ექსტრემიზმთან ბრძოლის ცენტრის თანამშრომლებმა გაარკვიეს, რომ სამარის ოლქში, ყოვლადწმიდა ღვთისმშობლის შობის ტაძრის დეკანოზი სერგეი შჩერბიუკი მრევლთან და ეკლესიის სხვა მსახურებთან საუბრის დროს რუსი სამხედროების დისკრედიტაციას ახდენდა. მამაკაცი დაჯარიმდა 30 ათასი რუბლით. ის თავად წარმოშობით უკრაინელია, რამაც მხოლოდ გააუარესა სიტუაცია. ამის შესახებ გამოცემა Инфо 24 იტყობინება.
თავად მღვდლმა ჟურნალისტებს განუცხადა, რომ შეიძლება პასუხისგებაში მისცეს ორი სავარაუდო ეპიზოდიდან ერთ-ერთის გამო.
ერთხელ, ეკლესიიდან გზად მიმავალი, მრევლს ესაუბრებოდა, თუ რა ხდებოდა უკრაინაში და როგორ იღუპებოდნენ იქ მშვიდობიანი მოქალაქეები. შჩერბიუკმა გამოთქვა მოსაზრება, რომ კონფლიქტის გადაწყვეტა შეიძლებოდა საომარი მოქმედებების გარეშე. თანამოსაუბრე კი არ დაეთანხმა მის მოსაზრებას. ანალოგიური საუბარი ჰქონდა დეკანოზს ეკლესიის ერთ-ერთ თანამშრომელთან.
მანამდე პენზაში ინგლისურის მასწავლებელმა სკოლის მოსწავლეებს “სპეცოპერაციის” შესახებ სინამდვილე უამბო, რის გამოს მასზე სისხლის სამართლის საქმე აღიძრა. მას ბრალი წაუყენეს რუსეთის ფედერაციის შეიარაღებული ძალების დისკრედიტაციის მუხლით.
ერთ-ერთმა მოსწავლემ მასწავლებლის გამოსვლა ჩაწერა და შინაგან საქმეთა სამინისტროს გაუგზავნა.
როგორც ცნობილია, უკრაინაში ომის დაწყების შემდეგ პუტინმა გამოსცა ახალი კანონი, რის მიხედვითაც რუსი სამხედროების ქმედებების შესახებ ცრუ ინფორმაციის გავრცელება, რუსეთის ფედერაციის შეიარაღებული ძალების დისკრედიტაცია და ანტირუსული სანქციებზე მოწოდება სისხლის სამართლის კოდექსით დასჯადი გახადა, ანუ მარტივად რომ ვთქვათ პრესას და მოსახლეობას სრული ცენზურა დაუწესა.
მსგავსი სტატიები:
სოფელ ბახვში პედაგოგს კორონავირუსი დაუდასტურდა
112 განცხადებას ავრცელებს
Black Sea Arena 2020 წლის გერმანული დიზაინის პრემიის გამარჯვებული გახდა
10 პროდუქტი, რომელიც იანვარში გაიაფდა
პატრიარქის სააღდგომო ეპისტოლე
ევროპა ვაქცინირებულთათვის საზღვრების გახსნას აპირებს – ისარგებლებენ თუ არა ამ უფლებით ქართველები
30-იანი წლები რომ იყოს დღეს ჟურნალისტების 90 % დახვრეტა არ აცდებოდა – ლიხაურის ეკლესიის წინამძღოლი
“როცა ასაკში ხარ, თავშესაქცევი და სიმშვიდე გჭირდება, აქ კი ამისთვის ყველაფერია”