პრაქტიკულად, პუტინმა უარი თქვა ყველა დიდ ქალაქზე – წერს მიხეილ სააკაშვილი და უკრაინაში, რუსეთის ომს კიდევ ერთხელ ეხმაურება. როგორც მესამე პრეზიდენტი აღნიშნავს, კრემლმა უკვე დაკარგა შეიარაღების 40% იმ ფონზე, როდესაც უკრაინას სულ უფრო ემატება ტექნიკა:
“მინდა გვესმოდეს, რა ხდება დღეს უკრაინაში. კიევთან კატასტროფული მარცხის შემდეგ, პუტინმა უკრაინის სიდიდით მეორე ქალაქის, ხარკოვის დაპყრობის განკარგულება გასცა. მაგრამ, როგორც ჩანს, სამხედროებმა აუხსნეს, რომ ეს შეუძლებელია. ამიტომ მას ახლა რაიმეს გაფორმება მაინც სჭირდება თავის გამარჯვებად.
მიღებული გადაწყვეტილება დონეცკისა და ლუგანსკის ოლქების სრულად აღების შესახებ, დაახლოებით იმის მსგავსია, 2008-ში თავიანთი კონტროლის ზონას ახალგორი და კოდორის ხეობა რომ დაამატეს. ოღონდ, რა თქმა უნდა, ეს ოლქები შეუდარებლად დიდია ვიდრე ჩვენი ტერიტორიები. იმაში შედის მარიუპოლი და გზა ყირიმზე.
ჩემი აზრით, რუსებს ძალიან გაუჭირდებათ როგორც ოლქების მთელი ტერიტორიების დაკავება, ასევე ყირიმზე გზის შენარჩუნება. ისევე როგორც, უკრაინელები აუცილებლად დაიბრუნებენ კონტროლს ხერსონის ოლქზე.
ამ პირობებში რუსებმა რომც შეინარჩუნონ დროებითი კონტროლი მარიუპოლზე და ყირიმის წყლით მომარაგების წყალსაცავი ხერსონის ოლქის სამხრეთში, ეს კატასტროფული მარცხი იქნება.
ომის ამ ეტაპზე მტერს უარი აქვს ნათქვამი ოდესაზე, იმიტომ რომ ოდესამდე მიღწევას ჯერ ნიკოლაევის დაკავება სჭირდება და ესეც უკვე შეუძლებელია.
პრაქტიკულად, პუტინმა უარი თქვა ყველა დიდ ქალაქზე იმ პირობებში, რომ უკვე დაკარგა მოკლულებით თითქმის 20 ათასი და დაჭრილებით 40, რაც პირველადი შემტევი ძალის თითქმის მესამედია.
ასევე, რუსეთმა დაკარგა ტექნიკის 40%, უკრაინას კი ტექნიკა სულ ემატება.” წერს მიხეილ სააკაშვილი
მსგავსი სტატიები:
მელია დააჭერინეს, ისეთი სიტუაცია შექმნეს, სხვა გზა არ დაუტოვეს სახელმწიფოს- ვოლსკი
“კობახიძეს სურს ნაციონალების ხმები სამეგრელოში როგორმე გახარიამ წაიღოს”
“ფარისევლობა თუ არ იყო მაშინდელი პროტესტი, რა შეიცვალა დღეს”?-ნანა გეგეჭკორი
„სინდისის პატიმარი უნდა გათავისუფლდეს“ – ტიმოშენკოს პარტია საქართველოს ხელისუფლებას მიმართავს
ევროპარლამენტარების საქართველოში ვიზიტის გაუქმებასთან დაკავშირებით განმარტება გაკეთდა
ძალიან მორჩილი ადამიანი და კარგი ჩინოვნიკი ვარ – წულუკიანი
რუსეთი ევროპის საბჭოს ტოვებს
ნეიტრალურმა შვეიცარიამ რუსეთის მიმართ დაწესებული სანქციები გააფართოვა