ევროკავშირმა უკრაინის დედაქალაქ კიევში საელჩო ხელახლა გახსნა,- ინფორმაციას BBC-ი ავრცელებს.
უკრაინაში ევროკავშირის დელეგაციის ხელმძღვანელმა მატი მაასიკასმა სოციალურ ქსელში დელეგაციის შენობის გარეთ აღმართული დროშის ფოტო გამოაქვეყნა.
ევროკავშირმა რუსეთის მიერ უკრაინაში შეჭრის შემდეგ კიევიდან საელჩო დროებით პოლონეთში გადაიტანა.
ავსტრია კი კიევში საკუთარ დიპლომატებს უახლოეს მომავალში დააბრუნებს, – მედიის ინფორმაციით, ამის შესახებ ავსტრიის კანცლერმა, კარლ ნეჰამერმა უკრაინაში ვიზიტის დროს განაცხადა.
რუსეთის უკრაინაში შეჭრის შემდეგ ავსტრიის საელჩოს თანამშრომლები უკრაინის ქალაქ უჟგოროდში მუშაობენ, რომელიც სლოვაკეთის საზღვართან ახლოს მდებარეობს.
„ვინაიდან კიევის ირგვლივ ვითარება გარკვეულწილად დასტაბილურდა, ავსტრიის საელჩოს გუნდი განაახლებს მუშაობას უკრაინის დედაქალაქში“, – განაცხადა ნეჰამერმა და დასძინა, რომ ეს „ამ ძალიან რთულ დროს უკრაინის მიმართ ავსტრიის სრული მხარდაჭერის ნიშანია“.
შეგახსენებთ, კიევში ელჩი ევროკავშირმა უკვე დააბრუნა.
აღსანიშნავია, რომ კიევში საელჩოს მუშაობის განახლებას იტალიაც გეგმავს. ქვეყნის საგარეო საქმეთა მინისტრმა, ლუიჯი დი მაიომ განაცხადა, რომ საელჩო აღდგომის დღესასწაულის შემდეგ გაიხსნება.
მსგავსი სტატიები:
ცნობილ ნახატებში დამალული საიდუმლოებები – მონა ლიზა
“არ შეიძლება წაყრუება და ენისმოჩლექა, როცა საქმე შენი ქვეყნისთვის დამღუპველ შეცდომას ეხება”
გამყრელიძე-ადამიანი სოფელში სასაფლაოზე რომ გავა, მას ამას არავინ უკრძალავს
“აუცრელი პაციენტის ჰოსპიტალიზაციის ხარჯებს სახელმწიფო არ უნდა ანაზღაურებდეს”
“ჩემი მხარდაჭერა ირაკლი ღლონტს! ხმა მივცეთ განვითარებასა და ქვეყნის წინსვლას!” – მანუჩარ კვირკველია
ბესიკ თამლიანს ბრალი წარუდგინეს
ავსტრალიის პრემიერი საკუთარი ქვეყნის მოქალაქეებს უკრაინის დატოვებისკენ მოუწოდებს
კიევის მახლობლად 410 ცხედარია ნაპოვნი – უკრაინის პროკურატურა