მაისს ევროკომისიის წარმომადგენლებს შეხვდება
“ძალიან საინტერესო ცხოვრება არ გამოდის სულიერებისა და ხელოვნების გარეშე”
მომდევნო 3 წელიწადში მთავრობა და კერძო სექტორი 2 მილიარდ ნახევარს დავხარჯავთ ადგილობრივი წარმოების განვითარების მიმართულებით